NG'ANG'UTYET 7:3 - BUKUIT NE TILIL

³ kolenji, Among’em ng’ony, anan nyanjet, anan ketik, kot kinde ng’okset togochikab otwogikab Jehovah nenyo.

Bukuit Ne Tilil

³ koleenji, “Among'em ng'wony, anan nyanjet, anan keetiik, kot kinde ng'ookset togoochigap otwogigap Kamuktaindet nenyo.”

BUKUIT NE TILIIL Sireet ne Dutero Kanon

³ koleenji, “Among'em ng'wony, anan nyanjet, anan keetiik, kot kinde ng'ookset togoochigap otwogigap Kamuktaindet nenyo.”

NG'ANG'UTYET 7:3 ပူးပေါင်းရင်းမြစ်များ

KOMONG'U 12:13

Ak koek korotichoto kaborunet eng’ okwek eng’ gorikwok eng’ ole omi; ak ye ageer korotik, asiirtoenok, ak maityinok koroato konyo kong’emak, ye abare emetab Misri.

KOMONG'U 12:23

Amu nyo kosiirtoi Jehovah kowendi kobarei Misrik; ak ye keer korotik eng’ rateiywotab tugatuk ak eng’ tugatugik tuwai, kosiirto Jehovah eng’ kurganato, ak ma chamjin ng’emindet komong’ gorikwok nyo kobarak.

ISAIAH 27:8

Kioborie ak inendet ne yamei, ye kiione; kiisto inendet eng’ usonennyi ne ng’wan eng’ betutab usonetab kong’asis.

ISAIAH 54:17

Magiberuri karnet age tugul ne kiyaei si kogirinden; ak igikyini ng’elyepta age tugul ne kirindoin eng’ kiruoget. Nito borotetab otwogikab Jehovah, ak imandanywa ne bunwa, mwaei Jehovah.

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

ISAIAH 65:8

Mwaei Jehovah ko u ni kole, Ko u ye kinyorjin divaik che leelach logoek che irurugotin eng’ temet, ak kole age, Ameng’em, amu mi kaberuret tuguchoto: ayae anyun ko u noto agobo otwogikyuk, si mang’em ichek tugul.

EZEKIEL 9:4

Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

EZEKIEL 9:6

obar ogesu boiyo, muren, chepto, ak lagok che mengechen, ak kwonyik: ago amat orikyi chi age tugul ne kiging’och; ak otaune oldanyu ne tilil. Kitaune anyun boisiek che kimi taitab got.

DANIEL 3:17

Ngot ko u noto, komuchi Kamuktaindennyo ne keote kosoruech eng’ mat ne o ne lalei mising’; ak kosoruech inendet eng’ eung’ung’, ee laitoriat.

DANIEL 3:26

Korikyi anyun Nebukadnesar ole kibunei kebendi maata o kilalei mising’; ak komwa kole, Sadrak, Mesak, ak Abed-nego, okwek otwogikab Kamuktaindet ne Toror Mising’, omong’u obwa oli. Komong’ anyun Sadrak, Mesak ak Abed-nego eng’ ma.

DANIEL 6:16

Kong’at anyun laitoriat ng’atutiet, ak kigimut Daniel, ak kewirji keringetab ng’etunyik. King’alalji laitoriat Daniel kolenji, Sorun Kamuktaindeng’ung’ ne iote kotugul.

SEPANIA 2:3

Ocheng’ Jehovah, okwek tugul che o taloen che o bo ng’ony, che kigoyai kiruogutikyik; ocheng’ imanda, ocheng’ talasiet: abere tun kiunyok eng’ betutab neregekab Jehovah.

MALAKI 3:18

Yeityo oweege ak obesie chito ne bo iman ak kiptengekyot, ak obesie inendet ne otei Kamuktaindet ak ne maotei.

MATAYO 24:22

Ak nda ma kiga ketil konwagitu betusiechoto, ta magisoru chi: ago kitilei betusiechoto agobo che lewenotin.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

JOHANA 12:26

Ngo boisiewa chi age tugul, ko nyolu kosubota; ak si ole ami, komi oloto agine kiboitiondennyu: ngo boisiewa chi, koteechei inendet Kwanda.

JOHANA 3:33

Inendet ne kagotaach baornatennyi ko kagonde ng’oksennyi, kole bo iman Jehovah.

ROMANIK 6:22

Ago nguno ko kagitiachak eng’ tengekto, ak kaoegu otwogikab Jehovah, otinye logoekwok agoi tililindo, ak kagesunet ko sobondab koigeny.

NG'ANG'UTYET 13:16

Ak ng’atei tugul, che mengechen ak che eechen, ak magorek ak kibananok, ak che itiagotin ak che ratotin, kinde berutiet eng’ eunekwak che bo tai, anan ko eng’ togochjikwak;

NG'ANG'UTYET 13:17

ak kole maimuchi chi koalis anan koaldais, kobate inendet ne tinyei berutiet, noto ko kainetab tiondo anan ko koitetab kainennyi.

NG'ANG'UTYET 14:1

Ak kiageer, ak ogeero, tononi Aruet eng’ tulwetab Sion, ak komi koboto inendet bik elfusiek bogol ak artam ak ang’wan, che tinyei kainennyi, ak kainetab Kwandanyi, che kigisirji togochikwak.

NG'ANG'UTYET 14:9

Ak kosub ichek malaikaiyat ne bo somok, ne mwaei eng’ kutit ne o kole, Ngot kolos chi age tugul tiondo ak kanamwennyi, ak konyor berutiet eng’ togennyi, anan eng’ eunnyi,

NG'ANG'UTYET 19:2

amu bo iman ak ko bo imanda kiruogutikyik; amu kagoruokyi chepkugoniot ne o, ne kiimuruon ng’ony eng’ soksennyi, ak kagoyaakta mugetut ne bo korotikab otwogikyik eng’ eutab kwonyoto.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

NG'ANG'UTYET 22:4

ak keerei togennyi; ak mi kainennyi togochikwak.

NG'ANG'UTYET 6:6

Ak kiagas ne u kutit eng’ kwenutab tiong’ichoto ang’wan soptos kole, Kialdae kibabetab nganok denarit agenge, ak kialdae kibabok somok che bo sairik denarit agenge; ameng’em mwaita ak divaik.

NG'ANG'UTYET 7:1

Kingobata nito ageer malaikaisiek ang’wan kotonondos eng’ luukwek ang’wan che bo ng’ony, konamei usonaik ang’wan che bo ng’ony, si mata kousyi usonet ng’ony, anan nyanjet, anan ketit age tugul.

NG'ANG'UTYET 7:2

Ak kiageer malaikaiyat age kotogosta kobunei kong’asis, kotinyei ng’oksetab Jehovah ne sobei: ak kimwachi malaikaisiek ang’wan eng’ kutit ne o, che kigigochi kong’em ng’ony ak nyanjet,

NG'ANG'UTYET 9:4

Ak kigimwachi ichek kelenji amat kong’em suswekab ng’ony, anan kiy age tugul ne tuon, anan ko ketit age tugul, ago bichoto ichegei che matinyei ng’oksetab Jehovah eng’ togochikwak.