NG'ANG'UTYET 21:2 - BUKUIT NE TILIL

² Ak kiageer nganaset ne tilil, Jerusalem ne leel, kochorugei eng’ kipsengwet kobunu Jehovah, ko kagechob ko u mureret ne kagelelesonjinechi manong’otiondennyi.

Bukuit Ne Tilil

² Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

BUKUIT NE TILIIL Sireet ne Dutero Kanon

² Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

NG'ANG'UTYET 21:2 ပူးပေါင်းရင်းမြစ်များ

TIENWOGIKAL 87:3

Kimwaitaenen tugukab teegisto, Ee inye nganasetab Kamuktaindet.

ISAIAH 1:21

Kaegundo ano chepkugoniot nganaset ne ko bo iman, ne kotinyei kiruoget ne bo iman! Komenyei imanda nganasanato, ago nguno komi rumik.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 54:5

Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

ISAIAH 61:10

Abaibaitu mising’ eng’ Jehovah, boiboitu sobondanyu mising’ eng’ Kamuktaindennyu; amu kagolaakwa ngoroikab yetunet, kagotugena ngoriet ne bo imanda, ko u ye lelesane sandet kit ne indoi metit, ak ko u ye lelesane mureret sonoekyik.

ISAIAH 62:4

Ma keguurenen kogeny Ne Kigimeto; ama keguure emeng’ung’ kogeny Karaita: ago kiguurenen Hepsi-ba, ak keguure emeng’ung’ Beula: amu baibaitunenen Jehovah, ak kitun emeng’ung’.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JOHANA 3:29

Sandet inendet ne tinyei mureret: ago baibai mising’ choruetab sandet, ne tononi koepchin it inendet, amu kutitab sandet: isuldaat anyun boiboiyoninyu.

2 KORINTOEK 11:2

Amu ama ng’etkong’ agobo okwek, eng’ ng’etkonda ne bo Jehovah: amu kiachamwok obunji manong’otiot agenge, si kobiit amutyok Kristo ko u bergeiyat ne tilil.

HEBRANIK 11:10

amu kiigeni nganaset ne tinyei lumeiywek, ne Jehovah teegindet ak ko yaindet.

HEBRANIK 11:16

Ago machei kot nguno emet ne kararan kosiir noto, noto ko, ne bo kipsengwet: noto anyun mageerei Jehovah kalilanet agobo ichek keguure Jehovah nenywa: amu kigochopchi ichek nganaset.

HEBRANIK 12:22

ago kaoit okwek tulwetab Sion, ak nganaset ne bo Jehovah ne sobei, Jerusalem ne bo kipsengwet, ak tuiyosiek che bo malaikaisiek che ma iitoksei,

HEBRANIK 13:14

Amu magitinye eng’ yu nganaset ne tebyei koigeny, ago kicheng’e nin nyonei.

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 11:2

Ago bagakte, amat ikwa seremut ne mitei hekalut sang’; amu kigigochi Bororiosiek: ak kotiechei eng’ kelyekwak nganaset ne tilil eng’ arawek artam ak aeng’.

NG'ANG'UTYET 21:10

Ak kiimuta eng’ Tamirmiriet agoi tulwet ne o ak ko koi, ak kiiborua nganaset ne tilil Jerusalem, kochorugei eng’ kipsengwet kobunu Jehovah,

NG'ANG'UTYET 21:9

Ak kinyo age eng’ malaikaisiechoto tisab che kitinyei tabok tisab, che ki nyiitotin korotwek tisabu che bo let; ak kong’alalwa, kole, Nyo yu, si aborun mureret, osotiotab Aruet.

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

NG'ANG'UTYET 22:19

ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.