NG'ANG'UTYET 7:1 - BUKUIT NE TILIL

¹ Kingobata nito ageer malaikaisiek ang’wan kotonondos eng’ luukwek ang’wan che bo ng’ony, konamei usonaik ang’wan che bo ng’ony, si mata kousyi usonet ng’ony, anan nyanjet, anan ketit age tugul.

Bukuit Ne Tilil

¹ Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.

BUKUIT NE TILIIL Sireet ne Dutero Kanon

¹ Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.

NG'ANG'UTYET 7:1 ပူးပေါင်းရင်းမြစ်များ

ISAIAH 11:12

Ak kolumda songoliet agobo bororiosiek, ak koyum che kigitimda che bo Israel, ak koyum che kiyesta che bo Juda eng’ luukwek ang’wan che bo ng’ony.

ISAIAH 27:3

Ane Jehovah ne aribe; abisi kotugul, aribe kemoi ak bet si mang’em chi.

ISAIAH 27:8

Kioborie ak inendet ne yamei, ye kiione; kiisto inendet eng’ usonennyi ne ng’wan eng’ betutab usonetab kong’asis.

JEREMIA 49:36

Ak aipchi Elam koriswek ang’wan che bunu luukwek ang’wan che bo kipsengwet, ak aiyeste ichek koba koriswechoto tugul; ama biitu bororiet ole maitei che kigion che bo Elam.

EZEKIEL 37:9

Kolenja anyun, Maotenji usonet, maoten, ee, weritab chi, ak ilenji usonet, Mwaei Kiptaiyat Jehovah ko u ni kole: Nyo eng’ usonaik ang’wan, ee kabuset, ak ibusyi chu kigebar, si kobiit kosopcho.

EZEKIEL 7:2

Ee inye, weritab chi, mwaei Kiptaiyat Jehovah komwachin emetab Israel, kolenjin, Kagesunet: kagonyonji kagesunet luukwek ang’wan che bo emet.

DANIEL 11:4

Ak ye kagobiit, keng’emei laitornatennyi, ak kopcheigei kotokyigei usonaik ang’wan che bo kipsengwet; ago ma tun bunjin iyotennyi, ama isubi ko u bounatennyi ne kibou; amu kitutu laitornatennyi kobunji alak koboto chuto.

DANIEL 7:2

Kimwa Daniel kole, Kiageer eng’ ng’ang’utiennyu kemoi, ogeero, kiusyi nyanjet ne o usonaik ang’wanu che bo kipsengwet.

DANIEL 8:8

Ak kieetgei kwesta mising’: ak ye kingo kagogimit, koil kuinet ne o; ak kimong’ kuinoik ang’wanu che toogunotin kotokyigei usonaik ang’wan che bo kipsengwet, kogeer ni ka bo tai.

JONAH 1:4

Ago kiiyokyi Jehovah nyanjet usonet ne o, ak kibiit kipchurjuriet ne o mising’ eng’ nyanjet, kot komach kobutok melit,

SEKARIA 6:1

Kiayot met kogeny, ak ageer, ogeero, kibwa karisiek ang’wanu che bo luget kobunu kwenutab tulonok aeng’; ak ki bo sugunwet tulonochoto.

SEKARIA 6:5

Ak kiwol malaikaiyat kolenja, Chuto ko usonaik ang’wan che bo kipsengwet che bendi eng’ ole katonone eng’ taitab Kiptaiyat ne bo ng’ony komugul.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MARIKO 13:27

Yeityo koyokto malaikaisiek, ak koyum lewenikyik, kobun usonaik ang’wan, kobunu tabandab ng’ony agoi tabandab kipsengwet.

NG'ANG'UTYET 20:8

ak komong’ koberber bororiosiek che mitei luukwek ang’wan che bo ng’ony, Gog ak Magog, koyumji ichek luget: che te koitenywa ng’aniekab nyanjet.

NG'ANG'UTYET 6:6

Ak kiagas ne u kutit eng’ kwenutab tiong’ichoto ang’wan soptos kole, Kialdae kibabetab nganok denarit agenge, ak kialdae kibabok somok che bo sairik denarit agenge; ameng’em mwaita ak divaik.

NG'ANG'UTYET 7:3

kolenji, Among’em ng’ony, anan nyanjet, anan ketik, kot kinde ng’okset togochikab otwogikab Jehovah nenyo.

NG'ANG'UTYET 8:7

Ak kiguut malaikaiyat ne bo tai, ak kibiit koikab ropta ak mat, che burugotin ak korotik, ak kigiwirji ng’ony: ak kilal kebeberta agenge eng’ somok ne bo ng’ony, ak kilal kebeberta agenge eng’ somok ne bo ketik, ak kilalyo suswek tugul che tuonen.

NG'ANG'UTYET 9:14

komwachin age malaikaiyandanato bo lo, ne kitinyei iriaget, kolenji, Itiach malaikaisiek ang’wan che ratotin eng’ ainet ne bo Euprate.

NG'ANG'UTYET 9:4

Ak kigimwachi ichek kelenji amat kong’em suswekab ng’ony, anan kiy age tugul ne tuon, anan ko ketit age tugul, ago bichoto ichegei che matinyei ng’oksetab Jehovah eng’ togochikwak.