NG'ANG'UTYET 20:2 - BUKUIT NE TILIL

² Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,

Bukuit Ne Tilil

² Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

BUKUIT NE TILIIL Sireet ne Dutero Kanon

² Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

NG'ANG'UTYET 20:2 ပူးပေါင်းရင်းမြစ်များ

TAUNET 3:1

Ki ng’alindet ndaret kosiir tiony age tugul ne bo ng’ony ne kiga koyai Jehovah Kamuktaindet. Kilenji anyun kwondo, Tos, iman kimwa Kamuktaindet kole, Amat oam logoek che bo ketit age tugul ne bo mbaret?

TAUNET 3:15

ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

Kitabuutap JOB 1:7

Ak kilenji Jehovah Setani, Ibunu ano? Kowolji anyun Setani Jehovah, kolenji, Abunu ole awendote eng’ ng’ony, ak ole abunoti eng’ ng’ony.

ISAIAH 24:22

Ak kiyum ichek tugul, ko u ye kiyumi kimonjororinik eng’ keringet, ak kegerji korgoret, ak ye kagobata betusiek che chang’, kebir.

ISAIAH 27:1

Tun birei Jehovah eng’ betunoto eng’ rotwennyi ne bo chok ne korom ak ko o ak ko kim, tiondo ne bo beek ne u ting’ong’et, ne erenet ne chepcheb, ak tionyoto ne erenet ne taategei; ak kobar maswetit ne mi nyanjet.

EZEKIEL 47:5

Ye ibata, kokwa elfut agenge; kiek ainet ne ma amuch alandae: amu kitesak beek mising’, beek che yamei kebir, ainet ne magimuchi kelandae.

MATAYO 19:29

Ak age tugul ne kigobagakta gorik, anan ng’etab kametwagik, anan chepkametwagik, anan kwanda, anan kamet, anan lagok, anan mbarenik, agobo kainennyu, kotaachei konyil bogol, ak kobor eng’ sobondab koigeny.

MATAYO 8:29

Ak ogeero, kiwaach, kole, Kiting’ege nee ak inye, Weritab Jehovah? Kenyo yu inyalilech kotom koit betut?

MARIKO 4:15

Ak chuto che mitei tabandab oret, ole kiletae ng’olyot; ak ye kagogas, konyo ngunoto Setani, ak konem ng’olyot ne kagogolji icheget.

MARIKO 5:7

ak kowaach eng’ kutit ne o, kole, Ating’enen nee inye, Jesu, Weritab Jehovah ne Toror Mising’? Ayosieun eng’ Jehovah, ale, amenyalila.

JOHANA 12:31

Kabiit nguno kiruogetab ng’onyuni: ak kagitoorta anyun nguno ne o ne bo ng’ony komanda.

JOHANA 16:11

agobo kiruoget, amu kigiruokyi ne o ne bo ng’onyuni.

ROMANIK 16:20

Ak tun tuei Jehovah ne bo kalyet Setani eng’ kelyekwok ko negit. Ingoteb kobotok mieindab Kiptaiyandennyo Jesu Kristo.

HEBRANIK 2:14

Amu yamdoi anyun lagok korotik ak borto, kinam choto inendet agine ko u noto; si kobiit kong’em eng’ oretab meet inendet ne tinyei kimnatetab meet, noto ko oindet;

1 PETERO 5:8

Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

2 PETERO 2:4

Amu ngot ko kima rire Jehovah malaikaisiek ye kingoyai tengekto, ago kitoorji oldab kiruoget, ak konde keringonik che bo mesundeito, kerib kot koit kiruoget;

JUDA 1:6

Ak kiinde malaikaisiek che kima rib bounatenywa, ago kibagakta meng’otet ne ki nenywa, kiinde kotebe ratisiosiek che bo koigeny eng’ mesundeito kot koit kiruogetab betut ne o.

NG'ANG'UTYET 12:13

Ak ye kingogeer maswetit kole kageturur konyo ng’ony, kous kwonyi kasichei werit.

NG'ANG'UTYET 12:15

Ak king’ut erenet beek eng’ kutinnyi che te ainet, kosube kwonyoto, kole si kobiit koib inendet ainonoto.

NG'ANG'UTYET 12:17

Ak kinerekyi maswetit kwonyoto, ak kwo kobargei ak keswekyik che king’et, che ribei ng’atutikab Jehovah, ak kotinyei baornatetab Jesu: ak kitonone ng’aniekab nyanjet.

NG'ANG'UTYET 12:3

Ak kitook kaborunet age eng’ kipsengwet; ak ogeero, maswetit ne o ne birir, ne tinyei metowek tisab ak kuinoik taman, ak kimitei metowekyik nariosiek tisabu.

NG'ANG'UTYET 12:4

Ak ichuuti katutiennyi kebeberta agenge eng’ somok ne bo kecheikab kipsengwet, ak kowirji ng’ony: ak kitonon maswetit eng’ taitab kwonyoto ne kimachei kosigis, kole si ye sigis, koam lakwet.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:2

Ak ki u tiondo ne kiageer cheblanget, ak ki u kelyekyik kelyekab tiondo ne u keerit, ak ki u kutinnyi kutitab ng’etundo: ak kiigochi maswetit inendet kamugennyi, ak ng’echerennyi ne bo laitornatet, ak kimnatet ne o.

NG'ANG'UTYET 13:4

ak kiilos ichek maswetit, amu kiigochi kimnatennyi tiondo, ak kiilos ichek tiondo, komwa kole, Ng’o ne kergei ak tionyito; ak ng’o ne imuchi kobargei ak inendet?

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 20:7

Ak ye igesgei kenyisiek elfut agenge, kitiach Setani komong’ eng’ korgorennyi,

NG'ANG'UTYET 9:11

Ak kitinyei ichek laitoriat ne bou, noto ko malaikaiyatab keringet ne maigoksei: ne kainennyi eng’ kutitab Hebranik ko Abaddon, ak eng’ Yunanik ko Apollyon.