NG'ANG'UTYET 3:7 - BUKUIT NE TILIL

⁷ Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi:

Bukuit Ne Tilil

⁷ “Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

BUKUIT NE TILIIL Sireet ne Dutero Kanon

⁷ “Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

NG'ANG'UTYET 3:7 ပူးပေါင်းရင်းမြစ်များ

Kitabuutap JOB 11:10

Ngot kosiirto, ak kogeris, Ak koguurso keba kiruoget, ko ng’o ne imuchi kogirinda inendet?

Kitabuutap JOB 12:14

Keero, butei, ama kimuchi keteech kogeny; Kerei chito, ama mi ne yatei.

TIENWOGIKAL 145:17

Bo iman Jehovah eng’ ortinwekyik tugul, Ak tala eng’ boisionikyik tugul.

TIENWOGIKAL 16:10

Amu memetoi sobondanyu eng’ oldab meet; Amechamjini kogeer neng’ung’ ne tilil nunet.

TIENWOGIKAL 89:18

Amu bo Jehovah long’ennyo; Ak bo Inendet ne Tilil ne bo Israel laitoriandennyo.

ISAIAH 22:22

Ak ande tigikyiennyi yatutietab gotab Daudi; ak yatei inendet, ama mi chi ne kerei; ak kerei inendet, ama mi chi ne yatei.

ISAIAH 30:11

oistege eng’ oret, omaste eng’ oret, ogochi Inendet ne Tilil ne bo Israel kosis eng’ tainnyo.

ISAIAH 41:14

Ameiyweisie, inye Jakobo, ne i kutiet, ak okwek bikab Israel; atoretin, mwaei Jehovah, ak katiagindeng’ung’ ko Inendet ne Tilil ne bo Israel.

ISAIAH 41:16

Iruri, si koib usonet, ak koyesta kipchurjuriet: ak ibaibaitu eng’ Jehovah, ilosunegei Inendet ne Tilil ne bo Israel.

ISAIAH 41:20

Si komuch kogeer, ak konai, ak kobwat, ak koguiyo kibagenge, kole kiyai eutab Jehovah nito, ak kitoi koyai nito Inendet ne Tilil ne bo Israel.

ISAIAH 47:4

Katiagindennyo, kainennyi ko Jehovah ne bo lugosiek, Inendet ne Tilil ne bo Israel.

ISAIAH 48:17

Mwaei ko u ni Jehovah, katiangindeng’ung’, Inendet ne Tilil ne bo Israel: A Jehovah Kamuktaindeng’ung’, ne inetin ibor, ne indoun eng’ oret ne kanyol ibun.

ISAIAH 49:7

Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

ISAIAH 54:5

Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

ISAIAH 55:5

Keero, iguure bororiet ne mengen, ak kolabatyin bororiet ne kima kongenin, amu Jehovah Kamuktaindeng’ung’, ak amu Inendet ne Tilil ne bo Israel; amu kigotororin.

ISAIAH 6:3

Ak kitwekyi age age kolenji, Tilil, tilil, tilil, Jehovah ne bo lugosiek: nyiitat ng’ony komugul torornatennyi.

MATAYO 16:19

Agonin yateiywek che bo bounatetab kipsengwet: ak kiy tugul ne irate eng’ ng’ony keratei eng’ kipsengwet: ak kiy tugul ne itiachi eng’ ng’ony kitiachi eng’ kipsengwet.

MATAYO 24:35

Siirtoi kipsengwet ak ng’ony, ago masiirtoi ng’alekyuk.

MARIKO 1:24

kole, Kiting’ege nee ak inye, Jesu ne bo Nasaret? Kenyo ing’emech? Angenin ale, i Ne Tilil ne bo Jehovah.

LUKA 1:32

Egu ne o inendet, ak tun kiguure Weritab Inendet ne Toror Mising’: ak kigochin Kiptaiyat Jehovah ng’echeretab laitornatet ne bo kwandanyi Daudi:

LUKA 4:34

kole, Bagaktech! Kiting’ege nee ak inye, Jesu ne bo Nasaret? Kenyo inye si ibarech? Kaanain inye ale i Ne Tilil ne bo Jehovah.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

POISYONIGAP CHE KIYOKTOI 3:14

Ago kiotiiye okwek Inendet ne Tilil ak ko bo Imanda, ak osom ole kegonok rumindet,

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

NG'ANG'UTYET 1:11

kole, Sirji bukuit tuguk che igeere, ak iyokyi kanisosiek tisab; iyokyi Epeso, ak Smurna, ak Pergamo, ak Tuatera, ak Sarde, ak Piladelpia, ak Laodikia.

NG'ANG'UTYET 1:18

ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

NG'ANG'UTYET 16:7

Ak kiagas kaptisisiet komwa kole, U noto, ee, Kiptaiyat Jehovah, Kamuktaindet, bo iman ak ko bo imanda kiruogutiguk.

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 19:2

amu bo iman ak ko bo imanda kiruogutikyik; amu kagoruokyi chepkugoniot ne o, ne kiimuruon ng’ony eng’ soksennyi, ak kagoyaakta mugetut ne bo korotikab otwogikyik eng’ eutab kwonyoto.

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu:

NG'ANG'UTYET 21:5

Ak kimwa inendet ne tebe ng’echeretab laitornatet, kole, Ogeero, ayae tuguk tugul koleelagitu. Ak kile, Sir: amu ng’alechu ko che kiyani ak ko bo iman.

NG'ANG'UTYET 3:14

Ak isirji malaikaiyatab kaniset ne mi Laodikia, ilenji: Mwaei tuguchu inendet ne Amen, baoriat ne kiyani ak ko bo iman, taunetab yaetab Jehovah:

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?