NG'ATUTIK 1:8 - BUKUIT NE TILIL

⁸ Ogeero, kande emet taing’wong’: omong’ji anyun kobunjok emet ne kiiyosiechi Jehovah kwanisiekwok, Abraham, Isak, ak Jakobo, kole igochin ak iyotenywa ne biitu let.

Bukuit Ne Tilil

⁸ Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

BUKUIT NE TILIIL Sireet ne Dutero Kanon

⁸ Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

NG'ATUTIK 1:8 ပူးပေါင်းရင်းမြစ်များ

TAUNET 12:7

Ak kimong’ji Jehovah Abram, ak kolenji, Agochini iyoteng’ung’ emoni: ak kiteekyi kaptisisiet Jehovah, ne kimong’ji inendet.

TAUNET 15:16

Ak tun weegugei kogeny kobwanei yu eng’ ibinda ne bo ang’wan: amu tomo konyi tengektab Amorik.

TAUNET 15:18

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate:

NEEMIA 9:15

ak igochi amitwogik che bunu kipsengwet amu rubenywa, ak imoong’u beek eng’ ruandet agobo ichek, amu meleldanywa, ak ing’at ichek koba konam emet kobunji, emet ne kiga iitochi eung’ung’ igochi.

KOMONG'U 23:31

Ak andoi kiwoteng’ung’ kobochit Nyanjet ne Birir agoi nyanjetab Pilistik, ak kobochit ong’atet agoi Ainet: amu andoi bikab emonoto eunekwok; ak ion ichek koba eng’ taing’ung’.

KOMONG'U 33:1

Ak kilenji Jehovah Musa, Oba, otogoste eng’ oli, inye ak bik che kiimutu komong’une emetab Misri, agoi oit emet ne kiayosiechi Abraham, Isak ak Jakobo, alenji, Agochini iyoteng’ung’.

JEREMIA 32:22

ak igochi emoni, ne kiiyosiechi kwanisiekwak ile igochini ichek, emet ne nyiitat chego ak kumik;

EZEKIEL 47:14

Bunjinok nito, kogergeit tugul; emet ne kiayosie ale agochini kwanisiekwok: ak kobunjok emoni koek boroteng’wong’.

KAITOSYEK 14:23

mageerei iman emonoto kiayosiechi kwanisiekwak, ama keerei age tugul eng’ ichek che kisasa;

KAITOSYEK 32:11

Mami iman eng’ bik che kibunu Misri koboch che bo kenyisiek tiptem ak kwo tai, ne imuchi kogeer emet ne kiayosiechi Abraham, ak Isak, ak Jakobo: amu ma isubwa eng’ kagesunatetab ge.

NG'ATUTIK 1:11

Ingotesaak Jehovah Kamuktaindetab kwanisiekwok, konyil elfut kosiir koiteng’wong’ ne bo nguno, ak ingoberurok, ko u ye kigoaroruok!

NG'ATUTIK 1:35

Mageerei iman agot agenge eng’ bichu bo ibini ya, emet ne kararan, ne kiayosie ale agochini kwanisiekwok,

NG'ATUTIK 10:11

Ak kilenja Jehovah, Ng’eet, indochi bik; si koba konam emet ne kiayosiechi kwanisiekwak ale agochini.

NG'ATUTIK 11:24

Bunjinok oldo tugul ole katiech kelyekwok: koboch ong’atet, ak Lebanon, koboch ainet, ainonoto Euprate, agoi nyanjet ne tokyingei ole roroktoe asista, oloto kiwoteng’wong’.

NG'ATUTIK 11:9

si kochang’a betusiekwok eng’ emonoto, ne kiiyosiechi Jehovah kwanisiekwok kole igochin ichek ak iyotenywa ne biitu let, emet ne nyiitat chego ak kumik.

NG'ATUTIK 2:29

ko u ye kichamwa lagokab Esau che menyei Seir, ak Moabik che menyei Ar; agoi alandae Jordan awa emet ne konech Jehovah Kamuktaindennyo.

NG'ATUTIK 26:15

Keer anyun ng’ony eng’ meng’ateng’ung’ ne tilil, eng’ kipsengwet, ak iberur biguk Israel, ak emet ne kiigonech, ko u ye kiiyosiechi kwanisiekyok, emet ne nyiitat chego ak kumik.

NG'ATUTIK 26:3

Ak inyo anyun ole mi tisiindet ne mi eng’ betusiechoto, nyo ilenji, Aborjini rani Jehovah Kamuktaindeng’ung’ alenjini, Kaitu emet ne kiiyosiechi Jehovah kwanisiekyok kole konech.

