NG'ANG'UTYET 20:9 - BUKUIT NE TILIL

⁹ Ak kotogosta koyom ng’ony ak koyiem oldab che tililen, ak nganaset ne chamat: ak kichorgei mat eng’ kipsengwet, ak kobeel ichek.

Bukuit Ne Tilil

⁹ Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.

BUKUIT NE TILIIL Sireet ne Dutero Kanon

⁹ Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.

NG'ANG'UTYET 20:9 ပူးပေါင်းရင်းမြစ်များ

TAUNET 19:24

Eng’ yoto anyun kotumji Jehovah Sodom ak Gomora koik che laldos ak mat che bunu Jehovah eng’ kipsengwet;

2 LAITORINIK 6:15

Ak kingong’eet otwogindetab chitab Kamuktaindet karon inne, komanda, ogeero, kimi luget ne boto mbartanyisiek ak karisiek ne kiga yiem nganaset. Ak kilenji otwogindennyi inendet, Bwa kiptaiyandennyu! Kiyae nee?

Kitabuutap JOB 38:18

Tos kiinai tebeesindab ng’ony? Mwau, ngot ingen tugul.

TIENWOGIKAL 106:18

Ak kilal mat eng’ kweanenywa; Ak kibeel mat bichoto yaachen.

TIENWOGIKAL 87:2

Chamei Jehovah kurgotikab Sion Kosiir meng’otosiek tugul che bo Jakobo.

TIENWOGIKAL 97:3

Indoi mat eng’ inendet, Ak beelei bunikyik eng’ komoswek tugul.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 37:36

Ak kimanda malaikaiyatab Jehovah, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

EZEKIEL 38:16

ak obwa obarge ak bikyuk Israel, ko u boldet ne tuchei emet; amutun eng’ betusiek che bo let obwa obarge ak emennyu, si kobiit konaa bororiosiek, ye tun aegu ne itabanat eng’ inye, ee Gog, eng’ tainywa.

EZEKIEL 38:22

Ak ager kong’ inendet eng’ koroito ak korotik; ak ayokyi inendet, koboto lugosiekyik, ak bikyik che chang’ che mi koboto inendet, ropta ne o, ak koik che eechen che bo ropta, ak mat, ak tuguk che laldos.

EZEKIEL 38:9

Ak itogosu, inye ko u usonet, iige boldet ne tuchei emet, inye koboto lugosieguk tugul, komi bororiosiek che chang’ koboten.

EZEKIEL 39:6

Ak ayokyi mat Magog, koboto icheget che meng’isiei eng’ chametab ge eng’ ngegusiek: si konai ichek kole a Jehovah.

MIKAH 2:13

Kagondoe butindet ichek: kagobutis ak koba agoi ormarichet, ak komandae yoto: kagondoe ichek laitoriandenywa, ak komi tainywa Jehovah.

HABAKUK 1:6

Amu, keero, ang’eeti Kaldeik, bororiet ne korom ne choktoi; che bunei kwenutab emet, si konam meng’otosiek che ma chechuak kobunji.

KAITOSYEK 11:1

Ak ki u ichek bik che ing’unyng’ung’dos, komwaei che yaach eng’ itikab Jehovah; ak kingogas Jehovah, kolalyo neregekyik; ak kilal matab Jehovah eng’ kwenunywa, ak kibeel ole bo tabanwekab nganaset.

KAITOSYEK 16:35

Ak kimong’une mat Jehovah, ak kibeel bichoto bogol aeng’ ak konom che kiigoitoi nyamdutik che kibeelei.

LUKA 17:29

ago eng’ betut ne kimanda Lot eng’ Sodom korobon mat ak koik che laldos che kibunu kipsengwet, ak kobar tugul:

LUKA 19:43

Amu tun bwanjinin betusiek che teechei buniguk irimet koyiemin komoswek tugul, ak kogerjin go eng’ komosta age tugul,

LUKA 21:20

Ak ye tun ogeer lugosiek koyiem Jerusalem, onai anyun ole, kagorik ng’emisiennyi.

LUKA 9:54

Ak ye kingogeer noto alamalyennyi Jakobo ak Johana, kolenji, Kiptaiyandani, tos imache keng’at mat kochorgei eng’ kipsengwet, si kowong’ icheget [ko u ye kiyai Elija]?

NG'ATUTIK 23:14

amu wendote Jehovah Kamuktaindeng’ung’ kwenutab nganaseng’ung’, kosorun, ak koon buniguk eng’ taing’ung’; ingotililit anyun nganaseng’ung’ amu noto: si mageerjin kiy ne ma tilil, eng’ inye, ak koweek kometen.

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

HEBRANIK 13:13

Ongebe anyun ole mi inendet eng’ sang’utab ormarich, keibe tewernatet ne kiteweri inendet.

NG'ANG'UTYET 11:5

Ak ngot komachei chi konyalil ichek, komong’une mat kutuswekwak, ak kobar bunikwak: ak ngot komachei chi konyalil ichek, kebarei ko u nito matiny.

NG'ANG'UTYET 13:13

Ak koyaei inendet kaborunoik che eechen, kot koyaei mat kochorgei eng’ kipsengwet kobutyi ng’ony eng’ taitab bik.