NG'ANG'UTYET 21:23 - BUKUIT NE TILIL

²³ Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

Bukuit Ne Tilil

²³ Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

BUKUIT NE TILIIL Sireet ne Dutero Kanon

²³ Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 21:23 ပူးပေါင်းရင်းမြစ်များ

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

ISAIAH 2:10

Chut ruandet, ak iung’ege temburiek, imwee kamuisetab Jehovah, ak eng’ torornatetab etunatennyi.

ISAIAH 2:19

Ak komwechi bik kebenonik che mi ruandosiek, ak keringonik che mi ng’ony, komwee kamuisetab Jehovah, ak eng’ torornatetab etunatennyi, ye kang’eet kotumdum ng’onyuni eng’ kimnatet.

ISAIAH 2:21

si komwechi kebenonik, ak ruandosiek che kibetogis, komwee kamuisetab Jehovah, ak eng’ torornatetab etunatennyi, ye kang’eet kotumdum ng’onyuni eng’ kimnatet.

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 30:26

Kogeny, kogergeitu lapkeiyetab arawet ak ne bo asista, ak kotesak lapkeiyetab asista konyil tisab, koigei lapkeiyetab betusiek tisab, eng’ betut ne inyai Jehovah mookab bikyik, ak kosoob birutikab kaguotenenywa.

HABAKUK 3:3

Kinyo Kamuktaindet eng’ Teman, Kinyo Inendet ne Tilil eng’ tulwetab Paran. Kituch torornatennyi kipsengwetisiek, Ak kinyi ng’ony kalosunennyi.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MARIKO 8:38

Amu age tugul ne ililani agobo ane koboto ng’alekyuk eng’ ibinita bo sokset ak tengek, ko tun ililanjin agine Weritab chi inendet, ye tun nyonei eng’ lilindab Kwandanyi koboto malaikaisiek che tililen.

LUKA 2:32

Lapkeiyet ne bo ng’ang’utiet ne king’ang’jin Bororiosiek, Ak torornatetab biguk Israel.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 1:18

Mami chi ne kigeer Jehovah ole kigoi; kigong’ang’wech inendet Werit ne kigii inegei, ne mi tegetab Kwanda.

JOHANA 1:4

Kimi sobondo eng’ inendet; ak ki lapkeiyetab bik sobonato.

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

JOHANA 17:24

Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony.

JOHANA 5:23

si kobiit koteech tugul Werit, ko u ye teechei Kwanda. Inendet ne mateechei Werit ko mateechei Kwanda ne kiiyok inendet.

POISYONIGAP CHE KIYOKTOI 22:11

Ak ye kima kota amuchi ageer kiy amu liletab lapkeiyonoto, ait Damasko, konamota eut ichek che kimi kobota.

NG'ANG'UTYET 14:4

Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.

NG'ANG'UTYET 18:1

Kingobata tuguchu, ageer malaikaiyat age kochorugei eng’ kipsengwet, ne tinyei kimnatet ne o; ak koluu ng’ony eng’ lilindanyi.

NG'ANG'UTYET 21:11

kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

NG'ANG'UTYET 21:25

Amagoi kiger kurgotikyik bet (amu mami kemout oloto):

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.