NG'ANG'UTYET 2:23 - BUKUIT NE TILIL

²³ Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

Bukuit Ne Tilil

²³ Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

BUKUIT NE TILIIL Sireet ne Dutero Kanon

²³ Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 2:23 ပူးပေါင်းရင်းမြစ်များ

1 ATEPTAP PEETUUSYEK 17:18

Nee age ne ta komuchi Daudi komwaun agobo teegisto ne kiyachin otwogindeng’ung’? Amu ingen otwogindeng’ung’.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

2 ATEPTAP PEETUUSYEK 6:30

igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

Kitabuutap JOB 24:23

Igochin Kamuktaindet ichek kotebe chametab ge, ak komuung’e yoto; Ak komi konyekyik ortinwekwak.

TIENWOGIKAL 139:1

Ee Jehovah, kiisiacha, ak kiinaa.

TIENWOGIKAL 26:2

Isiacha, ee Jehovah, ak itiema; Itilil kabwatutikyuk ak muguleldanyu.

TIENWOGIKAL 44:21

Ko tos macheng’ei Kamuktaindet nito? Amu ingen ung’otikab muguleldo.

TIENWOGIKAL 62:12

Ee Kiptaiyat, neng’ung’ rirenet agine: Amu inye ne iyaakyini chi tugul ko u boisiennyi.

TIENWOGIKAL 7:9

Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

JEREMIA 11:20

Ago, kona ageer yaaktaeng’ung’ bo mugetut eng’ ichek, ee Jehovah ne bo lugosiek, ne iruochi eng’ imanda, ne itieme kabwatutik ak muguleldo; amu kaang’ang’un ng’olyondennyu.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 20:12

Ago, ee Jehovah ne bo lugosiek, ne itieme chi ne bo iman, ne igeere kabwatutik ak muguleldo, kona ageer ye iyaakyini mugetut ichek; amu kiang’ang’un ng’olyondennyu.

SEPANIA 1:11

Owaach okwek bik che omenye Maktes, amu kabek chemung’arainik tugul: ak kibarei ichek tugul che kitinyei fedaisiek ng’isiat.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

LUKA 16:15

Ak kilenji, Okweget che omieitige eng’ taitab bik; ago ingen Jehovah mugulelwekwok: amu kit ne itorori bik ko wegot mising’ eng’ taitab Jehovah.

JOHANA 21:17

Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

JOHANA 4:16

Kolenji Jesu kobogoriondonoto, Ui, iguur manong’otiondeng’ung’, ak obwa yuto.

POISYONIGAP CHE KIYOKTOI 1:24

Ak kisa, kole, Inye, Kiptaiyat, ne ingen mugulelwekab bik tugul, iboruech eng’ bichu aeng’, ne kailewen,

ROMANIK 14:12

Noto anyun, tun tetyin chi age tugul Jehovah atebennyi.

ROMANIK 8:27

ak inendet ne isiachi mugulelwek kongen kit ne ibwati Tamirmiriet, amu saei agobo bik che tililen ko u magetab Jehovah.

2 KORINTOEK 5:10

Amu kanyol kibartech achek tugul eng’ taitab ng’echeretab kiruoget ne bo Kristo; si kobiit kotaach chi age tugul tuguk che te che kiyai eng’ borto, ngo miach anan ngo yaach.

GALATYEK 6:5

Amu laei chi tugul milennyi inegei.

NG'ATUTIK 13:11

Ak kogas Israelik tugul, ak koiyweis, si mata koyai sogornatet ne u nito kogeny eng’ kwenung’ung’.

NG'ATUTIK 17:13

Ak kogas bik tugul, ak koiywei, si mata koyai eng’ losetab ge kogeny.

NG'ATUTIK 19:20

Ak kogas che kong’et, ak koiyweis, si mata koyai yaitiet ne u noto eng’ kwenung’ung’ kogeny.

NG'ATUTIK 21:21

Ak kolage koik murenik tugul che bo nganasennyi, agoi kome: iste anyun yaitiet ko u noto eng’ kwenung’ung’; ak kogas Israel tugul, ak koiywei.

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

1 PETERO 1:17

Ak ngot oguure inendet olen Kwanda, ne iruochi ko u ole teptoi boisietab chi age tugul, ama eng’ tiytiet, obendoti eng’ kaiyweisiet eng’ betusiekwok che omi ko o toek:

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:13

Ak kigon nyanjet che kigobek che kimi orinnyi; ak kigon meet ak oldab che kigobek, ichek che kigobek che kimi orinywa, ak kigiruokyi chi age tugul ko u boisionikyik.

NG'ANG'UTYET 22:12

Ogeero, anyone achogu; ak aibu melektanyu si agochi chi age tugul ko u boisionikyik.

NG'ANG'UTYET 6:8

Ak kiageer, ogeero, mbartanyit ne talelyo: ak kainetab inendet ne kitebe ko ki Meet; ak kiisub inendet oldab che kigobek. Ak kigigochi ichek kimnatet koboi kebeberta agenge eng’ ang’wan ne bo ng’ony, kobare rotwetab chok, ak rubet, ak meet, ak tiong’ikab timin che bo ng’ony.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.