NG'ANG'UTYET 8:7 - BUKUIT NE TILIL

⁷ Ak kiguut malaikaiyat ne bo tai, ak kibiit koikab ropta ak mat, che burugotin ak korotik, ak kigiwirji ng’ony: ak kilal kebeberta agenge eng’ somok ne bo ng’ony, ak kilal kebeberta agenge eng’ somok ne bo ketik, ak kilalyo suswek tugul che tuonen.

Bukuit Ne Tilil

⁷ Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.

BUKUIT NE TILIIL Sireet ne Dutero Kanon

⁷ Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.

NG'ANG'UTYET 8:7 ပူးပေါင်းရင်းမြစ်များ

TIENWOGIKAL 105:32

Kiigochi koik ne kata ropta, Ak mat ne liblibeni eng’ emenywa.

KOMONG'U 9:33

Ak kimanda Musa eng’ nganaset kwo eng’ ole mi Parao, ak kiitochi eunekyik Jehovah: ak kisisio tulosiek ak koikab ropta, ak mata korobonji ng’ony.

ISAIAH 28:2

Ogeero, tinyei Kiptaiyat chito age ne nyigan ak ko kim; ko u usonetab roptab koik, usonet ne ng’emisiei, ko u usonetab beek che kimen, che ing’irtogei, wirjin ng’ony ko u noto eng’ eunnyi.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 30:30

Ak koyai Jehovah kutinnyi ne bo torornatet kogasak, ak kobor eunnyi ne choru, eng’ nyitatetab nereknatennyi, ak liblibenetab mat ne beelsei, koboto cheet, ak usonet ne o, ak koikab ropta.

ISAIAH 32:19

Ago roboni koikab ropta kot kolul osnet; ak kolul nganaset tugul.

EZEKIEL 38:22

Ak ager kong’ inendet eng’ koroito ak korotik; ak ayokyi inendet, koboto lugosiekyik, ak bikyik che chang’ che mi koboto inendet, ropta ne o, ak koik che eechen che bo ropta, ak mat, ak tuguk che laldos.

JOEL 2:30

Ak abarte kwong’utik eng’ kipsengwetisiek, ak eng’ ng’ony, korotik, ak mat, ak tolochikab iyeto.

JAKOBO 1:11

Amu choru asista koboto usonet ne beelei tuguk, ak kobeel suswek koresyo; ak kobutyo taptokwak, ak kobet kororonindab itondanywa: betei ko u noto agine magoriot eng’ ortinwekyik.

JOSHUA 10:11

Ak ye kingomwei eng’ taitab Israel, ye kichortaegei Bet-horon, kowir Jehovah ichek eng’ koik che eechen che bunu kipsengwet kot koit Aseka, ak kibek; ki chang’ che kibek eng’ koikab ropta kosiir che kibar lagokab Israel eng’ rotwetab chok.

1 PETERO 1:24

Amu, U suswek borwek tugul, Ak u taptokab suswek torornatenywa tugul. Restos suswek, ak kobutyo taptok:

NG'ANG'UTYET 12:4

Ak ichuuti katutiennyi kebeberta agenge eng’ somok ne bo kecheikab kipsengwet, ak kowirji ng’ony: ak kitonon maswetit eng’ taitab kwonyoto ne kimachei kosigis, kole si ye sigis, koam lakwet.

NG'ANG'UTYET 16:2

Ak kiwa malaikaiyat ne bo tai, korong’ji emet tabennyi; ak kiek mook che yaach ak ko ng’wonen eng’ bik che tinyei berutietab tiondo, ak che kisaei kanamwennyi.

NG'ANG'UTYET 16:21

Ak kororokyi bik koik che eechen che bo ropta che rorogu eng’ kipsengwet, che te nyigisindanywa talentait: ak kichub bik Jehovah amu koroitab koichato bo ropta; amu o mising’ koroitanyi.

NG'ANG'UTYET 6:8

Ak kiageer, ogeero, mbartanyit ne talelyo: ak kainetab inendet ne kitebe ko ki Meet; ak kiisub inendet oldab che kigobek. Ak kigigochi ichek kimnatet koboi kebeberta agenge eng’ ang’wan ne bo ng’ony, kobare rotwetab chok, ak rubet, ak meet, ak tiong’ikab timin che bo ng’ony.

NG'ANG'UTYET 7:1

Kingobata nito ageer malaikaisiek ang’wan kotonondos eng’ luukwek ang’wan che bo ng’ony, konamei usonaik ang’wan che bo ng’ony, si mata kousyi usonet ng’ony, anan nyanjet, anan ketit age tugul.

NG'ANG'UTYET 9:15

Ak kigitiach malaikaisiechoto ang’wan, che kiga kechob agobo sait ak betut ak arawet ak kenyit, si kobar kebeberta agenge eng’ somok ne bo bik.

NG'ANG'UTYET 9:18

Ak kigibar korotwechoto somok kebeberta agenge eng’ somok ne bo bik, eng’ mat ak eng’ iyeto ak eng’ koik che laldos, che kimong’une kutuswekwak.

NG'ANG'UTYET 9:4

Ak kigimwachi ichek kelenji amat kong’em suswekab ng’ony, anan kiy age tugul ne tuon, anan ko ketit age tugul, ago bichoto ichegei che matinyei ng’oksetab Jehovah eng’ togochikwak.