NG'ANG'UTYET 4:5 - BUKUIT NE TILIL

⁵ Ak mong’une ng’echeranato kalyelet ak kutuswek ak tulosiek. Ak kilaldos taisiek tisabu che bo mastinwek eng’ taitab ng’echeranato bo laitornatet, choto ko Tamirmirik tisab che bo Jehovah;

Bukuit Ne Tilil

⁵ Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

BUKUIT NE TILIIL Sireet ne Dutero Kanon

⁵ Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

NG'ANG'UTYET 4:5 ပူးပေါင်းရင်းမြစ်များ

TAUNET 15:7

Ak kilenji, Ane Jehovah ne kiamutun imong’une Ur ne bo Kaldeik, si agonin emoni kobunjin.

2 ATEPTAP PEETUUSYEK 4:20

kiyae tahabu che tililen kelyekab taisiek koboto taisiekwak, si kobiit kolaldos eng’ taitab got ne bo orit, ko u ye kiging’at;

TIENWOGIKAL 68:35

Ee Kamuktaindet, kiywein eng’ oldinweguk che tililen: Kamuktaindetab Israel, ne igochin bikyik kimnatet ak kamuktaet. Iberurot Kamuktaindet.

KOMONG'U 19:16

Ak eng’ betutab somok, ko kaeech, kobiit tulosiek ak kalyelosiek, ak kiilaach boldet ne tuui tulwet, ak kimi cheetab iriaget ne cheei kot; ak kobotanso bik tugul che kimi nganaset.

KOMONG'U 20:18

Ak ye kingogeer bik tugul kalyelosiek ak tulwet ne iyeni, ak kogas tuletab ilotik ak cheetab iriaget, kobotanso, ak kotononso eng’ ole loo.

KOMONG'U 25:37

Ak iyai taisiekyik koek tisab: ak konam taisiekyik, si kobiit kokweny ole mi.

KOMONG'U 37:23

Ak kiyai taisiekyik koek tisab, kiyae tahabu che tililen, koboto kanameiywondennyi, ak tabokyik che mengechen.

EZEKIEL 1:13

Kergeindab tuguchoto soptos ko ki u itondanywa ng’etetiot, ko u toogunetab kegenganik: kiwendate maata kwenutab tuguchoto soptos: ak kiikweng’sei mising’ maata, ak kimong’une kalyelet maata.

JOEL 3:16

ak boriseni Jehovah eng’ Sion, ak kotwek eng’ Jerusalem; ak botandos kipsengwetisiek ak ng’ony: ago egu Jehovah ole mwechin bikyik, ak koek irimet eng’ lagokab Israel.

SEKARIA 4:2

Ak kilenja, Igeere nee? Ak kiale, Kaageer, ak keero, keldab tait ne bo tahabu tugul, kotinyei tabennyi eng’ baragunnyi, koboto taisiek tisab che bo keloto bo tait; kitinyei tait age tugul kirondoik tisab che mi baragunnyi:

MATAYO 25:1

Kiyanie anyun bounatetab kipsengwet bergeinik taman, che kiib taisiekwak, koba kotorokta sandetab katunisiet.

MATAYO 3:11

Abatisanok iman eng’ beek amu sigunet: ago tinyei kimnatet kosiira inendet ne isubwa, ma nyolu aipchinot kweonikyik: ibatisanok inendet eng’ Tamirmiriet ne Tilil ak mat:

POISYONIGAP CHE KIYOKTOI 2:3

Ak kimong’ji ng’elyebwek che pcheotin, ko u che bo mat; ak kitebe age tugul eng’ ichek.

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 10:3

ak kitwek eng’ kutit ne o, ko u ye morori ng’etundo: ak ye kingo kagotwek, kobolyo tulosiek tisabu.

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 3:1

Ak isirji malaikaiyatab kaniset ne mi Sarde, ilenji: Mwaei tuguchu inendet ne tinyei Tamirmirik tisab che bo Jehovah, ak kecheik tisab: Angen boisioniguk, ale itinye kainet kele isobe, ago kaimei.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 8:5

Ak kiib malaikaiyat teronoto; ak konde matab kapkoros konyi, ak kowirji ng’ony: ak kibiit tulosiek, ak kutuswek ak kalyelosiek, ak botanetab ng’ony.