NG'ANG'UTYET 21:7 - BUKUIT NE TILIL

⁷ Inendet ne iterteri konamei tuguchu; ak aegu Jehovah nenyi, ak koek inendet werinnyu.

Bukuit Ne Tilil

⁷ Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

BUKUIT NE TILIIL Sireet ne Dutero Kanon

⁷ Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 21:7 ပူးပေါင်းရင်းမြစ်များ

TAUNET 17:8

Ak agonin emoni iwendote, inye koboto lagoguk che biitu let eng’ inye, agot emet komugul ne bo Kanan, kobunjok koigeny; ak aegu Kamuktaindenywa.

2 SAMUEL 7:14

Aegu kwandanyi, ak koek werinnyu: ngot koyai tengekto, atigone inendet kiroktab bik, ak atigone birutikab lagokab bik;

TIENWOGIKAL 89:26

Rirjina kolen, I baba inye, Kamuktaindennyu, ak ruandetab yetunennyu.

KALEWANAIK 3:35

Bunjin torornatet bik che ng’omen; Ago egu tewernatet etunatetab che berber.

ISAIAH 65:9

Ak amutu ne kigii eng’ Jakobo, ak amutu eng’ Juda nyabanindetab tulonokyuk, ak kobunji yoto chechuk che kigilewen, ak komenyei yoto otwogikyuk.

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

MATAYO 19:29

Ak age tugul ne kigobagakta gorik, anan ng’etab kametwagik, anan chepkametwagik, anan kwanda, anan kamet, anan lagok, anan mbarenik, agobo kainennyu, kotaachei konyil bogol, ak kobor eng’ sobondab koigeny.

MATAYO 25:21

Kilenji kiptaiyandennyi, Kiiyai ne mie, otwogindoni mie ak ne kiyani: koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MARIKO 10:17

Ak ye kiwendi eng’ oret, kolabatyi chito age inendet, ak kogutung’ji, ak koteebe kole, Konetindoni mie, ayai nee si anyor sobondo ne bo koigeny?

ROMANIK 8:14

Amu tugul che indochin Tamirmirietab Jehovah, ko werikab Jehovah choto.

ROMANIK 8:19

Amu igeni mising’ ak koganyei yaet komugul ng’ang’et ne bo werikab Jehovah.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

HEBRANIK 8:10

Amu ni kayomiset ne tun kiyomisyinige ak gotab Israel. Ye ibata betusiechoto, mwaei Kiptaiyat; Andoi ng’atutikyuk kabwatutikwak, Ak asirji kogeny mugulelwekwak: Ak aegu Jehovah eng’ ichek, Ak koek bikyuk:

1 PETERO 3:9

che mayaaktoi yaitio eng’ yaitio, anan ko ng’emetab kut eng’ ng’emetab kut; ago oegu che iberurisiei; amu kigiguurjok nito, si onam kaberuret.

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:17

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini che bo mana che ung’otin, ak agochi koita ne leel, ak kigisirji koyata kainet ne leel, ne maingen chi kobate inendet ne taachei.

NG'ANG'UTYET 2:25

Ago onam mising’ noto otinye kot aitu.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 21:3

Ak kiagas kutit ne o komong’une ng’echeretab laitornatet kole, Ogeero, mi emaitab Jehovah ak bik, ak kotebyei koboto ichek, ak koek ichek bikyik, ak kotebyei Jehovah inendet ak ichek, ak koek Jehovah nenywa:

1 SAMUEL 2:8

Ing’eeti kibananok komong’une temburiek, Kanabu eng’ kapng’atat che matinyei kiy, Si kogochi kotebi ak bounik, Ak kosich ng’echeretab torornatet: Amu bo Jehovah tolochikab ng’ony, Ak kiinde ng’onyut kotonone choto.