NG'ANG'UTYET 6:1 - BUKUIT NE TILIL

¹ Ak kiageer ye kingoyat Aruet age eng’ ng’oksosiechoto tisab, ak kiagas age eng’ tiong’ichoto ang’wan soptos komwaei eng’ cheet ne u tulet, kole, Nyo.

Bukuit Ne Tilil

¹ Ki ageer anyun Aarwet ye kiyaate agenge eng' ng'ooksosyechooto tisap. Ki agas age eng' tyong'ichooto ang'wan saptos komwaei eng' cheet ne uu tuleet, kole, “Nyoo!”

BUKUIT NE TILIIL Sireet ne Dutero Kanon

¹ Ki ageer anyun Aarwet ye kiyaate agenge eng' ng'ooksosyechooto tisap. Ki agas age eng' tyong'ichooto ang'wan saptos komwaei eng' cheet ne uu tuleet, kole, “Nyoo!”

NG'ANG'UTYET 6:1 ပူးပေါင်းရင်းမြစ်များ

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

POISYONIGAP CHE KIYOKTOI 4:20

amu magimuchi kesisye kobate kemwa tuguk che kigegeer ak che kigegas.

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 14:2

Ak kiagas kutit kobun kipsengwet, ne u cheetab beek che chang’, ak ko u cheetab tulet ne o: ak cheonoto kigagas ko ki u ne bo butik che butei ketubosiekwak:

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

NG'ANG'UTYET 5:1

Ak kiageer eng’ eutab tai ne bo inendet ne kitebe ng’echeranato bo laitornatet, bukuit ne kigisir orit ak batai, ne kiging’och kogerak eng’ ng’oksosiek tisab.

NG'ANG'UTYET 5:12

komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

NG'ANG'UTYET 6:3

Ak ye kingoyat ng’okset ne bo aeng’, agas tiondo ne bo aeng’ ne sobei kole, Nyo.

NG'ANG'UTYET 6:5

Ak ye kingoyat ng’okset ne bo somok, agas tiondo ne sobei ne bo somok kole, Nyo. Ak kiageer, ogeero, mbartanyit ne tuui; ak kitinyei ratilit eng’ eunnyi inendet ne tebe.

NG'ANG'UTYET 6:7

Ak ye kingoyat ng’okset ne bo ang’wan, agas kutitab tiondo ne sobei ne bo ang’wan kole, Nyo.

NG'ANG'UTYET 8:1

Ak ye kingoyat ng’okset ne bo tisab, kosis kipsengwet olo bo kebebertab sait.