NG'ANG'UTYET 19:7 - BUKUIT NE TILIL

⁷ Ongeboiboitu ak kigasge mising’, ak kigochi torornatet inendet: amu kagoit katunisietab Aruet, ak kagochopgei osotiondennyi.

Bukuit Ne Tilil

⁷ Ongeboiboitu ak kigaske miising', ak kigoochi toroornatet ineendet. Amu kagoit katunisyetap Aarwet, ak kagochopkei osotyonnyi.

BUKUIT NE TILIIL Sireet ne Dutero Kanon

⁷ Ongeboiboitu ak kigaske miising', ak kigoochi toroornatet ineendet. Amu kagoit katunisyetap Aarwet, ak kagochopkei osotyonnyi.

NG'ANG'UTYET 19:7 ပူးပေါင်းရင်းမြစ်များ

TIENWOGIKAL 107:42

Keerei che bo iman ak kogasgei; Ak konamak kut tengekto tugul.

TIENWOGIKAL 48:11

Ingogasgei tulwetab Sion, Ingoboiboitu tibikab Juda, Amu kiruogutiguk.

TIENWOGIKAL 9:14

Si kobiit abarta kalosuneng’ung’ tugul: Eng’ kurgotikab cheptab Sion, Agasege yetuneng’ung’.

KALEWANAIK 29:2

Boiboitu bik ngo tesak che bo iman: Ago tigendos bik ngo bounis chito ne ya.

TYENDO NE SIIREI TUGUL 3:11

Oba anyun, ee tibikab Sion, ak ogeer laitoriat Solomon, Kolaachi narietab laitornatet ne kiilaakyin kamennyi eng’ betut ne kiitunisie. Ak eng’ betutab boiboiyetab muguleldanyi.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 62:5

Amu ko u ye ituni mureno bergeiyat, u noto tun itunin weriguk: ak ko u ye baibaitu sandet eng’ mureret, ko u noto, tun boiboitu Kamuktaindeng’ung’ eng’ inye.

ISAIAH 66:10

Oboiboitu okwek koboto Jerusalem, ogasge koboto inendet, okwek tugul che ochame inendet: oboiboitu eng’ boiboiyet koboto inendet, okwek tugul che orirjini:

ISAIAH 66:14

Ak ogeero, ak koboiboitu mugulelwekwok, ak kong’atyo kowekwok ko u suswek che ng’orng’or: ak konaak eutab Jehovah eng’ otwogikyik, ak konerekyi bunikyik.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

MATAYO 1:20

Ago ye kingota kobwati tuguchu, ogeero, kimong’ji inendet malaikaiyatab Kiptaiyat eng’ karuotitoet, kole, Josep, weritab Daudi, ameiywei imutyige Maria osotiondeng’ung’: amu managat inendet eng’ Tamirmiriet ne Tilil.

MATAYO 22:2

Kiyanie bounatetab kipsengwet laitoriat anum, ne kiyachi werinnyi igortab katunisiet,

LUKA 12:36

ak ogergeitu ak bik che igeni kiptaiyandenywa, kobunu igortab katunisiet: si ye nyo ak kogongony, koyatyi ngunoto.

JOHANA 3:29

Sandet inendet ne tinyei mureret: ago baibai mising’ choruetab sandet, ne tononi koepchin it inendet, amu kutitab sandet: isuldaat anyun boiboiyoninyu.

2 KORINTOEK 11:2

Amu ama ng’etkong’ agobo okwek, eng’ ng’etkonda ne bo Jehovah: amu kiachamwok obunji manong’otiot agenge, si kobiit amutyok Kristo ko u bergeiyat ne tilil.

EPESOEK 5:23

Amu manong’otiot ko metitab osotiot, ko u Kristo agine ne metitab kaniset, inendet yetindetab borto.

EPESOEK 5:32

O ung’otioni: ago ang’alali agobo Kristo ak kaniset.

NG'ATUTIK 32:43

Oboiboitu, okwek bororiosiek, koboto bikyik: Amu yaaktoi mugetut che bo korotikab otwogikyik, Yaakyin mugetut bunikyik, Ak koyai kagaigaet agobo emennyi, ak bikyik.

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

NG'ANG'UTYET 19:9

Ak kolenja, Sir ile, Boiboen ichek che keguurjin igortab katunisietab Aruet. Ak kilenja, Chu ko ng’alekab iman che bo Jehovah.

NG'ANG'UTYET 21:2

Ak kiageer nganaset ne tilil, Jerusalem ne leel, kochorugei eng’ kipsengwet kobunu Jehovah, ko kagechob ko u mureret ne kagelelesonjinechi manong’otiondennyi.

NG'ANG'UTYET 21:9

Ak kinyo age eng’ malaikaisiechoto tisab che kitinyei tabok tisab, che ki nyiitotin korotwek tisabu che bo let; ak kong’alalwa, kole, Nyo yu, si aborun mureret, osotiotab Aruet.

1 SAMUEL 2:1

Ak kisa Hana, kole, Igasegei muguleldanyu eng’ Jehovah, Kagotororit kuinennyu eng’ Jehovah: Kabarait kutinnyu kosiir bunikyuk; Amu abaibai eng’ yetuneng’ung’.