NG'ANG'UTYET 3:10 - BUKUIT NE TILIL

¹⁰ Amu kiirib ng’olyotab muitaennyu, aribin agane eng’ saitab yomset, ne nyonjin ng’ony komugul, si kotiem ichek che menyei ng’ony.

Bukuit Ne Tilil

¹⁰ Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

BUKUIT NE TILIIL Sireet ne Dutero Kanon

¹⁰ Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 3:10 ပူးပေါင်းရင်းမြစ်များ

ISAIAH 24:17

Kanyonjin kaiyweisiet, ak keringet, ak mestet, ee inye ne imenye ng’ony.

DANIEL 12:10

Ianyinyegei che chang’, ak koyaegei koleelagitu, ak kotililegei: ago yaei kiptengeginik tengekto; amaiguitos kiptengeginik agot agenge: ago iguitos ichek che ng’omen.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MATAYO 24:14

Ak keamdaati logoiywechu miach bo bounatet eng’ ng’ony komugul koek baornatet eng’ bororiosiek tugul; ak koit anyun kagesunet.

MATAYO 26:41

Oripse ak osae, si mochut yomset: chamei tamirmiriet iman, ago nyaluli borto.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

MARIKO 14:9

Ak amwawok iman ale, Ui tugul ole kiamjin logoiywek che miach eng’ ng’ony komugul, kemwaitoi agine ne kayai kobogoriondoni si kobiit koek kabwatet agobo inendet.

LUKA 2:1

Kibun anyun ng’atutiet Kaisari Agusto eng’ betusiechoto, kole, kesir kainaikab bik tugul.

JOHANA 17:6

Kiaborji kaineng’ung’ bik che kiigona eng’ ng’ony: ki cheguk, ak kiigona; ak kigorib ng’olyondeng’ung’.

ROMANIK 1:8

Ne bo tai, amwachini Jehovah nenyu kongoi eng’ Jesu Kristo agobo okwek tugul, amu kimwaitoi kayaneng’wong’ eng’ ng’ony komugul.

1 KORINTOEK 10:13

Kima namak yomset kobate noto ne imuchi komuitae chi tugul: ago bo iman Jehovah ne machamdook keyomak kosiir ne te ne omuchi; ago koboto yomsonoto koyaei agine oret ne ochilile, si kobiit omuch omuite.

EPESOEK 6:13

Noto anyun onam karikab luget komugul che bo Jehovah, si kobiit omuch ogirinde eng’ betut ne ya, ak ye kaoyai tugul, otononse.

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

JAKOBO 3:12

Che kitupche, imuchi mogoiywet koii emitik? Anan koii ketitab sabibuk logoekab mogoonik? Amaimuchi beek che miach kobiitune che bo munyuk.

1 PETERO 4:12

Chamanichu, amokwong’ eng’ tiemisiet ne bo mat ne mi kwenung’wong’, ne nyonjinok si kobiit kotiemak, ko u ye kaityok kiy ne okwong’e:

2 PETERO 2:9

ingen anyun Kiptaiyat kosor eng’ yomset che iywei Jehovah, ak korib che ma bo imanda kot koit betutab kiruoget, si tun kiruokyi;

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 11:10

Ak boiboitu ichek che menyei ng’ony agobo icheget, ak kogasegei; ak koyokyingei konunoik, amu kiinyalili maotichuto aeng’ ichek che menyei ng’ony.

NG'ANG'UTYET 13:10

Ngo luulis chi, keluulei inendet: ngo baris chi eng’ rotwetab chok, kobare inendet rotwetab chok matiny. Mi yu muitaet ak kayanetab bik che tililen.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 14:12

Mi yu muitaetab bik che tililen, icheget che ribei ng’atutikab Jehovah, ak kayanetab Jesu.

NG'ANG'UTYET 14:6

Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 16:14

amu choto ko tamirmirikab oik, che yaei kaborunoik; che bendi oldab laitorinikab ng’ony komugul, si koyum ichek koba lugetab betut ne o ne bo Jehovah, Kamuktaindet.

NG'ANG'UTYET 17:2

ne kiyai sokset laitorinikab ng’ony ak inendet, ak kibogityo ichek che menyei ng’ony, eng’ divaikab soksennyi.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

NG'ANG'UTYET 3:8

Angen boisioniguk (keero, kaande taing’ung’ kurget ne yatat, ne maimuchi chi koger), ale itinye kimnatet ne ming’in, ak kiirib ng’olyondennyu, ama iesie kainennyu.

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?

NG'ANG'UTYET 8:13

Ak kiageer kipsichit kotirireni eng’ kwenutab kipsengwet, ak agas, kolen eng’ kutit ne o, Bwa, bwa, bwa agobo ichek che menyei ng’ony, amu cheosiek alak che bo iriagok che bo malaikaisiek somok che ta koguutei!