NG'ANG'UTYET 3:14 - BUKUIT NE TILIL

¹⁴ Ak isirji malaikaiyatab kaniset ne mi Laodikia, ilenji: Mwaei tuguchu inendet ne Amen, baoriat ne kiyani ak ko bo iman, taunetab yaetab Jehovah:

Bukuit Ne Tilil

¹⁴ “Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:

BUKUIT NE TILIIL Sireet ne Dutero Kanon

¹⁴ “Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:

NG'ANG'UTYET 3:14 ပူးပေါင်းရင်းမြစ်များ

TAUNET 49:3

Inyendet Reuben ko i werinnyu ne bo tai, i kamugennyu, agoi taunetab kimnatennyu; Etunatet ne bo tororindo, ak etunatet ne bo kimnatet.

KALEWANAIK 14:5

Mamwaei lembech baoriat ne kiyani: Ago mwaei lembech baoriat ne ma bo iman.

KALEWANAIK 8:22

Kiami koboto Jehovah koboch taunetab orennyi, Kotom kobiit boisionikyik che bo keny.

ISAIAH 55:4

Ogeero, kiagoite inendet koek aboriat eng’ bororiosiek, koek kandoindet, ak ko ng’atindet ne bo bororiosiek.

ISAIAH 65:16

si koek ne iberuregei eng’ ng’ony ne iberuregei eng’ Kamuktaindet ne bo iman, ak koek ne iyostos eng’ ng’ony ne iyostos eng’ Kamuktaindet ne bo iman; amu kigeutie nyalilwogik che bo tai, amu kigeuny si ma ageere.

JEREMIA 42:5

Kimwachi anyun ichek Jeremia kolenji, Ingoek Jehovah baoriat ne bo iman ak ko ne kiyani eng’ kwenunnyo, ngot ko magiyai ko u ng’olyot age tugul ne kaiyogunenen Jehovah Kamuktaindeng’ung’ iibwech.

JOHANA 1:3

Kigiyai tuguk tugul eng’ inendet; ak kima kiyai kiy age tugul ne kiga keyai ne kima yai inendet.

JOHANA 8:14

Kowolji Jesu kolenji, Agot ngabaorianjinige, ko bo iman baornatennyu; amu angen ole abunu, ak ole awendi; ago mongen ole abunu, anan ole awendi.

2 KORINTOEK 1:20

Amu agot ngo tia arorutikab Jehovah, eng’ inendet ko wei: ak kogeny eng’ inendet ko Amen, agoi torornatetab Jehovah eng’ achek.

NG'ATUTIK 21:17

ago iyani kole, werit ne o, weritab chepkinyariat, ye igochin inendet kebeberwek aeng’ eng’ tugul che tinyei: amu inendet taunetab kimnatennyi chechik tuguk che nyoljin werit ne o.

KOLOSAIK 1:15

Inendet itondab Jehovah ne ma toogu, inendet ne kisib kesich eng’ kit age tugul ne kigitoi keyai;

KOLOSAIK 1:18

Ak inendet metitab borto, noto kaniset: inendet taunet, taunindetab che kimong’ eng’ che kibek; si kobiit koek ne o eng’ tuguk tugul.

KOLOSAIK 2:1

Amu amache onai ole agiilige mising’ agobo okwek, ak ichek che mi Laodikia, ak alak tugul che tomo kogeera togoch eng’ borto;

KOLOSAIK 4:16

Ak ye kagesoman baruani eng’ kwenung’wong’, ogoite kesoman agine eng’ kanisetab Laodikiek; ak osoman ak okwek baruanin bo Laodikia.

NG'ANG'UTYET 1:11

kole, Sirji bukuit tuguk che igeere, ak iyokyi kanisosiek tisab; iyokyi Epeso, ak Smurna, ak Pergamo, ak Tuatera, ak Sarde, ak Piladelpia, ak Laodikia.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu:

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

NG'ANG'UTYET 22:13

A Alpha ak ko a Omega, ne bo tai ak ne bo let, taunet, ak kagesunet.

NG'ANG'UTYET 22:6

Ak kilenja, Ng’alechu ko che kiyani ak ko bo iman: ak kiiyok Kiptaiyat, ne Jehovah ne bo tamirmirikab maotik, malaikaiyandennyi koborji otwogikyik tuguk che sib kobiitu matiny.

NG'ANG'UTYET 3:7

Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi: