NG'ANG'UTYET 7:15 - BUKUIT NE TILIL

¹⁵ Mi anyun ichek taitab ng’echeretab laitornatet ne bo Jehovah; ak koboisiechin inendet bet ak kemoi eng’ hekalunnyi: ak koiito inendet ne tebe ng’echeretab laitornatet emainnyi eng’ baragunywa.

Bukuit Ne Tilil

¹⁵ Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.

BUKUIT NE TILIIL Sireet ne Dutero Kanon

¹⁵ Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.

NG'ANG'UTYET 7:15 ပူးပေါင်းရင်းမြစ်များ

1 LAITORINIK 6:13

Ak amenye kwenutab lagokab Israel, ak mametoi bikyuk Israel.

1 ATEPTAP PEETUUSYEK 23:25

Amu kile Daudi, Kogogochi Jehovah Kamuktaindetab Israel bikyik kamuung’et; ak menyei inendet Jerusalem koigeny:

KOMONG'U 29:45

Ak ameny kwenutab lagokab Israel, ak aegu Kamuktaindenywa.

EZEKIEL 37:27

Tebyei agine emainnyu koboto ichek; ak aegu Kamuktaindenywa, ak koek ichek bikyuk.

ATEPTAP LAWIK 26:11

Ak ande gonnyu kwenung’wong’; ama wechok sobondanyu.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

1 KORINTOEK 3:16

Mongen okwek ole o hekalut ne bo Jehovah, ak menyok Tamirmirietab Jehovah?

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

HEBRANIK 12:2

kegeere Jesu ne kandoindet ak ko kawong’unindet ne bo kayanet, ne kimuita eng’ kimurtoiyot amu boiboiyet ne kiginde tainnyi, ak kosas kalilanet, ak kigotebe eutab tai ne bo ng’echeretab laitornatet ne bo Jehovah.

HEBRANIK 8:1

Nguno anyun, eng’ tuguk che kimwae, kit ne o ko ni: kitinye tisiindet ne o ne u ni, ne kitebe komostab eut ne bo tai ne bo ng’echeretab Laitornatet ne bo Etunatet eng’ kipsengwetisiek,

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 13:6

Ak kiyat kutinnyi kochub Jehovah, ak kochub kainennyi, ak gonnyi, ak ichek che menyei kipsengwet.

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 21:22

Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

NG'ANG'UTYET 22:3

Ama komi chubisiet kogeny: ak tun mi orinnyi ng’echeretab laitornatet ne bo Jehovah ak ne bo Aruet: ak yachin boisiet inendet otwogikyik;

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

NG'ANG'UTYET 4:9

Ak ye igochi tuguchoto soptos torornatet ak teegisto ak kongoi inendet ne tebe ng’echeranato bo laitornatet, inendet ne sobei koigeny ak koigeny,

NG'ANG'UTYET 7:9

Kingobata tuguchu, ageer, ogeero, tuiyet ne o, ne kima komuchi chi koiit, che bunu bororiet age tugul, ak oret age tugul ak bik ak kutuswek, kotonondos eng’ taitab ng’echeretab laitornatet ak eng’ taitab Aruet, kolaachi ngoroik che leelach, ak kotinyei temenikab sosik eng’ eunekwak;