NG'ANG'UTYET 19:12 - BUKUIT NE TILIL

¹² Ak ki u konyekyik liblibenetab mat, ak kimi metinnyi nariosiek che chang’; ak kotinyei kainet ne kigisir, ne mami chi ne ingen kobate inendet inegei.

Bukuit Ne Tilil

¹² Ak ki uu konyekyik liplibenetap maat, ak ki mi metinnyi naryosyek che chaang'; ak kotinyei kainet ne ki kisir, ne ma mi chii ne ingen kobatee ineendet ineegei.

BUKUIT NE TILIIL Sireet ne Dutero Kanon

¹² Ak ki uu konyekyik liplibenetap maat, ak ki mi metinnyi naryosyek che chaang'; ak kotinyei kainet ne ki kisir, ne ma mi chii ne ingen kobatee ineendet ineegei.

NG'ANG'UTYET 19:12 ပူးပေါင်းရင်းမြစ်များ

TAUNET 32:29

Ak kiteebe Jakobo kolenji, Asain ale, mwawa kaineng’ung’. Ak kilenji, Amu nee si iteebena kainennyu? Ak kiiberur eng’ yoto.

TIENWOGIKAL 8:5

Amu kiiyai inendet koming’init kitigin eng’ Kamuktaindet, Ilaakyini inendet kutwet ne bo torornatet ak teegisto.

KOMONG'U 23:21

Oripge eng’ tainnyi, ak ogas it ng’alekyik; amotach inendet: amu manyoiywok kaat bistoeng’wong’, amu mi kainennyu eng’ inendet.

KALEWANAIK 30:4

Ng’o ne kitogosta kipsengwet, ak kochorgei? Ng’o ne kigoyum usonet eng’ eunekyik? Ng’o ne kigoratyi beek ngoriennyi? Ng’o ne kiigimit tabanwek tugul che bo ng’ony? Kiguure nee, kiguure nee werinnyi, ngot ingen?

TYENDO NE SIIREI TUGUL 3:11

Oba anyun, ee tibikab Sion, ak ogeer laitoriat Solomon, Kolaachi narietab laitornatet ne kiilaakyin kamennyi eng’ betut ne kiitunisie. Ak eng’ betutab boiboiyetab muguleldanyi.

ISAIAH 62:3

Iegu kogeny narietab kororonindo eng’ eutab Jehovah, ak iegu narietab laitornatet eng’ eutab Kamuktaindeng’ung’.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

DANIEL 10:6

ki u kogeny bortanyi berulo, ak ki u togennyi kalyelet, ak kiu konyekyik taisiek che bo mat, ak ki u eunekyik ak kelyekyik itondab sugunwet ne sitat, ak ki u twegunetab ng’alekyik twegunetab bik che chang’.

SEKARIA 9:16

Ak kosor Jehovah Kamuktaindenywa ichek eng’ betunoto ko u akwetab kechirekab bikyik: amu tun kergeitu ak koik che bo chepkulet, ne kinamjin barak mising’ eng’ emennyi.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

MATAYO 21:5

Omwachi cheptab Sion, Keero, nyonjinin Laitoriandeng’ung’, Ne tala, ak kolong’onu sigiriet, Ak moitab sigiriet, barnotiot.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

LUKA 10:22

Kigogona tuguk tugul Baba: ak mami chi ne ingen Werit kole ng’o, kobate Kwanda; ama nai chi Kwanda kole ng’o, kobate Werit, ak chi age tugul ne chamei Werit, kong’ang’jin.

JOHANA 17:11

Ak ma amite ng’ony, ago mi ng’ony chu, ak anyone ole imi. Baba ne Tilil, rib eng’ kaineng’ung’ ichek che kiigona, si kobiit koek agenge, ko u achek.

JOHANA 17:12

Kiarib eng’ kaineng’ung’ ichek che kiigona, ye kota kemi ak ichek: kiarib ichek, ama bet agot agenge eng’ ichek, kobate weritab luset; si kobiit kosulda sirutiet.

EPESOEK 1:21

ne toror kosiir laitornatet tugul, ak bounatet, ak kamuktaet, ak kiptainatet, ak kainet age tugul ne mwaat, ma kityo eng’ kenyisiechu, ago eng’ choto bwanei:

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.

NG'ANG'UTYET 1:14

Ak ki leel metinnyi ak ki leelach sumeekyik ko u kororik che leelachen, ko u teluchi; ak ki u konyekyik liblibenetab mat;

NG'ANG'UTYET 12:3

Ak kitook kaborunet age eng’ kipsengwet; ak ogeero, maswetit ne o ne birir, ne tinyei metowek tisab ak kuinoik taman, ak kimitei metowekyik nariosiek tisabu.

NG'ANG'UTYET 13:1

Ak kiageer tiondo kotogosu eng’ nyanjet, ne tinyei kuinoik taman ak metowek tisab, ak nariosiek taman eng’ kuinoikyik, ak kimi metowekyik kainaikab chubisiet.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.

NG'ANG'UTYET 6:2

Ak kiageer, ogeero, mbartanyit ne leel, ak kitinyei kwanget inendet ne kitebe; ak kigigochi inendet kutwet: ak kiwa eng’ katerteret, ak koterteris.

KIRUOGIK 13:18

Ak kilenji malaikaiyatab Jehovah, Amu nee si iteebena kainennyu, amu kwong’et kainennyu?