NG'ANG'UTYET 9:16 - BUKUIT NE TILIL

¹⁶ Ak kiek koitetab lugosiek che bo bik che lanyei mbartanyisiek elfusiek taman konyil elfusiek taman konyil aeng’: kiagas koitenywa.

Bukuit Ne Tilil

¹⁶ Ak ki ek koitetap lugoosyek che po piik che ketei paraisisyek million pogol aeng'; ki agas koiitennywa.

BUKUIT NE TILIIL Sireet ne Dutero Kanon

¹⁶ Ak ki ek koitetap lugoosyek che po piik che ketei paraisisyek million pogol aeng'; ki agas koiitennywa.

NG'ANG'UTYET 9:16 ပူးပေါင်းရင်းမြစ်များ

TIENWOGIKAL 68:17

Karisiekab Kamuktaindet ko elfusiek tiptem, agot elfusiek ak elfusiek: Mi Kiptaiyat kwenunywa, eng’ Sinai, eng’ ole tilil.

EZEKIEL 23:6

che kiilaachi ngoroik che tuuen ne nyalil, che ki kiruogik ak bounik, murenik tugul che kichamei, murenik che lanyei mbartanyisiek.

EZEKIEL 38:4

awelelin, ak ande kombok tagilgiliguk, ak amutun koboto lugeng’ung’ tugul, mbartanyisiek ak bik che lanyei mbartanyisiek, kolaachi tugul karik tugul che bo luget, luget ne o ne tinyei long’onik che eechen ak che mengechen, kotinyei tugul rotokab chok:

DANIEL 11:40

Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

DANIEL 7:10

Kibiit ainet ne u mat ne kimong’une tainnyi: kiboisiechin inendet elfusiek konyil elfut, ak kitonondos eng’ tainnyi elfusiek tamanu konyil elfusiek taman: kigichob kiruoget, ak kiging’any bukuisiek.

NG'ANG'UTYET 5:11

Ak kiageer ak agas kutitab malaikaisiek che chang’ ko kayiem ng’echeranato bo laitornatet ak tiong’ichu kasoptos ak boisiechugai; ak koitenywa ko ki elfusiek taman konyil elfusiek taman, ak elfusiek konyil elfusiek;

NG'ANG'UTYET 7:4

Ak kiagas koitetab icheget che kiging’och, ko kiek elfusiek bogol ak artam ak ang’wan, che kiging’och eng’ oret age tugul ne bo lagokab Israel.