NG'ANG'UTYET 8:3 - BUKUIT NE TILIL

³ Ak kinyo malaikaiyat age konyo kotonone ole bo kapkorosut, kotinyei teret ne bo tahabu; ne kibeele nyamdutik; ak kigigochi nyamdutik che chang’ che kibeelei, si kotese sautikab che tililen tugul eng’ kapkorosutab tahabu, ne kimi taitab ng’echeretab laitornatet.

Bukuit Ne Tilil

³ Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet.

BUKUIT NE TILIIL Sireet ne Dutero Kanon

³ Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet.

NG'ANG'UTYET 8:3 ပူးပေါင်းရင်းမြစ်များ

1 LAITORINIK 7:50

ak kikombok; ak magasisiek che kitile ole lalei eng’ taisiek, ak tabok che mengechen, ak kechigosiek, ak terenik che kiibe mat, ki bo tahabu che tililen; koboto karik che namei kereiywotab kurget, che bo kereiywekab kurgotikab got ne bo orit, ole tilil mising’, ak che bo kurgotikab got, noto ko hekalut, ki bo tahabu.

TIENWOGIKAL 141:2

Ingotogosta saennyu ko u nyamdutik eng’ taing’ung’; Ingoigei eunekyuk che anamjini barak, korosiot ne bo koskoleny.

KOMONG'U 40:26

Ak kiinde kapkorosut ne bo tahabu got ne kituiyechin eng’ goyoto sib kemong’jin:

ISAIAH 6:6

Kitirirenja anyun age eng’ serapik, kotinyei ng’etetiot eng’ eunnyi, ne kiinemune kanameiywot eng’ kaptisisiet.

EZEKIEL 41:22

Ki bo ketik kapkorosut, ak ki bo kakwautik somok che bo eut koindab tononennyi, ko bo kakwautik aeng’ che bo eut koindanyi; ak ki bo ketik luukwekyik, koboto koindanyi ak inatusiekyik: ak kimwawa kolenja, Ni ko meset ne mi taitab Jehovah.

AMOS 9:1

Kiageer Kiptaiyat kotonone ole negite kaptisisiet: ak kile, Kwer walisiekab tolochik, kot kotumdumgei tugatugik: yeityo itonaton walisiechoto eng’ metowekab ichek tugul; ak abere rotwetab chok che ng’etu: mamweei agot agenge eng’ ichek, ama chilili agot agenge.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

KAITOSYEK 4:11

Ak koitoe anget ne tuui ne nyalil kapkorosut ne bo tahabu, ak koliige magatokab mengichikab beek, ak korooch ketikyik che kiibe:

KAITOSYEK 7:62

ak kibramut agenge ne bo tahabu ne yamei sekelisiek taman, ne nyiitat nyamdutik;

LUKA 1:10

Ak kimi sang’ tuiyet komugul ne bo bik, kosaei eng’ sait ne kibeele nyamdutik.

ROMANIK 8:34

ng’o inendet ne igikyin? Kristo Jesu ne kime, ee, inendet ne kiging’eet komong’une che kibek, ne mi eutab tai ne bo Jehovah, ne saiywech agine.

HEBRANIK 7:25

Eng’ noto anyun komuchi kogeny kosor agoi kasuldaet ichek che bwanjin Jehovah eng’ inendet, amu sobei inendet koigeny si kobiit kosaei agobo ichek.

HEBRANIK 9:4

ne tinyei kapkorosutab tahabu, ak moingetab arorutiet ne kigiliige tahabu komoswek tugul, ole kimi teret ne bo tahabu ne kimi mana, ak kiroktab Aron ne kiing’ati, ak koik che bo arorutiet;

NG'ANG'UTYET 10:1

Ak kiageer malaikaiyat age ne kim kochorugei eng’ kipsengwet, kolaachi boldet; ak kimi chemng’isiriet metinnyi, ak ki u togennyi asista, ak ki u kelyekyik tolochikab mat;

NG'ANG'UTYET 14:18

Ak kimong’ malaikaiyat age eng’ kaptisisiet, inendet ne tinyei kimnatet ne boune mat; ak kiguur inendet eng’ kutit ne o, ne tinyei chepkeswet ne ng’atib, kolenji, Iyokte chepkesweng’ung’ ne ng’atib, ak iyum sabibukab ketit ne bo ng’ony; amu kagoruryo sabibukyik.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

NG'ANG'UTYET 6:9

Ak kingoyat ng’okset ne bo mut, ageer eng’ kureretab kaptisisio sobonwekab ichek che kigibar amu ng’olyotab Jehovah, ak baornatet ne kitinyei:

NG'ANG'UTYET 7:2

Ak kiageer malaikaiyat age kotogosta kobunei kong’asis, kotinyei ng’oksetab Jehovah ne sobei: ak kimwachi malaikaisiek ang’wan eng’ kutit ne o, che kigigochi kong’em ng’ony ak nyanjet,

NG'ANG'UTYET 8:4

Ak kitogosta iyetab nyamdutik che kibeelei, koboto sautikab bik che tililen, eng’ taitab Jehovah eng’ eutab malaikaiyat.

NG'ANG'UTYET 8:5

Ak kiib malaikaiyat teronoto; ak konde matab kapkoros konyi, ak kowirji ng’ony: ak kibiit tulosiek, ak kutuswek ak kalyelosiek, ak botanetab ng’ony.

NG'ANG'UTYET 9:13

Ak kiguut malaikaiyatab lo, ak kiagas kutit ne mong’une kuinoikab kapkorosutab tahabu ne mi taitab Jehovah,