NG'ANG'UTYET 8:13 - BUKUIT NE TILIL

¹³ Ak kiageer kipsichit kotirireni eng’ kwenutab kipsengwet, ak agas, kolen eng’ kutit ne o, Bwa, bwa, bwa agobo ichek che menyei ng’ony, amu cheosiek alak che bo iriagok che bo malaikaisiek somok che ta koguutei!

Bukuit Ne Tilil

¹³ Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”

BUKUIT NE TILIIL Sireet ne Dutero Kanon

¹³ Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”

NG'ANG'UTYET 8:13 ပူးပေါင်းရင်းမြစ်များ

TIENWOGIKAL 103:20

Olosu Jehovah, okwek malaikaisiekyik: Okwek che o kimen eng’ kamuktaet, che osuldoi ng’olyondennyi, Che oepchini it tugetab ng’olyondennyi.

EZEKIEL 2:10

ak kiito eng’ tainnyu; ak kigisir orit ak sang’: ak kiga kisirji kateiyosiek, ak rirek, ak nyalilwogik.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

NG'ANG'UTYET 11:14

Kagosiirto Nyalilda ne bo aeng’: ogeero, nyonei Nyalilda ne bo somok kochogu.

NG'ANG'UTYET 12:12

Noto anyun oboiboitu, okwek kipsengwetisiek, ak okwek che omenye oloto. Bwa agobo ng’ony ak nyanjet: amu kachorgei oindet konyo ole omi, kotinyei nereknatet ne o, amu ingen kole tinyei betusiek che ng’ering’ kityo.

NG'ANG'UTYET 14:3

ak kotieni tiendo ne leel eng’ taitab ng’echeretab laitornatet, ak eng’ taitab tiong’ik ang’wan che soptos ak boisiek: ama mi chi ne imuchi konetgei tienoto kobate bichoto elfusiek bogol ak artam ak ang’wan, icheget che kigial eng’ ng’ony.

NG'ANG'UTYET 14:6

Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 19:17

Ak kiageer malaikaiyat kotononi eng’ asista; ak kiwaach eng’ kutit ne o, kolenji taritik tugul che tirirendos eng’ kwenutab kipsengwet, Obwa otuiyechi igorta ne o ne bo Jehovah;

NG'ANG'UTYET 3:10

Amu kiirib ng’olyotab muitaennyu, aribin agane eng’ saitab yomset, ne nyonjin ng’ony komugul, si kotiem ichek che menyei ng’ony.

NG'ANG'UTYET 8:2

Ak kiageer malaikaisiek tisab che kitonondos eng’ taitab Jehovah; ak kigigochi iriagok tisab.

NG'ANG'UTYET 9:1

Ak kiguut malaikaiyatab mut, ak kiageer kecheiyat kobunu kipsengwet kobutyi ng’ony: ak kigigochi inendet yateiywot ne bo keringet ne maigoksei.

NG'ANG'UTYET 9:12

Kagosiirto Nyalilda ne bo tai: ogeero, ta kobwanei Nyalilwogik alage aeng’u.