NG'ANG'UTYET 6:14 - BUKUIT NE TILIL

¹⁴ Ak kigiisto kipsengwet ko u kartasit ne kimamani; ak kigiisto eng’ komoswekwak tulwet age tugul ak emet age tugul ne kiikwen beek.

Bukuit Ne Tilil

¹⁴ Ki kiisto kipsengwet ko uu kartasit ne kimamani, ak ki kiisto eng' komoswekwak tulweet age tugul ak emet age tugul ne ki ikween peek.

BUKUIT NE TILIIL Sireet ne Dutero Kanon

¹⁴ Ki kiisto kipsengwet ko uu kartasit ne kimamani, ak ki kiisto eng' komoswekwak tulweet age tugul ak emet age tugul ne ki ikween peek.

NG'ANG'UTYET 6:14 ပူးပေါင်းရင်းမြစ်များ

TIENWOGIKAL 102:26

Betos ichek; ago itebye inye agoi: Ee, osegitu ichek tugul ko u ngoriet; Ak iwale ichek ko u ngoriet, ak kowalogis:

ISAIAH 34:4

Ak kochoot luget tugul ne bo kipsengwet, ak kemaman kipsengwetisiek ko u kartasit: ak kowandagei lugenywa tugul, ko u sogot ne ibuti eng’ ketitab sabibuk, ak ko u sogot ne ibuti eng’ mogoiywet.

ISAIAH 54:10

Amu istogei tulonok ak kiutoi tulonok che mengechen; ago maistoenengei talasiennyu, ama kiistoi kayomisennyu ne bo kalyet, mwaei Jehovah ne rirenen.

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 51:25

Keero, aborienen, ee inye tulwet ne ing’emisiei, mwaei Jehovah, ne ng’emei ng’ony komugul: ak achuul eunnyu atokyin, ak amilden eng’ ruandosiek, ak ayain iegu tulwet ne kigolal.

EZEKIEL 38:20

kot kobotanso eng’ tainnyi njirenikab nyanjet, ak taritik che bo barak, ak tiong’ikab timin, ak tuguk tugul che ichuutegei ng’ony, koboto bik tugul che mitei ng’ony, ak kiluul tulonok, ak kong’isiogen ole keigei, ak kolul irimet age tugul.

NAHUM 1:5

Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

HABAKUK 3:10

Kiiyweis tulonok ye kigeerin; Kisiirto usonetab nyanjet; Kitul riret, Ak konamji barak eunekyik.

HABAKUK 3:6

Kitonon ak kokwa ng’ony; Kigeer, ak kotumdum bororiosiek: Ak kiiseerak tulonok che bo koigeny; Kiing’urukso tulonok che bo koigeny; Ki u banwekyik betusiek che bo keny.

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

NG'ANG'UTYET 16:20

Ak kimwei emet age tugul ne kiikwen beek, amata kegeer tulonok.

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 21:1

Ak kiageer kipsengwet ne leel ak ng’ony ne leel: amu kigosiirto kipsengwet ne bo tai ak ng’onyut ne bo tai; ama komi nyanjet kogeny.