NG'ANG'UTYET 21:4 - BUKUIT NE TILIL

⁴ ak kous inendet beekab kong’ alak tugul eng’ konyekwak; ama komi meet kogeny; ama komi kateiyet kogeny, anan rirek, anan ng’wanindo; kogosiirto tuguk che bo tai.

Bukuit Ne Tilil

⁴ ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

BUKUIT NE TILIIL Sireet ne Dutero Kanon

⁴ ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

NG'ANG'UTYET 21:4 ပူးပေါင်းရင်းမြစ်များ

TIENWOGIKAL 144:4

Kergei chi ak kiy buch; U betusiekyik merumbet ne siirtoi.

ISAIAH 25:8

Kigolugui inendet meet koigeny; ak tun ibuchi Kiptaiyat Jehovah beekab kong’ eng’ togochik tugul; ak koisto tewernatetab bikyik eng’ ng’ony komugul: amu kagomwa Jehovah nito.

ISAIAH 30:19

Amu menyei bik Sion eng’ Jerusalem: ma irire kogeny; iborun iman mieindo ye kas rireguk; ye kas kowolun.

ISAIAH 35:10

ak koweek bikab Jehovah che kigitiach, ak kobwa Sion kotienonu; ak kotebe baragunywa boiboiyetab koigeny: nyoru kagasetab ge ak boiboiyet, ak komwei arogenet ak tigenoik.

ISAIAH 51:11

Ak koweegegei che bo Jehovah che kigitiach, ak kobwa Sion kotienonu; ak tebe metowekwak boiboiyetab koigeny: nyoru kagasetab ge ak boiboiyet, ak komwei arogenet ak tigenet.

ISAIAH 60:20

Ma kororoktoi asistang’ung’, ama komei araweng’ung’: amu egu Jehovah lapkeiyeng’ung’ ne bo koigeny, ak kogesgei betusiekab rireguk.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

JEREMIA 31:12

Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

JEREMIA 31:13

Kobaibait anyun bergeiyat eng’ ureriet, koboto murenik ak boisiek agichek: amu awale rirekwak koek boiboiyet, ak agaigai ichek, ak agochi koboiboitu kometo rirekwak.

HOSEA 13:14

Atiachi ichek komong’ eng’ kimnatet ne bo kererit; asoru ichek eng’ meet. Ee meet, mi ano korotweguk? Ee kererit, mi ano ng’emisieng’ung’? Ma awale kabwatutikyuk.

MATAYO 24:35

Siirtoi kipsengwet ak ng’ony, ago masiirtoi ng’alekyuk.

1 KORINTOEK 15:26

Bunyot ne bo let ne tun king’emei ko meet.

1 KORINTOEK 7:31

ak icheget che boisie ng’ony, koigei che maboisie mising’: amu siirtoi itondab ng’onyuni.

2 KORINTOEK 5:17

Noto anyun, ngo mi chi age tugul eng’ Kristo, ko kigeyai inendet koek chito ne leel: kagosiirto tuguk che bo keny; ogeero, kagoek che leelach.

2 KORINTOEK 6:17

Noto anyun omong’u eng’ kwenunywa, Ak otabange, mwaei Kiptaiyat, Amotwa kiy ne bo simdo; Si ataachak,

HEBRANIK 12:27

Ago ng’olyondonito, kamwa kole, Ta konyilei agenge, koboru istoetab tuguk che kimuchi kitumdum, ko u eng’ tuguk che kigeyai, si kobiit kong’et tuguchoto che magitumdumi.

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

1 JOHANA 2:17

Ak siirtoi ng’ony, koboto magennyi: ago inendet ne yaei magetab Jehovah kotebyei koigeny.

NG'ANG'UTYET 20:13

Ak kigon nyanjet che kigobek che kimi orinnyi; ak kigon meet ak oldab che kigobek, ichek che kigobek che kimi orinywa, ak kigiruokyi chi age tugul ko u boisionikyik.

NG'ANG'UTYET 20:14

Ak kigiwirji meet ak oldab che kigobek, araraitab mat. Nito ko meet ne bo aeng’, araraitab mat.

NG'ANG'UTYET 21:1

Ak kiageer kipsengwet ne leel ak ng’ony ne leel: amu kigosiirto kipsengwet ne bo tai ak ng’onyut ne bo tai; ama komi nyanjet kogeny.

NG'ANG'UTYET 22:3

Ama komi chubisiet kogeny: ak tun mi orinnyi ng’echeretab laitornatet ne bo Jehovah ak ne bo Aruet: ak yachin boisiet inendet otwogikyik;

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.