NG'ANG'UTYET 22:6 - BUKUIT NE TILIL

⁶ Ak kilenja, Ng’alechu ko che kiyani ak ko bo iman: ak kiiyok Kiptaiyat, ne Jehovah ne bo tamirmirikab maotik, malaikaiyandennyi koborji otwogikyik tuguk che sib kobiitu matiny.

Bukuit Ne Tilil

⁶ Ak ki leenjo, “Ng'aleechu ko che kiyani ak ko po iman: ak ki iyook Kiptaiyat, ineendet ne Kamuktaindet ne po kabuusetap maotik, malaikaiyandennyi koboorchi otwogikyik tuguuk che sip kobiitu matiny.”

BUKUIT NE TILIIL Sireet ne Dutero Kanon

⁶ Ak ki leenjo, “Ng'aleechu ko che kiyani ak ko po iman: ak ki iyook Kiptaiyat, ineendet ne Kamuktaindet ne po kabuusetap maotik, malaikaiyandennyi koboorchi otwogikyik tuguuk che sip kobiitu matiny.”

NG'ANG'UTYET 22:6 ပူးပေါင်းရင်းမြစ်များ

TAUNET 41:32

Kogiborji anyun Parao karuotitaonito konyil aeng’ amu kigochobok noto eng’ Kamuktaindet, ak chogune Kamuktaindet kiito kosulda.

DANIEL 3:28

Kong’alal anyun Nebukadnesar komwa kole, Iberurot Kamuktaindetab Sadrak, Mesak, ak Abed-nego, ne kagoyok malaikaiyandennyi kosor otwogikyik che koimang’u inendet, ak kagowal ng’olyotab laitoriat, ak kogoito borwekwak si maot anan kolos cheptalelit age tugul kobate Kamuktaindenywa inegei.

DANIEL 6:22

Koiyok Kamuktaindennyu malaikaiyandennyi koger kutuswekab ng’etunyik, ama ita kiy: amu ma kinyorja kiy ne ya eng’ tainnyi; ak kogeny, tom ayai kiy ne ya eng’ taing’ung’, ee laitoriandani.

MATAYO 13:41

Iyoktoi Weritab chi malaikaisiekyik, koba koyum komong’une bounatennyi tuguk tugul che inachi bich, ak ichek che yaei tengekto,

LUKA 1:70

(Ko u ye kimwa eng’ kutuswekab maotikyik che tililen che kimi koboch ko kagitoi ng’ony),

LUKA 16:16

Kitebi Ng’atutik ak maotik agoi koit Johana: koboch betunoto keamdoi logoiywek che miach che bo bounatetab Jehovah, ak komong’jin chi tugul eng’ kimnatet.

POISYONIGAP CHE KIYOKTOI 12:11

Ak ye kingobwat Petero, komwa kole, Kaanai nguno iman, ale, kagoyok Kiptaiyat malaikaiyandennyi ak kasorua eng’ eutab Herod, ak eng’ kagenisiet tugul ne bo bikab Yahudik.

POISYONIGAP CHE KIYOKTOI 3:18

Ago tuguk che kiga kobor Jehovah eng’ tai eng’ kutuswekab maotik tugul, kole tun nyalili Kristo nenyi, ko kagoyai noto kosulda.

ROMANIK 1:2

che kisib koaror eng’ maotikyik eng’ sirutik che tililen,

1 KORINTOEK 14:32

ak kase it tamirmirikab maotik maotik;

1 KORINTOEK 7:29

Ago amwae ni, anyun, che kitupche, ale, kagonwagitu betusiek; si kotebi, koboch nguno, che tinyei osotik ko u che matinyei;

2 THESSALONIKEK 1:7

ak kogonok kamuung’et kobotech, okwek che kiusei, eng’ ng’ang’etab Kiptaiyat Jesu kobunu kipsengwet koboto malaikaisiek che bo kamuktaennyi

HEBRANIK 12:9

Ak kigitinye kwanisiek che bo borwekyok che kiitigonech, ago kigigonyiti ichek: tos ma kaigai kiming’inityige Kwanda ne bo tamirmirik, ak kesopche?

2 PETERO 1:21

Amu mami maoinatet ne kigobiit eng’ magetab chi: ago king’alali bik eng’ Jehovah, kondochin Tamirmiriet ne Tilil.

2 PETERO 3:2

si obwat ng’alek che kimwa maotik che tililen eng’ tai, ak ng’atutietab Kiptaiyat ak ko Yetindet eng’ bikwok che kiyoktoi:

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 19:9

Ak kolenja, Sir ile, Boiboen ichek che keguurjin igortab katunisietab Aruet. Ak kilenja, Chu ko ng’alekab iman che bo Jehovah.

NG'ANG'UTYET 21:5

Ak kimwa inendet ne tebe ng’echeretab laitornatet, kole, Ogeero, ayae tuguk tugul koleelagitu. Ak kile, Sir: amu ng’alechu ko che kiyani ak ko bo iman.

NG'ANG'UTYET 21:9

Ak kinyo age eng’ malaikaisiechoto tisab che kitinyei tabok tisab, che ki nyiitotin korotwek tisabu che bo let; ak kong’alalwa, kole, Nyo yu, si aborun mureret, osotiotab Aruet.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 22:16

Ane Jesu ne kaayogu malaikaiyandennyu si kobaorianwok tuguchu eng’ kanisosiek. A tigitiot ak keswotab Daudi, taboiyot ne bo karon ne ikwenyi.

NG'ANG'UTYET 22:7

Ak ogeero, anyone achogu. Baibai ne ribei ng’alekab maoinatetab bukuini.

NG'ANG'UTYET 4:1

Kingobata tuguchu, ageer, ogeero, kiyatak kurget eng’ kipsengwet, ak kutit ne bo tai ne kiagas ko ki u ne bo iriaget, ne king’alalwa kole, Togosu oli, si aborun tuguk che tun biitu eng’ let matiny.