NG'ANG'UTYET 19:4 - BUKUIT NE TILIL

⁴ Ak kiibutyi ng’ony boisiek tiptemu ak ang’wan che soptos ak kolos Jehovah ne tebe ng’echeretab laitornatet, komwaei kolen, Amen; Haleluya.

Bukuit Ne Tilil

⁴ Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”

BUKUIT NE TILIIL Sireet ne Dutero Kanon

⁴ Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”

NG'ANG'UTYET 19:4 ပူးပေါင်းရင်းမြစ်များ

1 ATEPTAP PEETUUSYEK 16:36

Iberurot Jehovah, Kamuktaindetab Israel, Koboch koigeny agoi koigeny. Ak kimwa bik tugul kole, Amen, ak kolos Jehovah.

NEEMIA 5:13

Kialeglekte kogeny ngoriennyu ale, Ingoleglekta ko u noto Kamuktaindet chi age tugul komong’ eng’ gonnyi ak eng’ boisiennyi, ne ma yai kayomisutioni; ingeleglekta ko u noto, kot ko ma kotinyei kiy. Ak kimwa bik tugul che bo tuiyet kole, Amen, ak kolos Jehovah. Ak kiyai bik ko u kayomisutioni.

NEEMIA 8:6

Ak kiilos Esra Jehovah, Kamuktaindet ne o; ak kiwol bik tugul kole, Amen, Amen, konamjin barak eunekwak: ak kiing’urukso, kot kotiing’e togochikwak ng’ony kolos Jehovah.

TIENWOGIKAL 104:35

Ingiwong’ kiptengeginik eng’ ng’ony, Ak ingobetyo che yaachen agoi. Ilosu Jehovah, ee sobondanyu. Olosu Jehovah.

TIENWOGIKAL 106:48

Iberurot Jehovah Kamuktaindetab Israel, Koboch koigeny agoi koigeny. Ak ingomwa bik tugul kole, Amen. Olosu Jehovah.

TIENWOGIKAL 41:13

Ingitoror Jehovah, Kamuktaindetab Israel, Koboch keny agoi koigeny. Amen, ak Amen.

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

TIENWOGIKAL 89:52

Iberurot Jehovah agoi koigeny. Amen, ak Amen.

JEREMIA 28:6

ak kile maotiot Jeremia, Amen: ingoyai Jehovah ko u noto: ingoyai Jehovah ng’aleguk kosulda che kaimaoten, koib kogeny tuguk kobwa gotab Jehovah, ak komut tugul che kigiluul, kobwa olito, kobunu Babulon.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

1 KORINTOEK 14:16

Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

NG'ANG'UTYET 15:7

Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 19:1

Kingobata tuguchu, agas kit ne u kutit ne o ne bo tuiyet ne o eng’ kipsengwet, kole, Haleluya. Bo Jehovah nenyo yetunet, torornatet, ak kamuktaet;

NG'ANG'UTYET 19:3

Ak kimwa kogeny ne bo aeng’ kole, Haleluya. Ak togostoi iyetanyi koigeny ak koigeny.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 5:14

Ak kimwa tiong’ichoto ang’wanu soptos kole, Amen. Ak kobutyi ng’ony boisiechoto ak kolos.