NG'ATUTIK 28:11

Ak koyabin Jehovah ibaraitu iegu ne nyiitat mieindo, eng’ iyoteng’ung’, ak eng’ iyotetab akwotisieguk, ak eng’ iyotetab koreng’ung’, eng’ emet ne kiiyosiechi Jehovah kwanisieguk kole konin.

NG'ATUTIK 29:12

Si kobiit oarorjige ak Jehovah Kamuktaindeng’ung’, ak kayosiennyi, ne yaei Jehovah Kamuktaindeng’ung’ koboten rani:

NG'ATUTIK 30:20

icham Jehovah Kamuktaindeng’ung’, igas it kutinnyi, ak onamgei ak inendet: amu inendet sobondang’ung’, ak koindab betusieguk, si kobiit imeny emet ne kiiyosiechi Jehovah kwanisieguk kogochi Abraham, Isak, ak Jakobo.

NG'ATUTIK 31:7

Ak kiguur Musa Josua, ak kolenji, eng’ taitab Israelik tugul, Kimitu, nyiganitu: amu obendi koboto bichu oite emet ne kiiyosiechi Jehovah kwanisiekwok kole igochin; ak igochini ichek konyaban.

NG'ATUTIK 34:4

Ak kilenji Jehovah, Emoni ne kiayosiechi Abraham, ak Isak, ak Jakobo, alenji, Agochini iyoteng’ung’: kagonin igeer eng’ konyeguk, ago melandoi olindo.

NG'ATUTIK 4:1

Ara anyun, ee Israel, oepchi it ng’atutik ak kiruogutik, che anetok, si kobiit oyai; si osopche, ak obe onam kobunjok emet ne konok Jehovah Kamuktaindetab kwanisiekwok.

NG'ATUTIK 6:10

Ak ye kagomutin Jehovah Kamuktaindeng’ung’ iwe emet ne kiiyosiechi kwanisieguk, Abraham, Isak, ak Jakobo, kole konin; nganasok che eechen ak ko miachen che kima iteeche,

NG'ATUTIK 7:12

Amu ye ogase kiruogutichu, ak oribe, ak oyae, korib anyun Jehovah Kamuktaindeng’ung’ kayomiset ak rirenet eng’ inye ne kiiyosiechi kwanisieguk;

NG'ATUTIK 7:13

ak kochamin, ak koberurin, ak kotesin: ak koberur iyoteng’ung’ ak ruratetab emeng’ung’, beguk ak beekab logoeguk, ak mwaniguk, ak bitatetab tuguk ak che bo kechireguk, eng’ emet ne kiiyosiechi kwanisieguk kole konin.

NG'ATUTIK 7:8

ago amu kichamak Jehovah, ak kimach korib kayosiet ne kiiyosiechi kwanisiekwok, kiimoong’wok anyun Jehovah eng’ eut ne kim, kotiachak eng’ gotab otwognatet, eng’ eutab Parao, laitoriatab Misri.

NG'ATUTIK 8:1

Orib oyai ng’atutiet komugul ne kang’atin rani, si osopche, ak otesage, ak obe onam emet ne kiiyosiechi Jehovah kwanisiekwok.

NG'ATUTIK 9:5

Ma eng’ imandang’ung’, anan atebeng’ung’ ne mie, ne kagonin inam emenywa: ago onei Jehovah Kamuktaindeng’ung’ bororiosiechu eng’ taing’ung’ amu sogornatenywa, si kobiit kogimit Jehovah ng’olyot ne kiiyosiechi kwanisieguk Abraham, ak Isak, ak Jakobo.

HEBRANIK 6:13

Amu ye kingoyachi Jehovah Abraham arorutiet, ko amu kima komi age ne o kosiir inendet ne kiimuchi koyosiechi koyosio agobo ge,

HEBRANIK 6:14

kole, Eng’ kaberuret aberurin iman, ak eng’ kayabet ayabin ibaraitu.

JOSHUA 1:6

Kimitu ak inyiganitu: amu igochini bichu konam emet ne kiayosiechi kwanisiekwak ale agochini.

KIRUOGIK 2:1

Ak kitogos malaikaiyatab Jehovah eng’ Gilgal konyo Bokim. Ak kile, Kiamutwak otogosu eng’ Misri, ak kiamutwak obwa emet ne kiayosiechi kwanisiekwok; ak kiamwa ale, Magoi abut kayomisennyu ne kigiarorjige ak okwek: