NG'ANG'UTYET 20:8 - BUKUIT NE TILIL

⁸ ak komong’ koberber bororiosiek che mitei luukwek ang’wan che bo ng’ony, Gog ak Magog, koyumji ichek luget: che te koitenywa ng’aniekab nyanjet.

Bukuit Ne Tilil

⁸ ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.

BUKUIT NE TILIIL Sireet ne Dutero Kanon

⁸ ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.

NG'ANG'UTYET 20:8 ပူးပေါင်းရင်းမြစ်များ

1 LAITORINIK 4:20

Ki chang’ Juda ak Israel, ko u ng’aniek che mi nyanjet eng’ chang’indo, koamisiei ak koeeisei ak koboiboegei.

2 ATEPTAP PEETUUSYEK 18:21

Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

ISAIAH 10:22

Agot nganda u biguk che bo Israel ng’aniek che bo nyanjet, koweeksei bik che ng’etu kityo eng’ ichek: kigeng’at kagesunet eng’ ichek, ne ng’elyektoi eng’ imanda.

JEREMIA 33:22

Ko u ye magimuchi kiit tuguk che bo kipsengwet, ama kimuchi keger ng’aniekab nyanjet; atese anyun iyotetab Daudi otwogindennyu, ak Lawik, che boisiewa.

EZEKIEL 38:1

Ak kinyonja ng’olyotab Jehovah, kolenja,

EZEKIEL 38:2

Ee, weritab chi, tokyi togeng’ung’ Gog, ne bo emetab Magog, bounindetab Ros, Mesek, ak Tubal, ak imaoten agobo inendet,

EZEKIEL 39:1

Ee, inye weritab chi, maoten agobo Gog, ak ilenji, Mwaei Kiptaiyat Jehovah ko u ni kole: Keero, aborienen inye, ee Gog, bounindetab Ros, Mesek, ak Tubal:

EZEKIEL 39:6

Ak ayokyi mat Magog, koboto icheget che meng’isiei eng’ chametab ge eng’ ngegusiek: si konai ichek kole a Jehovah.

EZEKIEL 7:2

Ee inye, weritab chi, mwaei Kiptaiyat Jehovah komwachin emetab Israel, kolenjin, Kagesunet: kagonyonji kagesunet luukwek ang’wan che bo emet.

HEBRANIK 11:12

noto anyun kigisich eng’ agenge, ne kiga koigei ne kigome, bik che chang’, ko u kecheikab kipsengwet ak ng’aniek che mi ngegutab nyanjet, che ma iitoksei.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 16:14

amu choto ko tamirmirikab oik, che yaei kaborunoik; che bendi oldab laitorinikab ng’ony komugul, si koyum ichek koba lugetab betut ne o ne bo Jehovah, Kamuktaindet.

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 20:3

ak kowirji inendet keringet ne maigoksei, ak koger, ak kong’och baragunnyi, si mata koberber bororiosiek kogeny, agoi kogesgei kenyisiek elfut agenge: ye ibata noto kitiach ne matia.

NG'ANG'UTYET 7:1

Kingobata nito ageer malaikaisiek ang’wan kotonondos eng’ luukwek ang’wan che bo ng’ony, konamei usonaik ang’wan che bo ng’ony, si mata kousyi usonet ng’ony, anan nyanjet, anan ketit age tugul.

KIRUOGIK 7:12

Ak kiga ruiyo Midianik ak Amalegik ak bikab kong’asis tugul eng’ atebwet koigei chereng’enyinik eng’ chang’indo; ak kima ko iitoksei, ki te tambesikwak ng’aniekab ngegutab nyanjet eng’ chang’indo.

1 SAMUEL 13:5

Ak kiiyumgei Pilistik kobargei ak Israel, karisiek elfusiek sosom, ak bik elfusiek lo che lanyei mbartanyisiek, koboto bik che te ng’aniekab ngegutab nyanjet eng’ chang’indo: ak kitogos ak koteech Mikmas, ne tokyingei kong’asis eng’ Bet-aben.