NG'ATUTIK 1:17 - BUKUIT NE TILIL

¹⁷ Amotiytii bik eng’ kiruoget; ogasyi ne ming’in ak ne o kogergeit; amoiywei togoch ne bo chi; amu bo kiruoget Kamuktaindet: ak ng’olyot ne katemenak, oibwa, si agas.

Bukuit Ne Tilil

¹⁷ Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

BUKUIT NE TILIIL Sireet ne Dutero Kanon

¹⁷ Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

NG'ATUTIK 1:17 ပူးပေါင်းရင်းမြစ်များ

TAUNET 18:25

Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

2 SAMUEL 14:14

Amu nyoljinech kebegu ne matiny, ak ki u beek che kagitumji ng’ony, che magimuchi keram kogeny; ama istoi Kamuktaindet sobondo, ago chobei oret si mata koigei ne kigion ne kiging’eeto.

2 ATEPTAP PEETUUSYEK 19:5

Ak kiinde kiruogik emet, eng’ nganasok tugul che ng’ototin che bo Juda, nganaset age tugul,

2 ATEPTAP PEETUUSYEK 19:6

ak kolenji kiruogichoto, Obwat kit ne oyae: amu moruochi agobo chi, oruochi agobo Jehovah; mi inendet kobotok eng’ kiruoget.

Kitabuutap JOB 31:34

Amu kiaiywei tuiyet ne o, Ak kiimua sasisietab bik eng’ gorikwak, Kot asis, amawe sang’-

TIENWOGIKAL 82:2

Oruochi kiruoget ne ma bo iman kot kotianit, Ak ogonyiti kiptengeginik?

KOMONG'U 18:18

Iwong’ugei kimnateng’ung’, inye, ak bichu omitei tugul: amu siirei kimnateng’ung’ nito; memuchi iyai inyege.

KOMONG'U 18:22

ak ingoruoksechi bik bichoto eng’ betusiek tugul: si koibun ng’olyot age tugul ne uui, ago ingobesiechigei ichegei ng’olyot age tugul ne ming’in: si kobiit konyamnyumun, ak ogesen tugul.

KOMONG'U 18:26

Ak kiiruoksechi bik eng’ betusiek tugul: kiipchi Musa ng’alek che uuen, ago kiibesiechigei ichegei ng’olyot age tugul ne ming’in.

KALEWANAIK 18:5

Ma mie ketiytii kiptengekyot, Anan kimaas ne bo iman eng’ kiruoget.

KALEWANAIK 24:23

Chuto agichek ko ng’alekab che ng’omen. Ma mie ketiytii bik eng’ kiruoget.

KALEWANAIK 28:21

Ma mie ketiytii bik: Anan kobistoe chi kole si konyor kererutiet.

KALEWANAIK 29:25

Ibu mestet kaiyweisiet ne kiywei chi: Ago nyoru chametab ge age tugul ne imang’u Jehovah.

JEREMIA 1:17

Kermenge anyun, ak ing’eet, ak imwachi ichek tuguk tugul che ang’atin; ametoptoben amu ichek, si magonin itoptoben eng’ tainywa.

ATEPTAP LAWIK 19:15

Amat oyai ne ma bo iman eng’ kiruoget: ametiytii kibananok, anan igonyit che eechen: ago iruokyi chitab kokweng’ung’ eng’ imanda.

MALAKI 2:9

Kiayaak anyun ak okwek oegu che kisasei ak ko nyerotin eng’ taitab bik tugul, ko u ye kima orib ortinwekyuk, ago kiotiytii bik eng’ ng’atutik.

MATAYO 22:16

Ak kiiyokto alamalyenywa koba ole mi inendet, koboto Herodik, kolenji, Konetindoni, kingen kele i bo iman, ak ineti oretab Jehovah eng’ iman, ameiti chi tugul: amu megeere togochikab bik.

MARIKO 12:14

Ak kingobwa, kolenji inendet, Konetindoni, kingen kele i bo iman, ameiti chi age tugul: amu megeere itondab chi, ago ineti iman oretab Jehovah: Tos chamdoi ng’atutik kigochi kodi Kaisari, anan machamdoi?

LUKA 20:21

Ak kiteebe inendet kole, Konetindoni, kingen kele imwae ak inetisiei eng’ iman, ago metiytii chi, ak ineti iman oretab Jehovah:

ROMANIK 2:11

amu matiytii Jehovah bik.

EPESOEK 6:9

Ak okwek kiptainichu, oyachi ichek ak okwek ko u noto, amorasyini: ongen ole mi kipsengwet Kiptaiyandenywa ak ko neng’wong’, ama mi eng’ inendet tiytiet ne bo bik.

NG'ATUTIK 10:17

Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

NG'ATUTIK 16:19

Amemaas kiruoget: ametiytii bik: anan itaach che bo kagaigaet; amu kerei konyekab che ng’omen tuguk che bo kagaigaet, ak kogunuri ng’alekab che bo imanda.

NG'ATUTIK 24:17

Amemaas kiruogetab toondet, anan ne matinyei kwanda; anan iname besendo ngorietab mosoget:

NG'ATUTIK 25:1

Ngo biit tiiyet eng’ bik, ak kobwa kapkiruok, ak koruokyi kiruogik; koiityi anyun ne bo imanda imanda, ak kogikyi ne ya;

KOLOSAIK 3:25

Amu inendet ne yaei ne ya, ko tun taachei agine ne bo yaitionoto kiyai: ama mi tiytiet.

1 THESSALONIKEK 2:4

ago ko u ye kigoyanwech Jehovah keegu che tononjin logoiywek che miach, keng’alali ko u noto; ma ko u che iboiboiti bik, ago Jehovah ne tiemei mugulelwekyok.

JAKOBO 2:9

ago ngot otiytii bik, ko kaoyai tengekto, koruokwok Ng’atutiet kole o bistoik.

1 PETERO 1:17

Ak ngot oguure inendet olen Kwanda, ne iruochi ko u ole teptoi boisietab chi age tugul, ama eng’ tiytiet, obendoti eng’ kaiyweisiet eng’ betusiekwok che omi ko o toek:

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.

1 SAMUEL 2:25

Ngot koyachi chi chito age tengek, koruokyin Kamuktaindet: ago ngot koyachi chi tengek Jehovah, ko ng’o ne saei agobo inendet? Ago kima kas ng’alekab kwandanywa, amu kimachei Jehovah kobar ichek.