NG'ANG'UTYET 19:1 - BUKUIT NE TILIL

¹ Kingobata tuguchu, agas kit ne u kutit ne o ne bo tuiyet ne o eng’ kipsengwet, kole, Haleluya. Bo Jehovah nenyo yetunet, torornatet, ak kamuktaet;

Bukuit Ne Tilil

¹ Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

BUKUIT NE TILIIL Sireet ne Dutero Kanon

¹ Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 19:1 ပူးပေါင်းရင်းမြစ်များ

1 ATEPTAP PEETUUSYEK 29:11

Cheguk, ee Jehovah, oindo, ak kamuktaet, ak torornatet, ak katerteret, ak etunatet; amu cheguk tuguk tugul che mi kipsengwet ak che mi ng’ony; neng’ung’ bounatet, ee Jehovah, ak i tororot, i metitab tugul.

TIENWOGIKAL 104:35

Ingiwong’ kiptengeginik eng’ ng’ony, Ak ingobetyo che yaachen agoi. Ilosu Jehovah, ee sobondanyu. Olosu Jehovah.

TIENWOGIKAL 106:1

Olosu Jehovah, Ee, oweekyi Jehovah kongoi; amu mie inendet: Amu tebyei rirenennyi koigeny.

TIENWOGIKAL 111:1

Olosu Jehovah. Aweekyini Jehovah kongoi eng’ muguleldanyu komugul, Eng’ kapkiruogetab che bo iman, ak eng’ tuiyet.

TIENWOGIKAL 115:18

Ago kilosu achek Jehovah Koboch nguno agoi koigeny. Olosu Jehovah.

TIENWOGIKAL 146:1

Olosu Jehovah. Ilosu Jehovah, ee sobondanyu.

TIENWOGIKAL 148:1

Olosu Jehovah. Olosu Jehovah eng’ kipsengwetisiek: Olosu inendet eng’ komoswek che tororen.

TIENWOGIKAL 149:1

Olosu Jehovah. Otienji Jehovah tiendo ne leel, Ak kalosunennyi eng’ tuiyetab che tililen.

TIENWOGIKAL 150:1

Olosu Jehovah. Olosu Kamuktaindet eng’ oldanyi ne tilil: Olosu inendet eng’ yamunetab kimnatennyi.

TIENWOGIKAL 3:8

Bo Jehovah yetunet: Ingotebe berurtang’ung’ biguk.

TIENWOGIKAL 62:11

Kitwek Kamuktaindet konyil agenge, Kiagas noto konyil aeng’, Ale, bo kimnatet Kamuktaindet:

JEREMIA 51:48

Yeityo kotien eng’ boiboiyet kipsengwet ak ng’ony, ak tugul che mi oloto, agobo Babulon; amu bwanei bik che luulei inendet kobunu murot ne bo katam, mwaei Jehovah.

JONAH 2:9

Ago aeng’un tiseiywot ne amwae kongoi; Ayaagun che kiaarorun. Bo Jehovah yetunet.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 12:10

Ak kiagas kutit ne o eng’ kipsengwet, kole, Kagonyo nguno yetunet, ak kamuktaet, ak bounatetab Jehovah nenyo, ak kimnatetab Kristo nenyi: amu kagetururto kataamindetab che kitupche kwo ng’ony, ne itaami ichek eng’ taitab Jehovah nenyo bet ak kemoi.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.