NG'ANG'UTYET 22:5 - BUKUIT NE TILIL

⁵ Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

Bukuit Ne Tilil

⁵ Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.

BUKUIT NE TILIIL Sireet ne Dutero Kanon

⁵ Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.

NG'ANG'UTYET 22:5 ပူးပေါင်းရင်းမြစ်များ

TIENWOGIKAL 36:9

Amu mi oldang’ung’ kondab beekab sobon: Kigeere lapkeiyet eng’ lapkeiyeng’ung’.

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 30:26

Kogeny, kogergeitu lapkeiyetab arawet ak ne bo asista, ak kotesak lapkeiyetab asista konyil tisab, koigei lapkeiyetab betusiek tisab, eng’ betut ne inyai Jehovah mookab bikyik, ak kosoob birutikab kaguotenenywa.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

SEKARIA 14:7

ago betut agenge ne naat eng’ Jehovah; ma bet, ama kemoi: ago lapkeitu koskoleny.

MATAYO 19:28

Ak kilenji Jesu ichek, Amwawok, iman, ale, Okwek che koosubwa, eng’ yaet ne leel ye tun tebe Weritab chi ng’echeretab torornatennyi, otebe ak okwek ng’echerok taman ak aeng’ che bo laitornatet, oruokyini ortinwek taman ak aeng’ che bo Israel.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MATAYO 25:46

Ak bendi chu ole mi nyalilda ne bo koigeny: ago bendi che bo imanda ole mi sobondab koigeny.

ROMANIK 5:17

Amu ngo kiboi meet eng’ bistoetab agenge; ne siirei mising’ anyun, kobou eng’ sobondo ichek che taachei chang’indab mieindo ak konunet ne bo imanda eng’ agenge, noto Jesu Kristo.

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 18:23

ama kokweng’sei lapkeiyetab tait eng’ inye kogeny agoi; ama kegasei kutitab sandet ak mureret eng’ inye kogeny agoi: amu ki bik che eechen che bo ng’ony chemung’arainiguk; amu kigiberber bororiosiek tugul eng’ banisieng’ung’.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

NG'ANG'UTYET 20:6

Baibai ak ko tilil ne tinyei yamdaet eng’ ng’eetyet ne bo tai: mabou ichek meet ne bo aeng’; ago egu ichek tisiikab Jehovah ak ko bo Kristo, ak kolaitoran ak inendet kenyisiek elfut agenge.

NG'ANG'UTYET 21:11

kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.