NG'ANG'UTYET 4:8 - BUKUIT NE TILIL

⁸ Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

Bukuit Ne Tilil

⁸ Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”

BUKUIT NE TILIIL Sireet ne Dutero Kanon

⁸ Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”

NG'ANG'UTYET 4:8 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TIENWOGIKAL 91:1

Inendet ne menyei ole ung’at ne bo Inendet ne Toror Mising’ Kotebe noto uruetab Inendet Ne bo Kamuktaet.

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

KOMONG'U 3:14

Ak kilenji Kamuktaindet Musa, ANENDET NE AMI: ak kile, Imwachini lagokab Israel ng’olyondoni, ilenjini, Kagoyokwa anyonjok inendet ne keguure AMI.

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 62:1

Masise agobo Sion, amamuunyi agobo Jerusalem, agoi komanda imandanyi ko u kaluunet, ak komanda yetunennyi ko u tait ne lalei.

EZEKIEL 1:18

Ki tororen karik che tiektoe cheptirochoto ak kiimuisei; ak ki nyiitotin konyek komoswek tugul eng’ karikwak che tiektoe, che kitinyei ichek tugul ko ang’wan.

EZEKIEL 1:5

Ak kimong’une kwenunnyi kergeindo ne bo tuguk ang’wan che soptos. Ki u ni itondanywa; kitinyei itondo ne u ne bo chi.

EZEKIEL 1:6

Ak kitinyei age tugul togochik ang’wan, ak kitinyei age tugul eng’ ichek kebebaik ang’wan.

EZEKIEL 10:12

Ak ki nyiitotin konyek komoswek tugul che bo borwekwak tugul, ak batoikwak, ak eunekwak, ak kebebaikwak, ak cheptirok, cheptirochoto che kitinyei kerubichoto ang’wanu.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

POISYONIGAP CHE KIYOKTOI 20:31

Oripse anyun, ak obwat ole ma abagakte atigon chi age tugul eng’ beekab kong’ eng’ kenyisiek somok kemoi ak bet.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

1 THESSALONIKEK 2:9

Amu obwati, tupchosiechu, boisiennyo ne uui ak bichiindo, keboisie kemoi ak bet, si ma kigochi milet chi age tugul eng’ okwek. Kigiamwok logoiywek che miach che bo Jehovah.

1 TIMOTEO 4:16

Ripge, ak irib konetisieng’ung’. Tepte tuguchuto; amu ngiyae nito isoruge koboto icheget che kasin.

2 TIMOTEO 4:2

amde ng’olyot; choboge eng’ betut ne nyolu, ak eng’ betut ne ma nyolu; itigon, ker kong’, igiil, eng’ muitaet tugul ak konetisiet.

HEBRANIK 13:8

Kergei Jesu Kristo eng’ amut ak ra, ak agoi koigeny.

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 1:8

Ane ko a Alpha ak ko a Omega, mwaei Kiptaiyat Jehovah, ne mi ago kimi ago tun nyonei, Kamuktaindet.

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 14:11

ak kotogostoi iyetab ng’wanindanywa koigeny ak koigeny; ama tinyei kamuung’et bet ak kemoi, ichek che ilosu tiondo ak kanamwennyi, ak age tugul ne nyoru berutietab kainennyi.

NG'ANG'UTYET 14:3

ak kotieni tiendo ne leel eng’ taitab ng’echeretab laitornatet, ak eng’ taitab tiong’ik ang’wan che soptos ak boisiek: ama mi chi ne imuchi konetgei tienoto kobate bichoto elfusiek bogol ak artam ak ang’wan, icheget che kigial eng’ ng’ony.

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

NG'ANG'UTYET 15:7

Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 16:14

amu choto ko tamirmirikab oik, che yaei kaborunoik; che bendi oldab laitorinikab ng’ony komugul, si koyum ichek koba lugetab betut ne o ne bo Jehovah, Kamuktaindet.

NG'ANG'UTYET 16:7

Ak kiagas kaptisisiet komwa kole, U noto, ee, Kiptaiyat Jehovah, Kamuktaindet, bo iman ak ko bo imanda kiruogutiguk.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 19:4

Ak kiibutyi ng’ony boisiek tiptemu ak ang’wan che soptos ak kolos Jehovah ne tebe ng’echeretab laitornatet, komwaei kolen, Amen; Haleluya.

NG'ANG'UTYET 21:22

Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

NG'ANG'UTYET 3:7

Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi:

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 4:6

ak ki u taitab ng’echeranato bo laitornatet, nyanjet ne bo glasit, ne u krustalo; ak kimi kwenutab ng’echeranato bo laitornatet, ak kiyiem komoswek tugul che bo ng’echeranato komuut, tuguk ang’wanu che soptos che nyiitotin konyek tai ak let.

NG'ANG'UTYET 4:9

Ak ye igochi tuguchoto soptos torornatet ak teegisto ak kongoi inendet ne tebe ng’echeranato bo laitornatet, inendet ne sobei koigeny ak koigeny,

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 6:1

Ak kiageer ye kingoyat Aruet age eng’ ng’oksosiechoto tisab, ak kiagas age eng’ tiong’ichoto ang’wan soptos komwaei eng’ cheet ne u tulet, kole, Nyo.

NG'ANG'UTYET 6:6

Ak kiagas ne u kutit eng’ kwenutab tiong’ichoto ang’wan soptos kole, Kialdae kibabetab nganok denarit agenge, ak kialdae kibabok somok che bo sairik denarit agenge; ameng’em mwaita ak divaik.

NG'ANG'UTYET 7:11

Ak kitonondos malaikaisiek tugul ko kayiem ng’echeretab laitornatet, ak boisiek, ak tiong’ik ang’wan che soptos; ak kiibutyi ng’ony eng’ taitab ng’echeretab laitornatet, ak kolos Jehovah,

NG'ANG'UTYET 7:15

Mi anyun ichek taitab ng’echeretab laitornatet ne bo Jehovah; ak koboisiechin inendet bet ak kemoi eng’ hekalunnyi: ak koiito inendet ne tebe ng’echeretab laitornatet emainnyi eng’ baragunywa.