NG'ANG'UTYET 16:5 - BUKUIT NE TILIL

⁵ Ak kiagas malaikaiyat ne bo beek komwa kole, I bo imanda, inye ne imi, ak ko kiimi, Inye ne Tilil, amu kiiruoch ko u noto:

Bukuit Ne Tilil

⁵ Ak ki agas malaikaiyat ne po peek komwa kole, “Ii po imanda, Inyee ne Tiliil, inyee ne imi ak ko ki imi, amu ki irwooch ko uu nooto.

BUKUIT NE TILIIL Sireet ne Dutero Kanon

⁵ Ak ki agas malaikaiyat ne po peek komwa kole, “Ii po imanda, Inyee ne Tiliil, inyee ne imi ak ko ki imi, amu ki irwooch ko uu nooto.

NG'ANG'UTYET 16:5 ပူးပေါင်းရင်းမြစ်များ

TAUNET 18:25

Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

TIENWOGIKAL 129:4

Bo iman Jehovah: Kigong’eti boroonikab kiptengeginik.

TIENWOGIKAL 145:17

Bo iman Jehovah eng’ ortinwekyik tugul, Ak tala eng’ boisionikyik tugul.

RIREKAB JEREMIA 1:18

Bo imanda Jehovah; amu kiangelelji ng’atutiennyi: Asaok ale, ogas okwek bororiosiek tugul, ak ogeer arogenennyu: Kogimut bergeinikyuk ak neranikyuk koba koek luulenik.

DANIEL 9:14

Kirib anyun Jehovah yaitiet agoi betut ne kiibwech: amu bo iman Jehovah Kamuktaindennyo eng’ boisionikyik tugul che yaei, ago ma kigas it kutinnyi.

JOHANA 17:25

Ee Baba ne bo imanda, kima kongenin ng’ony, ago kiangenin; ak kigonai chu kole, kiiyokwa;

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

ROMANIK 3:5

Ago ngot kogonyiti atebennyo ne ma bo imanda, imandab Jehovah, ko ta kemwae nee anyun? Tos ma bo imanda Jehovah ne nyonei eng’ neregek? (Ang’alali ko u bik.)

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 1:8

Ane ko a Alpha ak ko a Omega, mwaei Kiptaiyat Jehovah, ne mi ago kimi ago tun nyonei, Kamuktaindet.

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 16:4

Ak kirong’ji malaikaiyat ne bo somok tabennyi ainosiek ak kondametusiekab beek; ak kiek korotik.

NG'ANG'UTYET 16:7

Ak kiagas kaptisisiet komwa kole, U noto, ee, Kiptaiyat Jehovah, Kamuktaindet, bo iman ak ko bo imanda kiruogutiguk.

NG'ANG'UTYET 19:2

amu bo iman ak ko bo imanda kiruogutikyik; amu kagoruokyi chepkugoniot ne o, ne kiimuruon ng’ony eng’ soksennyi, ak kagoyaakta mugetut ne bo korotikab otwogikyik eng’ eutab kwonyoto.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?