NG'ANG'UTYET 17:3 - BUKUIT NE TILIL

³ Ak kiimuta eng’ Tamirmiriet agoi surkwen: ak kiageer kobogoriot kotebe tiondo ne birir, ne nyiitat kainaikab chubisiet, ne tinyei metowek tisab ak kuinoik taman.

Bukuit Ne Tilil

³ Ara ki imuta eng' Kabuuset ne Tiliil agoi surkwen: ak ki ageer kobogoryot kotebee tyondo ne piriir, ne nyiitaat kainaigap chubisyet, ne tinyei metowek tisap ak kuinoik taman.

BUKUIT NE TILIIL Sireet ne Dutero Kanon

³ Ara ki imuta eng' Kabuuset ne Tiliil agoi surkwen: ak ki ageer kobogoryot kotebee tyondo ne piriir, ne nyiitaat kainaigap chubisyet, ne tinyei metowek tisap ak kuinoik taman.

NG'ANG'UTYET 17:3 ပူးပေါင်းရင်းမြစ်များ

1 LAITORINIK 18:12

Ak ye awe eng’ yu imi, komutin Tamirmirietab Jehovah ole mangen; ak ye awe amwachi Ahab, amanyo konyorun, kobara: ago ane otwogindeng’ung’, aiywei Jehovah koboch ko a ming’in.

2 LAITORINIK 2:16

Ak kilenji ichek inendet, Keero, mi koboto otwogiguk bik konomu che kimen; kisomin kele, ingoba kocheng’ kiptaiyandeng’ung’: tamangab ko kagomut inendet tamirmirietab Jehovah kotogosta, ak kokwirji tulonok barak, anan ko atebwosiek. Ak kile, Amat oyokte.

TYENDO NE SIIREI TUGUL 8:5

Ng’o ni togosu eng’ ong’atet, Ne tiiegei chamanennyi? Kiang’eetin eng’ kelutab ketitab logoek: Ole kiame moet komet komachei kosichin, Kimi yoto koamei moet si kosichin.

EZEKIEL 11:24

Ak kiganaba tamirmiriet, ak komutwa eng’ ng’ang’utiet eng’ Tamirmirietab Kamuktaindet, anyo Kaldea, agoi ait ole mi ichek che kigiluul. Kitogosta anyun eng’ ole kiami ng’ang’utionoto kiga ageer.

EZEKIEL 3:12

Yeityo koganaba tamirmiriet, ak agas cheetab kirgirenet ne o eng’ batennyu, kole, Iberurot torornatetab Jehovah kong’eete oldanyi.

EZEKIEL 8:3

Ak kiiyogoi kit ne u eut, konam sumeekyuk ak kiganaba tamirmiriet eng’ kwenutab ng’ony ak kipsengwet, ak komutwa eng’ ng’ang’utikab Kamuktaindet anyo Jerusalem, agoi kurgetab ormarichet ne bo seremut ne bo orit ne tokyingei murot ne bo katam; ole kimi ng’echeretab kanamwetab ng’etkonda, ne tagisiei kogonu ng’etkonda.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 7:20

ak kiamach anai agobo kuinoik taman che kimi metinnyi, koboto kuinet age ne kimong’, koboto kutit ne kimwaei tuguk che eechen, ne kieet itondanyi kosiir ne bo chun alak.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

MATAYO 27:28

Ak kiireegune ngoroikyik, ak kolaakyi sambut ne birir.

POISYONIGAP CHE KIYOKTOI 8:39

Ak ye kingolong’ eng’ beek, komut Tamirmirietab Kiptaiyat Pilipu; ak mata kogeer anyun chichoto kigimoch Pilipu, amu kiwa chichoto eng’ boiboindo.

2 THESSALONIKEK 2:4

inendet ne kirindoi ak kotororegei kogirindoi tugul che kiguure Jehovah anan che kilosu; si koteb anyun eng’ hekalutab Jehovah, koborugei inendet ko u ne Jehovah.

NG'ANG'UTYET 1:10

Kiami eng’ Tamirmiriet eng’ betutab Kiptaiyat, ak kiagas kutit ne o eng’ batennyu, ko u ne bo iriaget

NG'ANG'UTYET 12:14

Ak kigigochi kwonyoto kebebaik aeng’ che bo kipsichit ne o, si kobiit kotirirene kwo ong’atet agoi oldanyi, ole kibae, eng’ betusiek, ak betusiek alak, ak kebebertab betusiek, koistoegei togetab erenet.

NG'ANG'UTYET 12:3

Ak kitook kaborunet age eng’ kipsengwet; ak ogeero, maswetit ne o ne birir, ne tinyei metowek tisab ak kuinoik taman, ak kimitei metowekyik nariosiek tisabu.

NG'ANG'UTYET 12:6

Ak kimwei kwonyoto kwo surkwen, ole kiting’e komosta ne kiga kochopchi Jehovah, si kobiit kobai inendet eng’ oloto betusiek elfut agenge bogol aeng’ ak tamanwogik lo.

NG'ANG'UTYET 17:18

Ak kwonyi kegeere ko nganaset ne o, ne bou laitorinikab ng’ony.

NG'ANG'UTYET 17:4

Ak kiilaachi kobogoriot ngoroik che arusen ne birir ak che biriren, ak kigilelesonjine tahabu ak koik che bo kamanutiet ne o mising’ ak sonoek che kororon, ak kotinyei eng’ eunnyi kikombet ne bo tahabu ne nyiitat tuguk che kiwechei, tugukab simdo che bo soksennyi,

NG'ANG'UTYET 18:12

tugukab tahabu, ak feda, ak koik che bichien eng’ alet, ak sonoek che kororon, ak katanisiek che kororon, ak ngoroik che arusen ne birir, ak aririsiek, ak ngoroik che biriren; ak ketit age tugul ne nyamdut, ak kit age tugul ne bo kelekab belek, ak kit age tugul ne kigiyae ketit ne bo kamanutiet ne o, ak che bo sugunonik, ak karik, ak koik che leelachen;

NG'ANG'UTYET 18:16

kolen, Bwa, bwa wee, nganaset ne o, ne kiilaachi katanisiek che kororon, ak ngoroik che arusen ne birir ak che biriren, ne kigilelesonjine tahabu ak koik che bo kamanutiet ne o ak sonoek che kororon!

NG'ANG'UTYET 21:10

Ak kiimuta eng’ Tamirmiriet agoi tulwet ne o ak ko koi, ak kiiborua nganaset ne tilil Jerusalem, kochorugei eng’ kipsengwet kobunu Jehovah,

NG'ANG'UTYET 4:2

Ak kiami anyun eng’ Tamirmiriet eng’ yoto: ak ogeero, kiginde kipsengwet ng’echeretab laitornatet, ak kimi chito ne kitebe ng’echeranato;