NG'ANG'UTYET 4:6 - BUKUIT NE TILIL

⁶ ak ki u taitab ng’echeranato bo laitornatet, nyanjet ne bo glasit, ne u krustalo; ak kimi kwenutab ng’echeranato bo laitornatet, ak kiyiem komoswek tugul che bo ng’echeranato komuut, tuguk ang’wanu che soptos che nyiitotin konyek tai ak let.

Bukuit Ne Tilil

⁶ Ak ki uu taitap ng'echeranooto po laitornatet, nyanjet ne po klasit, ne uu krustalo. Eng' kwenutap ng'echeranooto po laitornatet, ko kiyiem komuut komoswek tugul tuguuk ang'wanu che saptos che nyiitootiin koonyek tai ak let.

BUKUIT NE TILIIL Sireet ne Dutero Kanon

⁶ Ak ki uu taitap ng'echeranooto po laitornatet, nyanjet ne po klasit, ne uu krustalo. Eng' kwenutap ng'echeranooto po laitornatet, ko kiyiem komuut komoswek tugul tuguuk ang'wanu che saptos che nyiitootiin koonyek tai ak let.

NG'ANG'UTYET 4:6 ပူးပေါင်းရင်းမြစ်များ

1 LAITORINIK 7:23

Ak kiyai nyanjet ne kitanyi, ne bo kakwautik taman che bo eut kong’eete taban agoi taban, ne kigitainganat, ak ki kakwautik mut che bo eut koindo ne bo tononennyi: ak kimi mireiywot ne bo kakwautik sosom che bo eut.

Kitabuutap JOB 28:17

Magimuchi kiaechine ng’omnatet tahabu ak glasit: Ama kiwale tuguk che bo tahabu che kororon.

KOMONG'U 38:8

Ak kiitany tabet ne bo sugunwet, ak kiyae sugunwet ng’echerennyi ne tebe che ki u kioisiek eng’ sugunonik che kigeeregei kobogorisiek, che kiboisiei eng’ kurgetab emait ne kituiyechin.

EZEKIEL 10:12

Ak ki nyiitotin konyek komoswek tugul che bo borwekwak tugul, ak batoikwak, ak eunekwak, ak kebebaikwak, ak cheptirok, cheptirochoto che kitinyei kerubichoto ang’wanu.

EZEKIEL 10:14

Ak kitinyei age tugul togochik ang’wan: toget ne bo tai ko ki togetab kerubindet, ak toget ne bo aeng’ ko ki togetab chito, ak ne bo somok ko ki togetab ng’etundo, ak ne bo ang’wan ko ki togetab kipsichit.

NG'ANG'UTYET 14:3

ak kotieni tiendo ne leel eng’ taitab ng’echeretab laitornatet, ak eng’ taitab tiong’ik ang’wan che soptos ak boisiek: ama mi chi ne imuchi konetgei tienoto kobate bichoto elfusiek bogol ak artam ak ang’wan, icheget che kigial eng’ ng’ony.

NG'ANG'UTYET 15:2

Ak kiageer kit ne u nyanjetab glasit ne burugot ak mat; ak icheget che kigoterter tionyoto ak kanamwennyi, ak koitetab kainennyi, kotonondos eng’ ye negite nyanjetab glasit, che tinyei ketubosiekab Jehovah.

NG'ANG'UTYET 15:7

Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 19:4

Ak kiibutyi ng’ony boisiek tiptemu ak ang’wan che soptos ak kolos Jehovah ne tebe ng’echeretab laitornatet, komwaei kolen, Amen; Haleluya.

NG'ANG'UTYET 21:11

kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

NG'ANG'UTYET 21:18

Ak kigiteege jasipi irimennyi: ak ki tahabu che tililen nganaset, ko u glasit ne tilil.

NG'ANG'UTYET 21:21

Ak kurgotik taman ak aeng’ ko ki sonoek taman ak aeng’ che kororon; age tugul eng’ kurgotik ko ki bo sonoiyat agenge: ak ki tahabu che tililen oretab nganaset, ko u glasit ne sengelel.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 5:11

Ak kiageer ak agas kutitab malaikaisiek che chang’ ko kayiem ng’echeranato bo laitornatet ak tiong’ichu kasoptos ak boisiechugai; ak koitenywa ko ki elfusiek taman konyil elfusiek taman, ak elfusiek konyil elfusiek;

NG'ANG'UTYET 5:14

Ak kimwa tiong’ichoto ang’wanu soptos kole, Amen. Ak kobutyi ng’ony boisiechoto ak kolos.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

NG'ANG'UTYET 6:1

Ak kiageer ye kingoyat Aruet age eng’ ng’oksosiechoto tisab, ak kiagas age eng’ tiong’ichoto ang’wan soptos komwaei eng’ cheet ne u tulet, kole, Nyo.

NG'ANG'UTYET 6:6

Ak kiagas ne u kutit eng’ kwenutab tiong’ichoto ang’wan soptos kole, Kialdae kibabetab nganok denarit agenge, ak kialdae kibabok somok che bo sairik denarit agenge; ameng’em mwaita ak divaik.

NG'ANG'UTYET 7:11

Ak kitonondos malaikaisiek tugul ko kayiem ng’echeretab laitornatet, ak boisiek, ak tiong’ik ang’wan che soptos; ak kiibutyi ng’ony eng’ taitab ng’echeretab laitornatet, ak kolos Jehovah,

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.