NG'ANG'UTYET 21:11 - BUKUIT NE TILIL

¹¹ kotinyei lilindab Jehovah: ne kergei lapkeiyennyi ak koita ne bo kamanutiet ne o, ko u koita ne bo jasipi, ne tilil ko u krustalo:

Bukuit Ne Tilil

¹¹ kotinyei liilindap Kamuktaindet: ne kergei lapkeiyennyi ak koita ne po kamanuutyet ne oo, ko uu koita ne po jasipi, ne tiliil ko uu krustalo.

BUKUIT NE TILIIL Sireet ne Dutero Kanon

¹¹ kotinyei liilindap Kamuktaindet: ne kergei lapkeiyennyi ak koita ne po kamanuutyet ne oo, ko uu koita ne po jasipi, ne tiliil ko uu krustalo.

NG'ANG'UTYET 21:11 ပူးပေါင်းရင်းမြစ်များ

Kitabuutap JOB 28:17

Magimuchi kiaechine ng’omnatet tahabu ak glasit: Ama kiwale tuguk che bo tahabu che kororon.

ISAIAH 4:5

Ak koyai Jehovah boldet ak iyeto eng’ bet kouur meng’otet tugul ne bo tulwetab Sion, ak mat ne liblibeni, ak ne iluu kemoi: amu tuchei torornatet komugul kit ne kiuure.

EZEKIEL 1:22

Ak kimi baragutab metitab kioto sobei kergeindab sengwetiet, ne u beek che kagau che imuisei, ne kigiitoe baragutab metowekwak.

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

EZEKIEL 28:16

Kiinyiitin ichek koromnatet eng’ chang’indab mung’areng’ung’, ak kiiyai tengekto: kiatimden anyun ko u ne muruon, ichoruge eng’ tulwetab Kamuktaindet; ak kaang’emin, ee kerubindet ne iuurisiei, imong’une koik che bo mat.

EZEKIEL 43:2

ogeero, kimong’une oretab kong’asis lilindab Kamuktaindetab Israel: ak ki u twegunennyi cheetab beek che chang’: ak kiiluu ng’ony eng’ lilindanyi.

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

NG'ANG'UTYET 15:8

Ak kinyi hekalut iyeto ne kibunu torornatetab Jehovah, ak kamuktaennyi; ak kima imuch chi kwo hekalut orit, agoi kogesgei korotwek tisabu che bo malaikaisiek tisab.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

NG'ANG'UTYET 4:3

ak inendet ne kitebyei ko kingegeerei, ko u koitab jasipi ak sardio: ak kimi chemng’isiriet ne kiyiem ng’echeretab laitornatet, ne kingegeerei, ko u sumaragdo.

NG'ANG'UTYET 4:6

ak ki u taitab ng’echeranato bo laitornatet, nyanjet ne bo glasit, ne u krustalo; ak kimi kwenutab ng’echeranato bo laitornatet, ak kiyiem komoswek tugul che bo ng’echeranato komuut, tuguk ang’wanu che soptos che nyiitotin konyek tai ak let.