NG'ANG'UTYET 19:14 - BUKUIT NE TILIL

¹⁴ Ak kiisubi inendet lugosiek che mi kipsengwet che lanyei mbartanyisiek che leelach, kolaachi katanisiek che kororon che leelach kot ak ko tililen.

Bukuit Ne Tilil

¹⁴ Ak ki isubi ineendet lugoosyek che mi kipsengwet che ketei paraisisyek che leelach, kolaachi katanisyek che korooron che leelach kot ak ko tiliileen.

BUKUIT NE TILIIL Sireet ne Dutero Kanon

¹⁴ Ak ki isubi ineendet lugoosyek che mi kipsengwet che ketei paraisisyek che leelach, kolaachi katanisyek che korooron che leelach kot ak ko tiliileen.

NG'ANG'UTYET 19:14 ပူးပေါင်းရင်းမြစ်များ

TIENWOGIKAL 68:17

Karisiekab Kamuktaindet ko elfusiek tiptem, agot elfusiek ak elfusiek: Mi Kiptaiyat kwenunywa, eng’ Sinai, eng’ ole tilil.

KALEWANAIK 31:22

Napchingei kitambaok che bo lelesta; Bo ngoroikyik katanit ne kararan ak ko bo tuguk che arusen ne birir.

ISAIAH 3:23

kioinik, ak katanit ne kararan, ak chepkuloik, ak angok.

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.

MATAYO 21:5

Omwachi cheptab Sion, Keero, nyonjinin Laitoriandeng’ung’, Ne tala, ak kolong’onu sigiriet, Ak moitab sigiriet, barnotiot.

MATAYO 26:53

Anan ilen mamuchi asom Baba, ak koyokwa agot nguno malaikaisiek che siirei lugosiek taman ak aeng’?

MATAYO 28:3

Ki u kalyelet itondanyi, ak ki leelach mising’ ngoroikyik ko u teluji:

2 THESSALONIKEK 1:7

ak kogonok kamuung’et kobotech, okwek che kiusei, eng’ ng’ang’etab Kiptaiyat Jesu kobunu kipsengwet koboto malaikaisiek che bo kamuktaennyi

JUDA 1:14

Ak kimaoten Enok agine, chito ne bo tisab koboch Adam, koamdochi bichu kole, Ogeero, kinyo Kiptaiyat koboto bikyik che tililen elfusiek ng’isiat,

NG'ANG'UTYET 14:1

Ak kiageer, ak ogeero, tononi Aruet eng’ tulwetab Sion, ak komi koboto inendet bik elfusiek bogol ak artam ak ang’wan, che tinyei kainennyi, ak kainetab Kwandanyi, che kigisirji togochikwak.

NG'ANG'UTYET 14:20

Ak kigitiech ole kitue sabibuk eng’ nganaset sang’, ak komong’ korotik eng’ ole kituisie, kot koit karikab kutitab mbartanyisiek, ne itei olo bo maelisiek bogol aeng’.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 19:8

Ak kigigochi inendet kolaach gei eng’ katanit ne kararan, ne leel kot ak ko tilil; amu katanit ne kararan ko boisionikab imanda che bo bik che tililen.

NG'ANG'UTYET 3:4

Ago itinye kainaik che ng’ering’ eng’ Sarde che ma imuruon ngoroikwak: ak tun bendoti ichek kobota kolaagoti ngoroik che leelach; amu nyolu ichek.

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 7:9

Kingobata tuguchu, ageer, ogeero, tuiyet ne o, ne kima komuchi chi koiit, che bunu bororiet age tugul, ak oret age tugul ak bik ak kutuswek, kotonondos eng’ taitab ng’echeretab laitornatet ak eng’ taitab Aruet, kolaachi ngoroik che leelach, ak kotinyei temenikab sosik eng’ eunekwak;