NG'ANG'UTYET 6:12 - BUKUIT NE TILIL

¹² Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

Bukuit Ne Tilil

¹² Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

BUKUIT NE TILIIL Sireet ne Dutero Kanon

¹² Ak ki ageer ye kingo yaat ng'ookset ne po lo, ak ki piit potanet ne oo ne po ng'wony; ak ki tuit asiista ko uu kuniet ne ki kiyae koroorik, ak ki igei arawet komugul korotiik;

NG'ANG'UTYET 6:12 ပူးပေါင်းရင်းမြစ်များ

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 34:4

Ak kochoot luget tugul ne bo kipsengwet, ak kemaman kipsengwetisiek ko u kartasit: ak kowandagei lugenywa tugul, ko u sogot ne ibuti eng’ ketitab sabibuk, ak ko u sogot ne ibuti eng’ mogoiywet.

ISAIAH 50:3

Alaakyini kipsengwetisiek tuuindo, ak atuge kuniok.

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 3:15

Imenitu asista ak arawet, ama koluu kecheik,

AMOS 1:1

Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

AMOS 8:9

Ak agochini kororokto asista bet kwen eng’ betunoto, ak agochini emet koimenit eng’ betut ne churat, mwaei Kiptaiyat Jehovah.

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.

MATAYO 11:21

Bwa we, Korasin! Bwa we, Betsaida! Amu nda kiga kiyai eng’ Turo ak Sidon boisionik che bo kamuktaet che kigiyai eng’ okwek, ta kiga kosik keny, kolaach kuniok ak koiilegei orek.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MATAYO 24:7

Amu setyin bororiet age bororiet age, ak setyin bounatet age bounatet age: ak kobiit rubosiek ak botanetab ng’ony eng’ oldinwek che terotin.

MATAYO 27:45

Kiimenit anyun emonoto komugul kong’eete sait lo agoi sait sogol.

MATAYO 27:54

Ak ye kingogeer kiptaiyatab bogol ak icheget che kimi koboto inendet koribei Jesu, botanetab ng’ony ak tuguk che kayaagis, koiywei mising’, kole, Iman Weritab Jehovah chichi.

MATAYO 28:2

Ak ogeero, kibotan ng’ony mising’; amu kichorgei eng’ kipsengwet malaikaiyatab Kiptaiyat, ak kinyo komilda koita, ak kotebe koyata.

MARIKO 15:33

Ak kingoit sait lo, koimenit emet komugul agoi sait sogol.

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

NG'ANG'UTYET 16:18

ak kibiit ilotik, ak kutuswek, ak tulosiek; ak kibiit botanet ne o ne bo ng’ony, ne kitomo kobiitu koboch ngobiit bik eng’ ng’ony, botanet ne o, ne kim kot.

NG'ANG'UTYET 16:8

Ak kirong’ji malaikaiyat ne bo ang’wan tabennyi asista; ak kigigochi kobeel bik eng’ mat.

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 8:5

Ak kiib malaikaiyat teronoto; ak konde matab kapkoros konyi, ak kowirji ng’ony: ak kibiit tulosiek, ak kutuswek ak kalyelosiek, ak botanetab ng’ony.