NG'ANG'UTYET 7:17 - BUKUIT NE TILIL

¹⁷ amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.

Bukuit Ne Tilil

¹⁷ amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”

BUKUIT NE TILIIL Sireet ne Dutero Kanon

¹⁷ amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”

NG'ANG'UTYET 7:17 ပူးပေါင်းရင်းမြစ်များ

TIENWOGIKAL 22:26

Amisiei che taloen ak kobiyong’so: Ilosu Jehovah che cheng’ei inendet: Ingosopcho mugulelwekwok koigeny.

TIENWOGIKAL 23:5

Iitoi meset eng’ tainnyu eng’ ole mi bunikyuk: Kaiile metinnyu mwaita; kagonyi kikombennyu kot kong’irtagei.

TIENWOGIKAL 28:9

Soru biguk, ak iberur boroteng’ung’: Bai ichek, ak imutate agoi koigeny.

ISAIAH 12:3

Tun orame anyun beek eng’ boiboiyet, eng’ keringonik che bo yetunet.

ISAIAH 25:6

Ak tun yachin Jehovah ne bo lugosiek bororiosiek tugul, eng’ tulwoni igorta ne bo tuguk che akwaen, igortab divaik che kigotebi keny, ne bo tuguk che akwaen, che nyiitotin mwanik, ne bo divaik che kororon che kigotebi keny.

ISAIAH 25:8

Kigolugui inendet meet koigeny; ak tun ibuchi Kiptaiyat Jehovah beekab kong’ eng’ togochik tugul; ak koisto tewernatetab bikyik eng’ ng’ony komugul: amu kagomwa Jehovah nito.

ISAIAH 30:19

Amu menyei bik Sion eng’ Jerusalem: ma irire kogeny; iborun iman mieindo ye kas rireguk; ye kas kowolun.

ISAIAH 30:25

Ak kobiitu ainosiek ak kererusiek che mi beek eng’ tulwet age tugul ne o ne koi, ak eng’ tulwet age tugul ne ming’in ak ko toror, eng’ betutab barisiet ne o, ye ibutos teeksosiek che koen.

ISAIAH 35:10

ak koweek bikab Jehovah che kigitiach, ak kobwa Sion kotienonu; ak kotebe baragunywa boiboiyetab koigeny: nyoru kagasetab ge ak boiboiyet, ak komwei arogenet ak tigenoik.

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

ISAIAH 49:9

kolenjin ichek che ratotin, Omande; ak kolenjin che mi mesundeito, Obartege. Amisioti eng’ ortinwek, ak egu komoswek che tororen ole churat, ole kiagete.

ISAIAH 51:11

Ak koweegegei che bo Jehovah che kigitiach, ak kobwa Sion kotienonu; ak tebe metowekwak boiboiyetab koigeny: nyoru kagasetab ge ak boiboiyet, ak komwei arogenet ak tigenet.

ISAIAH 60:20

Ma kororoktoi asistang’ung’, ama komei araweng’ung’: amu egu Jehovah lapkeiyeng’ung’ ne bo koigeny, ak kogesgei betusiekab rireguk.

ISAIAH 65:19

Ak abaibaitune Jerusalem, abaibaitune bikyuk: ama kegasei ne rirei eng’ nganasanato, anan tuget ne bo rirek.

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 31:9

Bwanei koririonu, ak amutune sautik: agochini kobendat eng’ ole negit ainosiek, eng’ oret ne litit eng’ ole maginachi: amu a kwanda eng’ Israel, ak taitanyu Epraim.

EZEKIEL 34:23

Ak ande mestowot agenge koyaga ichek, ak kobai ichek, noto ko otwogindennyu Daudi; baei inendet ichek, ak koek mestowondenywa.

MIKAH 5:4

Ak kotonon kobai akwennyi eng’ kimnatetab Jehovah, eng’ telunatetab kainetab Jehovah Kamuktaindennyi: ak kotebi; amu eetu koboch nguno agoi tabanwekab ng’ony.

MIKAH 7:14

Iyage biguk eng’ kiroktang’ung’, akwetab boroteng’ung’, che meng’isiei ichegei, eng’ osnet ne mi kwenutab Karmel: ingoagetyo eng’ Basan ak Gilead, ko u betusiek che bo keny.

MATAYO 2:6

Ak inye, Betlehem, emetab Juda: Ma i ming’in mising’ eng’ kandoikab Juda, Amu mong’unenen bounindet, Ne tun egu mestowotab bikyuk Israel.

MATAYO 5:4

Boiboen che arogendos: amu tun kigoigoi.

JOHANA 10:11

A mestowot ne mie: igoitoi mestowot ne mie sobondanyi agobo kechirek.

JOHANA 10:14

A mestowot ne mie; ak angen chechuk, ak kongena chechuk,

JOHANA 4:10

Kowolji Jesu kolenji, Nda kengen konunetab Jehovah, ak inendet ne kalenjin, Inaga beek aee; ta kaisom inendet, ak ta kagogonin beekab sobon.

JOHANA 4:11

Kolenji kobogoriot, Kiptaiyandani, metinye kit ne isiile, ak loo keringet: inyorjini ano anyun beechoto bo sobon?

JOHANA 4:14

ago age tugul ne eei beek che agochini ko ma koamei melel agoi; ago egu beek che agochini kondab beek eng’ inendet, che kutu agoi sobondab koigeny.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

1 PETERO 5:2

oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

NG'ANG'UTYET 14:4

Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.

NG'ANG'UTYET 21:22

Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

NG'ANG'UTYET 21:4

ak kous inendet beekab kong’ alak tugul eng’ konyekwak; ama komi meet kogeny; ama komi kateiyet kogeny, anan rirek, anan ng’wanindo; kogosiirto tuguk che bo tai.

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.