NG'ANG'UTYET 2:7 - BUKUIT NE TILIL

⁷ Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

Bukuit Ne Tilil

⁷ “Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

BUKUIT NE TILIIL Sireet ne Dutero Kanon

⁷ “Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 2:7 ပူးပေါင်းရင်းမြစ်များ

TAUNET 2:9

Ak kiigochi Jehovah Kamuktaindet kobit ket age tugul eng’ ng’ony ne kararan eng’ keeret, ak ne mie eng’ amet; ak ketit ne bo sobondo eng’ kwenutab mbaret, ak ketit ne bo naet ne kinae ne mie ak ne ya.

KALEWANAIK 11:30

Logoekab ne bo iman ketitab sobondo; Ng’om inendet ne soru sobonwekab bik.

KALEWANAIK 13:12

Miani muguleldo eng’ kamang’unet ne igaegei: Ago ye isulda magonato, koek anyun ketitab sobondo.

KALEWANAIK 15:4

Ketitab sobondo ng’elyepta ne isoobisiei: Ago ng’emei ngelelnatet tamirmiriet.

KALEWANAIK 3:18

Ketitab sobondo inendet eng’ ichek che namei: Ak baibai age tugul ne namegei ak inendet.

EZEKIEL 28:13

Kiimi Eden mbaretab Kamuktaindet; kiitugege koita age tugul ne bo kamanutiet, sardio, topasio, ak yaholom, berulo, soari, jasipi, sapire, sumaragdo, ak bareqet, ak tahabu: kimitei oring’ung’ boisietab sugutisieguk che mengenchen ak ndurerusieguk; kigichob choto eng’ betut ne kigitau keyain.

EZEKIEL 31:8

Ma imuch taragonik che kimi mbaretab Kamuktaindet kouny inendet: kima ko kergei biribirinik ak temenikyik; ak kima ko kergei ketik che u kurinik ak temenikyik; ak kima komi ketit age tugul eng’ mbaretab Kamuktaindet ne kergei ak inendet eng’ kororonindanyi.

MATAYO 11:15

Inendet ne tinyei itik che kastoe, kogas.

MATAYO 13:43

Iluu anyun che bo imanda ko u asista eng’ bounatetab Kwandanywa. Inendet ne tinyei itik, kogas.

MATAYO 13:9

Inendet ne tinyei itik che kastoi, kogas.

MARIKO 4:9

Ak kimwa kole, Ne tinyei itik che kastoe, kogas.

MARIKO 7:15

Mami kiy ne mi chi sang’, ne ngwo orinnyi komuchi kong’wanit inendet: ago tuguk che mong’une chi ko choto che ing’waniti chi.

MARIKO 7:16

Ngo tinyei chi itik che kastoe, kogas.

LUKA 23:43

Ak kilenji Jesu inendet, Amwaun iman, ale, Kitebye tuwai rani eng’ Paradis.

LUKA 8:8

Ak kiibutyi alak ng’ung’unyek che miach, ak kobityo, ak koi age tugul bogol. Ak ye kita komwaei tuguchu, komwa eng’ kutit ne o, kole, Inendet ne tinyei itik che kastoe, kogas.

JOHANA 16:33

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

1 KORINTOEK 2:10

Ago king’ang’wech Jehovah eng’ Tamirmiriet: amu isiachi Tamirmiriet tuguk tugul, agot tuguk che bo orit che bo Jehovah.

2 KORINTOEK 12:4

ale kigimut kotogosta agoi Paradis, ak kigas ng’alek che ma mwaoksei, che ma chamdaat komwa chi.

1 JOHANA 2:13

Asirwok kwanisiechu, ama kionai inendet ne kimi koboch taunet. Asirwok murenju, amu kioterter inendet ne ya. Kaasirwak lagochu mengech, amu ongen Kwanda.

NG'ANG'UTYET 13:9

Ngo tinyei chi itit, kogas.

NG'ANG'UTYET 14:13

Ak kiagas kutit kobunu kipsengwet kole, Sir ile, Boiboen ichek che begu eng’ Kiptaiyat koboch nguno: ee, mwaei Tamirmiriet, kole si kobiit komuuny eng’ boisionikwak, amu isubi ichek boisionikwak.

NG'ANG'UTYET 15:2

Ak kiageer kit ne u nyanjetab glasit ne burugot ak mat; ak icheget che kigoterter tionyoto ak kanamwennyi, ak koitetab kainennyi, kotonondos eng’ ye negite nyanjetab glasit, che tinyei ketubosiekab Jehovah.

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:17

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini che bo mana che ung’otin, ak agochi koita ne leel, ak kigisirji koyata kainet ne leel, ne maingen chi kobate inendet ne taachei.

NG'ANG'UTYET 21:7

Inendet ne iterteri konamei tuguchu; ak aegu Jehovah nenyi, ak koek inendet werinnyu.

NG'ANG'UTYET 22:14

Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

NG'ANG'UTYET 22:2

eng’ kwenutab orinnyi. Ak kimi ketitab sobon ainonoto, komosi ak komosi, ne yiei logoek taman ak aeng’ che terjin, ak koyiei logoekyik eng’ arawet age tugul: ak kisoobi bororiosiek eng’ sogekab ketoto.