NG'ANG'UTYET 20:4 - BUKUIT NE TILIL

⁴ Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.

Bukuit Ne Tilil

⁴ Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

BUKUIT NE TILIIL Sireet ne Dutero Kanon

⁴ Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 20:4 ပူးပေါင်းရင်းမြစ်များ

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

DANIEL 7:9

Kiageer kot kinde ng’echerokab laitornatet, ak kitebe ng’echeranato inendet ne bo keny: ak ki leelach ngoroikyik ko u teluchi, ak ki u sumeekyik kororik che tililen che bo kechirek; ko bo ng’echerennyi ne bo laitornatet liblibenosiekab mat, ak ki mat ne lalei cheptirokyik.

MALAKI 4:5

Ogeero, ayokwok maotiot Elija kotom konyo betut ne o ne imuisei ne bo Jehovah.

MATAYO 19:28

Ak kilenji Jesu ichek, Amwawok, iman, ale, Okwek che koosubwa, eng’ yaet ne leel ye tun tebe Weritab chi ng’echeretab torornatennyi, otebe ak okwek ng’echerok taman ak aeng’ che bo laitornatet, oruokyini ortinwek taman ak aeng’ che bo Israel.

MATAYO 24:10

Ak kinach che chang’ anyun, ak kong’wektagei, ak kosurio ichegei eng’ ichegei.

MARIKO 6:16

Ago ye kingogas Herod, kole, Johana nito, ne kiatile metit; kagong’eet.

MARIKO 6:27

Ak ngunoto koyokto laitoriat askarindet age eng’ che kiripsei, ak kong’at keib konyo metitab Johana: kiwa anyun kotil metit eng’ korgoret,

MARIKO 9:11

Ak kiteebe inendet kole, Mwaei sirik kole, kanyol konyo Elija korok.

LUKA 1:17

Ak kowendot eng’ taitab togennyi eng’ tamirmiriet ak kimnatetab Elija, si koweech mugulelwek che bo kwanisiek kotokyigei lagok, ak kowelel ngelelik si kobendat eng’ ng’omnatetab che bo iman; si kochopchi Kiptaiyat bik che chobotin.

LUKA 14:14

si kiberurin; amu matinyei icheget che weegun: amu tun kiweegun eng’ ng’eetyetab che bo iman.

LUKA 22:30

si kobiit oamisie ak koeeise mesennyu eng’ bounatennyu, ak tun otebe ng’echerok che bo laitornatet, oruokyini ortinwek taman ak aeng’ che bo Israel.

JOHANA 14:19

Ta ko mi kitigin, si ma kogeera ng’ony; ago ogeera: amu asobe, osoptosi ak okwek.

ROMANIK 11:15

Amu ngo toortaenywa ko katuiyetab ng’ony, ko tos nee anyun taagetab ichek, kobate sobondo ne mong’une che kibek?

ROMANIK 8:17

ak ngo ki lagok, ko ki che bunjinech tuguk; che bunjinech tugukab Jehovah, ak che bunjinech tuguk koboto Kristo; ngot kenyalildosi koboto inendet, si kitororech koboto inendet.

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

NG'ANG'UTYET 1:2

ne kibaorian agobo ng’olyotab Jehovah, ak baornatetab Jesu Kristo, ak tuguk tugul che kigeer.

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 11:11

Ak ye kingobata betusiechoto somogu ak kebeberta kochut ichek kabusetab sobondo ne bunu Jehovah, ak kotononio eng’ kelyekwak; ak konam kaiyweisiet ne o ichek che kigeer.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 11:3

Ak agochini baorinikyuk aeng’ komaoten betusiek elfut agenge bogol aeng’ ak tamanwogik lo, kolaachi kuniok.

NG'ANG'UTYET 11:7

Ak ye tun kagoges baornatenywa, koyai luget tiondo ne mong’une keringet ne maigoksei, ak koterter ichek, ak kobar ichek.

NG'ANG'UTYET 12:11

Ak kiiterter inendet amu korotikab Aruet, ak amu ng’olyotab baornatenywa; ama cham sobonwekwak agoi meet.

NG'ANG'UTYET 14:11

ak kotogostoi iyetab ng’wanindanywa koigeny ak koigeny; ama tinyei kamuung’et bet ak kemoi, ichek che ilosu tiondo ak kanamwennyi, ak age tugul ne nyoru berutietab kainennyi.

NG'ANG'UTYET 15:2

Ak kiageer kit ne u nyanjetab glasit ne burugot ak mat; ak icheget che kigoterter tionyoto ak kanamwennyi, ak koitetab kainennyi, kotonondos eng’ ye negite nyanjetab glasit, che tinyei ketubosiekab Jehovah.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 2:26

Ak inendet ne iterteri, ak koribei boisionikyuk agoi kagesunet, kotun agochini kimnatet koboi bororiosiek:

NG'ANG'UTYET 20:6

Baibai ak ko tilil ne tinyei yamdaet eng’ ng’eetyet ne bo tai: mabou ichek meet ne bo aeng’; ago egu ichek tisiikab Jehovah ak ko bo Kristo, ak kolaitoran ak inendet kenyisiek elfut agenge.

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 6:9

Ak kingoyat ng’okset ne bo mut, ageer eng’ kureretab kaptisisio sobonwekab ichek che kigibar amu ng’olyotab Jehovah, ak baornatet ne kitinyei:

NG'ANG'UTYET 7:3

kolenji, Among’em ng’ony, anan nyanjet, anan ketik, kot kinde ng’okset togochikab otwogikab Jehovah nenyo.