NG'ANG'UTYET 22:2 - BUKUIT NE TILIL

² eng’ kwenutab orinnyi. Ak kimi ketitab sobon ainonoto, komosi ak komosi, ne yiei logoek taman ak aeng’ che terjin, ak koyiei logoekyik eng’ arawet age tugul: ak kisoobi bororiosiek eng’ sogekab ketoto.

Bukuit Ne Tilil

² eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.

BUKUIT NE TILIIL Sireet ne Dutero Kanon

² eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.

NG'ANG'UTYET 22:2 ပူးပေါင်းရင်းမြစ်များ

TAUNET 2:9

Ak kiigochi Jehovah Kamuktaindet kobit ket age tugul eng’ ng’ony ne kararan eng’ keeret, ak ne mie eng’ amet; ak ketit ne bo sobondo eng’ kwenutab mbaret, ak ketit ne bo naet ne kinae ne mie ak ne ya.

TIENWOGIKAL 147:3

Inyai che ilyotin mugulelwekwak, Ak koratei mookwak.

KALEWANAIK 3:18

Ketitab sobondo inendet eng’ ichek che namei: Ak baibai age tugul ne namegei ak inendet.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

JEREMIA 17:14

Isooba, ee Jehovah, si asob: sorua, si anyor sorunet: amu i kalosunennyu.

EZEKIEL 47:1

Ak kiimutwa aweek anyo kurgetab got; ak ogeero, kimong’une beek kureretab tugatugikab got che kitokyingei kong’asis, amu kitokyingei got kong’asis: ak kimong’une beek kurere, eng’ komostab tai ne bo got, eng’ murot ne bo tai ne bo kaptisisiet.

HOSEA 14:4

Asoobi kachuchugeng’wong’ bo ge, achame ichek mising’: amu kogoistoegei inendet neregekyuk.

SEKARIA 14:8

Ak tun mong’une beek che soptos Jerusalem eng’ betunoto; bendi kebeberta age kotokyingei nyanjet ne mi kong’asis, kobendi kebeberta age kotokyingei nyanjet ne mi cherongo: bendi ko u noto eng’ kemei ak iwot.

MALAKI 4:2

Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

LUKA 4:18

Mi Tamirmirietab Kiptaiyat kobota, Ami kiila si kobiit aamji kibananok logoiywek che miach: Kiiyokwa si kobiit aamji luulenik katiaget, Asi kobiit kogeerto kipkoratinik, Ak atiach che kigiguoten.

1 PETERO 2:24

inendet ne kiib tengekwogikyok eng’ bortanyi eng’ ketit barak, si kesopche eng’ imanda; achek che kiga kebekyi tengekwogik; kigisoobenok birutikyik.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 21:21

Ak kurgotik taman ak aeng’ ko ki sonoek taman ak aeng’ che kororon; age tugul eng’ kurgotik ko ki bo sonoiyat agenge: ak ki tahabu che tililen oretab nganaset, ko u glasit ne sengelel.

NG'ANG'UTYET 21:24

Ak kobendoti bororiosiek eng’ lapkeiyennyi: ak koibu laitorinikab ng’ony torornatenywa konyo orit.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 22:14

Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.

NG'ANG'UTYET 22:19

ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.