NG'ANG'UTYET 22:15 - BUKUIT NE TILIL

¹⁵ Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.

Bukuit Ne Tilil

¹⁵ Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

BUKUIT NE TILIIL Sireet ne Dutero Kanon

¹⁵ Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

NG'ANG'UTYET 22:15 ပူးပေါင်းရင်းမြစ်များ

1 LAITORINIK 22:8

Ak kilenji laitoriatab Israel Jeosapat, Ta komi chito agenge ne kimuchi keteepse eng’ Jehovah, Mikaia weritab Imla: ago aweche inendet; amu mamaoteni tuguk che miachen agobo ane, kobate yaitiet. Ak kile Jeosapat, Amat komwa laitoriat ko u no.

KALEWANAIK 12:22

Wechei Jehovah kutit ne mwaei lembech: Ago baibai inendet eng’ che boisie iman.

KALEWANAIK 7:27

Gonnyi ko oret ne wendi oldab che kigobek, Ne chorjingei gorikab meet.

ISAIAH 47:12

Tonon anyun nguno itinye ng’orsosiek, koboto chang’indab orgoinatosieguk, che kiibirtochige koboch ko i ming’in; ngo tos imuchi inyorune kelunet, ngo tos imuchi iterterisie.

ISAIAH 47:9

ago chein tuguchuto aeng’ betunak, begu lagok, ak kobiit mosoknatet: bwanjinin ko nyiitotin, agot ngo chang’ orgoinatosieguk, ak ko ng’isiat ng’orsosieguk.

ISAIAH 57:3

Ago origu okwek werikab chepsogeiyot, iyotetab chito ne yaei ibetab ge ak chepkugoniot.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 7:6

Amogochi sesenik kit ne itabanat, anan owirji torok sonoek che tinyei kamanutiet ne o, si matiech eng’ kelyekwak, ak koweeigei kogererak.

MATAYO 8:12

ago kitoorjin werik che bo bounatet mesundeito ne bo sang’: ole mi rirek ak nyeetab kelek.

JOHANA 8:46

Ng’o eng’ okwek ne igikyina kole atinye tengek? Ngot amwae imanit, ko amu nee anyun si moyana?

POISYONIGAP CHE KIYOKTOI 8:11

Ak kiepchin it inendet, amu kicham kogochin kokwong’io eng’ betusiek che chang’ eng’ ng’orsosiekyik.

NG'ATUTIK 23:18

Ameibu melektab chepkugoniot, anan che kiale seset kobwa gotab Jehovah Kamuktaindeng’ung’ eng’ kaarorunet age tugul: amu wechei Jehovah Kamuktaindeng’ung’ choto tuwai.

PILIPIK 3:2

Oribege sesenik, oribege yaikab yaitio, oribege ichek che tilegei:

KOLOSAIK 3:6

nyonjin nereknatetab Jehovah werikab ngelelnatet amu tuguchoto;

1 TIMOTEO 1:10

agobo che soksei, ak murenik che ibegei ak murenik, ak che chorei bik, ak kiplembechonik, ak che iyostos lembech, ak ngo mi kit age tugul ne ketei konetisiet ne bo imanit;

NG'ANG'UTYET 18:23

ama kokweng’sei lapkeiyetab tait eng’ inye kogeny agoi; ama kegasei kutitab sandet ak mureret eng’ inye kogeny agoi: amu ki bik che eechen che bo ng’ony chemung’arainiguk; amu kigiberber bororiosiek tugul eng’ banisieng’ung’.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.