NG'ANG'UTYET 8:5 - BUKUIT NE TILIL

⁵ Ak kiib malaikaiyat teronoto; ak konde matab kapkoros konyi, ak kowirji ng’ony: ak kibiit tulosiek, ak kutuswek ak kalyelosiek, ak botanetab ng’ony.

Bukuit Ne Tilil

⁵ Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.

BUKUIT NE TILIIL Sireet ne Dutero Kanon

⁵ Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.

NG'ANG'UTYET 8:5 ပူးပေါင်းရင်းမြစ်များ

1 LAITORINIK 19:11

Ak kile, Mande, ak iwe itonone tulwet eng’ taitab Jehovah. Ak ogeero, kisiirto Jehovah, ak kibet tulonok usonet ne o, ne kim, ak kotuatui ruandosiek eng’ taitab Jehovah; ago kima komi Jehovah usononoto: ak kingobata usonet kobiit botanetab ng’ony; ago kima komi Jehovah botanonato bo ng’ony:

TIENWOGIKAL 18:13

Kitul Jehovah eng’ kipsengwetisiek, Ak kitwek Inendet ne Toror Mising’; Koikab ropta ak ng’etetiot.

KOMONG'U 19:16

Ak eng’ betutab somok, ko kaeech, kobiit tulosiek ak kalyelosiek, ak kiilaach boldet ne tuui tulwet, ak kimi cheetab iriaget ne cheei kot; ak kobotanso bik tugul che kimi nganaset.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 30:30

Ak koyai Jehovah kutinnyi ne bo torornatet kogasak, ak kobor eunnyi ne choru, eng’ nyitatetab nereknatennyi, ak liblibenetab mat ne beelsei, koboto cheet, ak usonet ne o, ak koikab ropta.

ISAIAH 66:6

Waagat ne bo wasetab ge ne bunu nganaset, waagat ne bunu hekalut, kutitab Jehovah ne yaaktochin mugetut bunikyik.

JEREMIA 51:11

Olit kipchabonik; onam long’onik komie: kagong’eet Jehovah tamirmirikab laitorinikab Medik; amu chobennyi ko kogirinda Babulon, kong’em: amu yaaktaetab mugetut ne bo Jehovah, yaaktaetab mugetut ne bo hekalunnyi.

ATEPTAP LAWIK 16:12

ak konem teret ne nyiitat ng’etetiot ne bunu matab kaptisisiet ne mi taitab Jehovah, ak ko nyiitat eunekyik nyamdutik che ng’uu ne anyiny che kigitui komengegitu, ak koib koba got ne bo orit, ne kigioiye anget.

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.

MATAYO 24:7

Amu setyin bororiet age bororiet age, ak setyin bounatet age bounatet age: ak kobiit rubosiek ak botanetab ng’ony eng’ oldinwek che terotin.

LUKA 12:49

Kianyo awirji mat ng’ony; nee anyun ne ta amache, ngo kagolal nguno!

POISYONIGAP CHE KIYOKTOI 16:26

ak kibotan emet mising’ eng’ sainato, kot kotumdumgei lumeiywekab korgoret: ak eng’ sainato koyatogis kurgotik tugul; ak kiitiagogis tuguk che kigirate chi tugul.

POISYONIGAP CHE KIYOKTOI 4:31

Ak kingo kagosa, kotumdumgei ole kiga koyumjigei; ak kinyi ichek tugul Tamirmiriet ne Tilil, ak kimwa ng’olyotab Jehovah eng’ nyiganatet.

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 4:5

Ak mong’une ng’echeranato kalyelet ak kutuswek ak tulosiek. Ak kilaldos taisiek tisabu che bo mastinwek eng’ taitab ng’echeranato bo laitornatet, choto ko Tamirmirik tisab che bo Jehovah;

NG'ANG'UTYET 6:12

Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

NG'ANG'UTYET 8:3

Ak kinyo malaikaiyat age konyo kotonone ole bo kapkorosut, kotinyei teret ne bo tahabu; ne kibeele nyamdutik; ak kigigochi nyamdutik che chang’ che kibeelei, si kotese sautikab che tililen tugul eng’ kapkorosutab tahabu, ne kimi taitab ng’echeretab laitornatet.