NG'ANG'UTYET 7:9 - BUKUIT NE TILIL

⁹ Kingobata tuguchu, ageer, ogeero, tuiyet ne o, ne kima komuchi chi koiit, che bunu bororiet age tugul, ak oret age tugul ak bik ak kutuswek, kotonondos eng’ taitab ng’echeretab laitornatet ak eng’ taitab Aruet, kolaachi ngoroik che leelach, ak kotinyei temenikab sosik eng’ eunekwak;

Bukuit Ne Tilil

⁹ Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.

BUKUIT NE TILIIL Sireet ne Dutero Kanon

⁹ Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.

NG'ANG'UTYET 7:9 ပူးပေါင်းရင်းမြစ်များ

TAUNET 13:16

Ak ayae lagoguk kochang’ait ko u temburiek che bo ng’ony, si ngot komugaksei koiit chi temburiek che bo ng’ony, ko kaga iitoksei lagoguk agichek.

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

TIENWOGIKAL 2:8

Soma, si agonin bororiosiek koek boroteng’ung’, Ak agonin tabanwekab ng’ony kobunjin.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 76:4

Iluu ak itinye telunatet kosiir tulonokab che luulsei.

TIENWOGIKAL 77:2

Kiacheng’ Kiptaiyat eng’ betutab nyalildanyu: Kiaiite eunnyu kemoi, ama amuuny; Kiesio sobondanyu kigaigai.

TIENWOGIKAL 98:3

Kigobwat rirenennyi ak imandanyi eng’ gotab Israel: Kigogeer tabanwek tugul che bo ng’ony yetunetab Kamuktaindennyo.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 3:17

Tun kuure ichek Jerusalem eng’ betusiechoto, ng’echeretab laitornatet ne bo Jehovah, ak koyumjigei bororiosiek tugul, koyumjigei kainetab Jehovah, eng’ Jerusalem: ama kobendote uuindab mugulelwekwak che yaachen.

EZEKIEL 47:5

Ye ibata, kokwa elfut agenge; kiek ainet ne ma amuch alandae: amu kitesak beek mising’, beek che yamei kebir, ainet ne magimuchi kelandae.

DANIEL 4:1

Kamwachi ane laitoriat Nebukadnesar bik tugul, bororiosiek tugul, ak che bo kutuswek tugul, che menyei ng’ony tugul; alenji, Ingotesak kalyet eng’ okwek.

DANIEL 6:25

Kisirji anyun laitoriat Darius bik, ak bororiosiek tugul ak che bo kutuswek tugul, che menyei ng’ony komugul; kolenji, Ingotesak kalyet eng’ okwek.

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

ATEPTAP LAWIK 23:40

Ak obutyige eng’ betut ne bo tai logoekab ketik che kororon, temenikab tironik, ak temenikab ketik che nyigisen, ak ketik che bitie kererusiek; ak oboiboitu eng’ taitab Jehovah Kamuktaindeng’wong’ eng’ betusiek tisab.

SEKARIA 10:8

Aititenjini ichek, ak ayum, amu kiatiach ichek: ak kotesogis ko u ye kiga kotesogis.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

LUKA 12:1

Eng’ saisiechoto, ye kingoyumgei bik ng’isiat che bo tuiyet, kot kotiech ge ichegei, kosib kotoi kolenji alamalyennyi, Oribege mermerekab Parisaik, noto chombilisiet.

LUKA 21:36

Ago oripge eng’ betut age tugul, ak osae, si kobiit oterterisie, ochilile tuguchuto tugul bwanei, ak otononse eng’ taitab Weritab chi.

JOHANA 12:13

konam temenik che bo sosik, ak koba kotorokta inendet, ak komwa eng’ kutit ne o kole, Hosanna: Iberurot inendet ne nyonei eng’ kainetab Kiptaiyat, noto Laitoriatab Israel.

ROMANIK 11:25

Amu mamache oegu che mongen ung’otioni, che kitupche, si moiityige ole o ng’omen eng’ loseng’wong’ bo ge, ale kanyonji Israel uuindo eng’ kebeber, agoi konyo nyiiet ne bo Bororiosiek;

EPESOEK 6:13

Noto anyun onam karikab luget komugul che bo Jehovah, si kobiit omuch ogirinde eng’ betut ne ya, ak ye kaoyai tugul, otononse.

HEBRANIK 11:12

noto anyun kigisich eng’ agenge, ne kiga koigei ne kigome, bik che chang’, ko u kecheikab kipsengwet ak ng’aniek che mi ngegutab nyanjet, che ma iitoksei.

HEBRANIK 12:22

ago kaoit okwek tulwetab Sion, ak nganaset ne bo Jehovah ne sobei, Jerusalem ne bo kipsengwet, ak tuiyosiek che bo malaikaisiek che ma iitoksei,

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 22:3

Ama komi chubisiet kogeny: ak tun mi orinnyi ng’echeretab laitornatet ne bo Jehovah ak ne bo Aruet: ak yachin boisiet inendet otwogikyik;

NG'ANG'UTYET 3:18

aborun ale ialena tahabu ne kigitilile mat, si iegu magoriot; ak ngoroik che leelach, si ilaaige, si matook kalilanetab ach ngoring’ung’; ak kerichekab konyek che iile konyeguk si igeerte.

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 5:11

Ak kiageer ak agas kutitab malaikaisiek che chang’ ko kayiem ng’echeranato bo laitornatet ak tiong’ichu kasoptos ak boisiechugai; ak koitenywa ko ki elfusiek taman konyil elfusiek taman, ak elfusiek konyil elfusiek;

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,

NG'ANG'UTYET 6:11

Ak kigigochi age tugul eng’ ichek ngoriet ne leel; ak kelenji ko ta komuuny ne matia, kot kosulda koitetab che otwogik koboto ichek, ak tupchosiekwak, che tun kibarei ko u icheget.

NG'ANG'UTYET 7:8

Ak kiek che bo oretab Sebulun elfusiek taman ak aeng’; Ak kiek che bo oretab Josep elfusiek taman ak aeng’; Ak kiginoch che bo oretab Benjamin elfusiek taman ak aeng’.