NG'ANG'UTYET 7:14 - BUKUIT NE TILIL

¹⁴ Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.

Bukuit Ne Tilil

¹⁴ Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.

BUKUIT NE TILIIL Sireet ne Dutero Kanon

¹⁴ Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.

NG'ANG'UTYET 7:14 ပူးပေါင်းရင်းမြစ်များ

Kitabuutap JOB 11:16

Amu iutie nyalildang’ung’; Ibwati ko u beek che kigosiirto:

KOMONG'U 37:3

Ak kiitang’ji peteinik ang’wan che bo tahabu luukwekwak ang’wan; kiinde aeng’ komosta age, ak aeng’ eng’ komosta age.

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

DANIEL 7:16

Kiarikyi age eng’ choto kitonondos eng’ yoto, ak atebe inendet kaguiyetab tuguchuto tugul. Komwawa anyun, ak koborua kaweeksetab tuguchoto.

SEKARIA 13:1

Tun kiyatyin gotab Daudi ak bik che menyei Jerusalem, kondametutab beek eng’ betunoto, amu tengekto ak muruonindo.

MATAYO 24:21

amu egu anyun nyalilda ne o, ne kitom kobiitu koboch taunetab ng’ony agoi nguno, ama koegu kogeny.

MARIKO 13:19

Amu egu nyalilda eng’ betusiechoto, ne kitom koegu ko u noto koboch taunetab yaetab ng’ony ne kiyai Jehovah, agoi nguno, ama kobiitu ko u noto kogeny agoi.

JOHANA 16:33

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.

ROMANIK 5:3

Ak ma u noto kityo, ago ongeboiboitu eng’ nyalilwogikyok: kingen kele ibu nyalilda muitaet;

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

2 THESSALONIKEK 1:4

kot kichounenok ge okwek eng’ kanisosiekab Jehovah amu muitaeng’wong’ ak kayanet eng’ usisiosiekwok tugul ak nyalilwogik che omuitoi;

HEBRANIK 13:12

Noto anyun, kinyalil Jesu agine eng’ ormarich sang’, si kobiit kotilil bik eng’ korotikyik.

HEBRANIK 9:14

kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

1 PETERO 1:19

ago eng’ korotik che bo kamanutiet ne o, ko u che bo aruet ne matinyei berut ak ne matinyei tisia, choto ko korotikab Kristo:

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 12:11

Ak kiiterter inendet amu korotikab Aruet, ak amu ng’olyotab baornatenywa; ama cham sobonwekwak agoi meet.

NG'ANG'UTYET 15:2

Ak kiageer kit ne u nyanjetab glasit ne burugot ak mat; ak icheget che kigoterter tionyoto ak kanamwennyi, ak koitetab kainennyi, kotonondos eng’ ye negite nyanjetab glasit, che tinyei ketubosiekab Jehovah.

NG'ANG'UTYET 17:6

Ak kiageer kwonyoto ko kagobogit eng’ korotikab bik che tililen, ak eng’ korotikab baorinikab Jesu. Ak ye kingageer inendet, akwong’ eng’ kwong’et ne o.

NG'ANG'UTYET 2:9

Angen nyalildang’ung’, ak banandang’ung’ (ago i magoriot), ak chubisietab ichek che mwaei kole ki Yahudik, ago ma ichek, ago sunagogitab Setani.

NG'ANG'UTYET 22:14

Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,

NG'ANG'UTYET 7:9

Kingobata tuguchu, ageer, ogeero, tuiyet ne o, ne kima komuchi chi koiit, che bunu bororiet age tugul, ak oret age tugul ak bik ak kutuswek, kotonondos eng’ taitab ng’echeretab laitornatet ak eng’ taitab Aruet, kolaachi ngoroik che leelach, ak kotinyei temenikab sosik eng’ eunekwak;