NG'ANG'UTYET 22:1 - BUKUIT NE TILIL

¹ Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

Bukuit Ne Tilil

¹ Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

BUKUIT NE TILIIL Sireet ne Dutero Kanon

¹ Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:1 ပူးပေါင်းရင်းမြစ်များ

TIENWOGIKAL 46:4

Mi ainet, ne iboiboi kererusiekyik nganasetab Kamuktaindet, Ole tilil ole mi gorikab Inendet ne Toror Mising’.

ISAIAH 41:18

Ayate ainosiek eng’ komoswek che tororen ole churat, ak ayat kondametusiekab beek eng’ kwenutab atebwosiek: ayae ong’atet koek tamboiyot, ak emet ne yaamat kobiitune kong’ikab beek.

ISAIAH 48:18

Kita mie nda kigegas ng’atutikyuk! Kita igeitu kalyeng’ung’ ainet, ak koigei imandang’ung’ beekab nyanjet che mildogei:

ISAIAH 66:12

Amu mwaei Jehovah ko u ni kole, Ogeero, atesyini kalyet ko u ainet, ak atesyi torornatetab bororiosiek ko u kererut ne ing’irtogei, ak ochuchun; kiisyinok usia, ak ketinyok kigaigaak.

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

SEKARIA 14:8

Ak tun mong’une beek che soptos Jerusalem eng’ betunoto; bendi kebeberta age kotokyingei nyanjet ne mi kong’asis, kobendi kebeberta age kotokyingei nyanjet ne mi cherongo: bendi ko u noto eng’ kemei ak iwot.

JOHANA 13:32

ak tun itorori Jehovah inendet eng’ orinnyi; ak kotorori inendet eng’ sainato.

JOHANA 15:26

Ago ye kagoit Kagaigaindet, ne tun ayokwok kobunu Kwanda, Tamirmiriet ne bo imanit, ne bunu Kwanda, konyo kobaorianja:

JOHANA 4:14

ago age tugul ne eei beek che agochini ko ma koamei melel agoi; ago egu beek che agochini kondab beek eng’ inendet, che kutu agoi sobondab koigeny.

POISYONIGAP CHE KIYOKTOI 2:33

Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase.

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;

NG'ANG'UTYET 21:11

kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

NG'ANG'UTYET 21:9

Ak kinyo age eng’ malaikaisiechoto tisab che kitinyei tabok tisab, che ki nyiitotin korotwek tisabu che bo let; ak kong’alalwa, kole, Nyo yu, si aborun mureret, osotiotab Aruet.

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

NG'ANG'UTYET 22:6

Ak kilenja, Ng’alechu ko che kiyani ak ko bo iman: ak kiiyok Kiptaiyat, ne Jehovah ne bo tamirmirikab maotik, malaikaiyandennyi koborji otwogikyik tuguk che sib kobiitu matiny.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.

NG'ANG'UTYET 5:13

Ak kiagas kit age tugul ne kigiyai ne mi kipsengwet, ak ne mi ng’ony, ak ne mi kureretab ng’ony, ak eng’ nyanjet, ak tuguk tugul che mi orinywa, kolen, Ingobunji inendet ne tebe ng’echeretab laitornatet, ak Aruanato, kaberuret, ak teegisto, ak torornatet, ak bounatet, koigeny ak koigeny.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.