NG'ANG'UTYET 7:12 - BUKUIT NE TILIL

¹² kole, Amen; Bo Jehovah nenyo kaberuret, ak torornatet, ak ng’omnatet, ak kongoi, ak teegisto, ak kamuktaet, ak kimnatet, koigeny ak koigeny. Amen.

Bukuit Ne Tilil

¹² koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”

BUKUIT NE TILIIL Sireet ne Dutero Kanon

¹² koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”

NG'ANG'UTYET 7:12 ပူးပေါင်းရင်းမြစ်များ

NEEMIA 12:46

Amu kimi chito ne o ne bo tienik eng’ betusiekab Daudi ak Asap ne bo keny, ak tienwogikab kalosunet ak kagoitoetab kongoi ne kigochin Kamuktaindet.

NEEMIA 12:8

Lawik kogeny ko ki Jesua, Binui, Kadmiel, Serebia, Juda, ak Matania, ne kibou kagoitoetab kongoi, inendet koboto tupchosiekyik.

TIENWOGIKAL 100:4

Oba kurgotikyik, ogoitoi kongoi, Ak obe seremusiekyik olosunoti: Oweekyi kongoi, ak oberur kainennyi.

TIENWOGIKAL 106:48

Iberurot Jehovah Kamuktaindetab Israel, Koboch koigeny agoi koigeny. Ak ingomwa bik tugul kole, Amen. Olosu Jehovah.

TIENWOGIKAL 107:22

Ak ingogoito korosekab kongoi, Ak komwaita boisionikyik eng’ tiendo.

TIENWOGIKAL 116:17

Agonin korosiot ne bo kongoi, Ak aguur kainetab Jehovah.

TIENWOGIKAL 147:7

Otienji Jehovah koboto kagoitoetab kongoi: Otienji Kamuktaindennyo kalosunoik eng’ ketubet:

TIENWOGIKAL 41:13

Ingitoror Jehovah, Kamuktaindetab Israel, Koboch keny agoi koigeny. Amen, ak Amen.

TIENWOGIKAL 50:14

Igochi Kamuktaindet korosiotab kongoi; Ak yaakyi Inendet ne Toror Mising’ arorutiguk:

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

TIENWOGIKAL 89:52

Iberurot Jehovah agoi koigeny. Amen, ak Amen.

TIENWOGIKAL 95:2

Ongebwa tainnyi keweekyi kongoi, Ongetienji inendet eng’ kutitab boiboiyet eng’ tienwogikab kalosunet.

ISAIAH 51:3

Amu kagogaigai Jehovah Sion: kagogaigai komoswekyik tugul che kigemeto, ak kigoyai ong’atennyi koigei Eden, ak koyai surkwenennyi koigei mbaretab Jehovah; kinyorjin oloto boiboiyet ak kagasetab ge, koboto kongoi ak tienwogik che rurei komie.

JEREMIA 33:11

kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JONAH 2:9

Ago aeng’un tiseiywot ne amwae kongoi; Ayaagun che kiaarorun. Bo Jehovah yetunet.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

ROMANIK 11:36

Amu bou inendet, ak kobunu inendet, ak koweekyingei inendet, tuguk tugul. Bunjin inendet torornatget koigeny. Amen.

1 KORINTOEK 14:16

Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

2 KORINTOEK 4:15

Amu tuguk tugul ko agobo okwek, si ye tesak mieindo eng’ che chang’, koyai kagoitoetab kongoi kotesak eng’ katororetab Jehovah.

KOLOSAIK 2:7

ko o lumdootin ak ko o teegotin eng’ inendet, ak kigimitok eng’ kayaneng’wong’, ko u ye kiginetak, otese omwae kongoi.

KOLOSAIK 3:17

Ak kit age tugul ne oyae, eng’ ng’olyot anan eng’ boisiet, oyai tugul eng’ kainetab Kiptaiyat Jesu, omwachini Jehovah Kwanda kongoi eng’ inendet.

JUDA 1:25

kobunji Jehovah ne inegei, ne Yetindennyo, eng’ Jesu Kristo Kiptaiyandennyo, torornatet, etunatet, bounatet ak kimnatet, koboch keny, ak nguno, ak agoi koigeny. Amen.

NG'ANG'UTYET 1:18

ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek.

NG'ANG'UTYET 19:4

Ak kiibutyi ng’ony boisiek tiptemu ak ang’wan che soptos ak kolos Jehovah ne tebe ng’echeretab laitornatet, komwaei kolen, Amen; Haleluya.