NG'ANG'UTYET 15:3 - BUKUIT NE TILIL

³ Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

Bukuit Ne Tilil

³ Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

BUKUIT NE TILIIL Sireet ne Dutero Kanon

³ Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 15:3 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

1 ATEPTAP PEETUUSYEK 6:49

Ago kiigoitoi Aron ak werikyik kagochinet eng’ kaptisisietab kagochinet ne kibeelei, ak eng’ kapkorosutab nyamdutik, agobo boisiet tugul ne bo ole tilil mising’, ak koyaei kagaigaet agobo Israel, ko u tugul che kiga ng’at Musa otwogindetab Kamuktaindet.

2 ATEPTAP PEETUUSYEK 24:6

Koguur anyun laitoriat Jeoiada, ne o eng’ ichek, ak kolenji, Amu nee si memwachi Lawik koyumat eng’ Juda ak Jerusalem aisurut ne king’at Musa otwogindetab Jehovah, ak tuiyetab Israel, agobo emaitab baornatet?

NEEMIA 9:14

ak iborji ichek sabatong’ung’ ne tilil, ak ing’atyi ichek ng’atutik ak kotigonutik, ak Ng’atutiet, eng’ eutab Musa otwogindeng’ung’,

Kitabuutap JOB 36:24

Ibwat itoror boisiennyi, Ne kigotienjin bik.

Kitabuutap JOB 5:9

Inendet ne yaei tuguk che eechen che maisiagaksei; Tuguk che kikwong’e che maiitoksei:

TIENWOGIKAL 100:5

Amu mie Jehovah; tebyei rirenennyi koigeny; Ak imandanyi eng’ ibinwek tugul.

TIENWOGIKAL 105:5

Obwat boisionikyik che kikwong’e che kigoyai; Kwong’utikyik, ak kiruogutikab kutinnyi;

TIENWOGIKAL 111:2

Eechen boisionikab Jehovah, Che cheng’ei ichek tugul che boiboitune.

TIENWOGIKAL 111:7

Boisionikab eunekyik ko imanda ak kiruoget; Isuldootin konetisiosiekyik tugul.

TIENWOGIKAL 139:14

Aweegun kongoi, amu kigiyaa eng’ oretab kaiyweisiet, ak eng’ kwong’utiet: Kwong’utik boisioniguk. Ak ingen sobondanyu ng’olyondonoto komie.

TIENWOGIKAL 145:17

Bo iman Jehovah eng’ ortinwekyik tugul, Ak tala eng’ boisionikyik tugul.

TIENWOGIKAL 145:6

Ak ng’alali bik agobo kamuktaetab boisioniguk che kiywei; Ak amwaitoi oindang’ung’.

TIENWOGIKAL 18:30

Igesunotgei oretab Kamuktaindet: Kigonaak ng’olyotab Jehovah; Inendet long’etab icheget tugul che imang’u.

TIENWOGIKAL 78:12

Kiyai inendet tuguk che bo kwong’et eng’ taitab kwanisiekwak, Eng’ emetab Misri, eng’ tembwetab Soan.

TIENWOGIKAL 92:5

Eechen ne tia boisioniguk, ee Jehovah! Matinyei ole bochin kabwatutiguk.

TIENWOGIKAL 99:4

Chamei kimnatetab laitoriat kiruoget; Igimiti imanda, Iyae kiruoget ak imanda eng’ Jakobo.

ISAIAH 33:22

Amu Jehovah ko kiruogindennyo, Jehovah ko ne konech ng’atutik, Jehovah ko laitoriandennyo; inendet ne soruech.

ISAIAH 45:21

Omwaite, obarte; ee, ingoruoch tugul: ng’o ne kiibor ng’olyondonito koboch keny? Ng’o ne kimwaita koboch keny? Tos ma ane Jehovah? Ama mi Kamuktaindet age kobatena; Kamuktaindet ne bo iman, ak ko yaindet; mami age kobatena.

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

MIKAH 7:20

Iyachini Jakobo imanit, ak iyachi Abraham rirenet, che kigeyosiechi kwanisiekyok eng’ betusiek che bo keny.

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

JOHANA 1:17

Amu kigigon Ng’atutiet eng’ Musa; kibwa mieindo ak imanit eng’ Jesu Kristo.

NG'ATUTIK 31:30

Kimwachi Musa tuiyet komugul ne bo Israel ng’alekab tieni kogas, agoi kogesgei.

NG'ATUTIK 32:3

Amu amwaitoi kainetab Jehovah: Oiityi etunatet Kamuktaindennyo.

NG'ATUTIK 34:5

Kime anyun Musa kiboitiotab Jehovah eng’ oloto eng’ emetab Moab, ko u ng’olyotab Jehovah.

1 TIMOTEO 1:17

Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

HEBRANIK 3:5

Ak kiek Musa iman ne kiyani eng’ gotab Jehovah tugul ko u kiboitiot, agobo baornatet ne bo tuguchoto che ki tun kemwa eng’ let;

JOSHUA 22:5

Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

NG'ANG'UTYET 1:8

Ane ko a Alpha ak ko a Omega, mwaei Kiptaiyat Jehovah, ne mi ago kimi ago tun nyonei, Kamuktaindet.

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 14:3

ak kotieni tiendo ne leel eng’ taitab ng’echeretab laitornatet, ak eng’ taitab tiong’ik ang’wan che soptos ak boisiek: ama mi chi ne imuchi konetgei tienoto kobate bichoto elfusiek bogol ak artam ak ang’wan, icheget che kigial eng’ ng’ony.

NG'ANG'UTYET 14:8

Ak kosub malaikaiyat ne bo aeng’, ne len, Kagolul, kagolul Babulon ne o, ne kiigochi bororiosiek tugul koee divaik che bo koromnatetab soksennyi.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 19:2

amu bo iman ak ko bo imanda kiruogutikyik; amu kagoruokyi chepkugoniot ne o, ne kiimuruon ng’ony eng’ soksennyi, ak kagoyaakta mugetut ne bo korotikab otwogikyik eng’ eutab kwonyoto.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.