NG'ANG'UTYET 14:7 - BUKUIT NE TILIL

⁷ ak komwaei eng’ kutit ne o, kole, Oiywei Jehovah, ak ogochi torornatet; amu kagoit saitab kiruogennyi: ak olosu inendet ne kiyai kipsengwet ak ng’ony ak nyanjet ak kondametusiekab beek.

Bukuit Ne Tilil

⁷ ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

BUKUIT NE TILIIL Sireet ne Dutero Kanon

⁷ ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

NG'ANG'UTYET 14:7 ပူးပေါင်းရင်းမြစ်များ

TAUNET 22:12

Kolenji, Ametwa lakwet, ameyachi kiy tugul: amu kaanai nguno ale, igonyiti Kamuktaindet, amu ma ietena wering’ung’, ne wering’ung’ ne inegei.

NEEMIA 9:6

I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

TIENWOGIKAL 115:15

Oberurotin eng’ Jehovah, Ne kiyai kipsengwet ak ng’ony.

TIENWOGIKAL 124:8

Mitei toretennyo kainetab Jehovah, Ne kiyai kipsengwet ak ng’ony.

TIENWOGIKAL 33:6

Kigiyai kipsengwetisiek eng’ ng’olyotab Jehovah; Ak chang’indanywa tugul eng’ kabusetab kutinnyi.

TIENWOGIKAL 36:1

Mwaei yaitietab bistoindet eng’ muguleldanyu, kole, Mami kaiyweisietab Kamuktaindet eng’ konyekyik.

TIENWOGIKAL 89:7

Inendet Kamuktaindet ne kiywei mising’ eng’ tuiyetab che tililen, Ne kiywei kosiir tugul che kiyiem inendet?

TIENWOGIKAL 95:5

Nenyi nyanjet, inendet ne kiyaei; Ak kiyaei eunekyik emet ne yaamat.

KOMONG'U 20:11

amu kiyai Jehovah kipsengwetisiek ak ng’ony eng’ betusiek lo, ak nyanjet, ak tuguk tugul che mi orinywa, ak kiimuuny eng’ betutab tisab: kiiberur anyun Jehovah betutab sabato amu noto, kiitaban.

ISAIAH 40:3

Kutitab ne ititeni, kolen, Ochob okwek oretab Jehovah eng’ surkwen, olitit oret ne o eng’ ong’atet agobo Kamuktaindennyo.

ISAIAH 40:6

Kutitab chi ne mwaei kole, Waach. Ak kole age, Awaakyi nee? Suswek borwek tugul, ak u taptok che bo kewet kororonindanywa tugul:

ISAIAH 40:9

Togoste tulwet ne koi inye ne imwachini logoiywek che miach Sion; waach mising’ eng’ kimnatet inye ne imwachini Jerusalem logoiywek che miach; waach, ameiywei; mwachi nganasokab Juda ilenji, Ogeer, Kamuktaindeng’wong’!

ISAIAH 42:12

Ingogochi Jehovah torornatet, ak komwaita kalosunennyi eng’ ngegusiek.

ISAIAH 44:23

Ee okwek kipsengwetisiek, Otiense, amu kiyai Jehovah noto; owaach okwek, komoswek che bo orit che bo ng’ony; otiense, okwek tulonok, ee osnet, ak ketit age tugul ne mi yoto: amu kagotiach Jehovah Jakobo, ak kotororgei eng’ Israel.

ISAIAH 58:1

Waach mising’, amesis, waach ko u iriaget, ak imwachi bikyuk bistoenywa, ak imwachi gotab Jakobo tengekwogikwak.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

EZEKIEL 7:2

Ee inye, weritab chi, mwaei Kiptaiyat Jehovah komwachin emetab Israel, kolenjin, Kagesunet: kagonyonji kagesunet luukwek ang’wan che bo emet.

EZEKIEL 7:6

Kagonyo kagesunet, ng’eetyinin; keero, nyonei.

DANIEL 8:19

Ak kile, Keero, aborun inai tuguk che tun biitu let che bo neregek: amu bo ng’ang’utionoto betut ne kiging’at ne bo let.

HOSEA 8:1

Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

MATAYO 25:13

Noto anyun oripse, amu mongen betut anan sait.

LUKA 17:18

Tos ma biit agot agenge ne kaweek kogochi kalosunet Jehovah, kobate toondoni?

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

JOSHUA 7:19

Ak kolenji Josua Akan, Werinnyu, asain ale, igochi torornatet Jehovah, Kamuktaindetab Israel, ng’ang’ji inendet; ak imwawa nguno kit ne koiyai; mat iung’ena.

1 PETERO 4:7

Ago kagorik kagesunetab tuguk tugul: noto anyun oegu che oribege, ak oripse eng’ saet:

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

NG'ANG'UTYET 11:18

Ak kinerekso bororiosiek, ak kinyo nereknateng’ung’, ak betut ne kiruokyine bik che kigobek, ak betut ne kigochine otwogiguk maotik melekwekwak, ak bik che tililen, ak ichek che iywei kaineng’ung’, che mengechen ak che eechen; ak keng’em ichek che ng’emei ng’ony.

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.

NG'ANG'UTYET 16:9

Ak kigibeel bik eng’ beelet ne o: ak kichub kainetab Jehovah ne tinyei kimnatet koboi korotwechuto; ak ma sik si kobiit kogochi torornatet.

NG'ANG'UTYET 18:10

kotonondos eng’ ole loo amu kaiyweetab ng’wanindanyi, kolen, Bwa, bwa wee, nganaset ne o, Babulon, nganaset ne kim! Amu kait kiruogeng’ung’ eng’ sait agenge.

NG'ANG'UTYET 18:17

Amu kabetyo eng’ sait agenge magornatosiek che eechen che u choto. Ak kitonondos eng’ ole loo kiptaiyat age tugul ne bo melit, ak age tugul ne bunei melit kowendi oldo tugul, ak bik che boisiei eng’ melisiek, ak tugul che nyoru borotenywa eng’ nyanjet,

NG'ANG'UTYET 18:19

Ak kolakyin temburiek metowekwak, ak kowaachei, korirtos ak koteeitos, kolen, Bwa, bwa wee, nganasani o, ole kiegune magore bik tugul che kitinyei melisiekwak eng’ nyanjet amu oindab kamanutiennyi! Amu kait ng’emisiennyi eng’ sait agenge.

NG'ANG'UTYET 19:5

Ak kimong’ kutit eng’ ng’echeretab laitornatet, kole, Olosu Jehovah nenyo, okwek tugul otwogikyik che oiywei inendet, che mengechen ak che eechen.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.

NG'ANG'UTYET 4:9

Ak ye igochi tuguchoto soptos torornatet ak teegisto ak kongoi inendet ne tebe ng’echeranato bo laitornatet, inendet ne sobei koigeny ak koigeny,

NG'ANG'UTYET 8:10

Ak kiguut malaikaiyatab somok, ak kirorok kecheiyat ne o eng’ kipsengwet, kolalei ko u tait, ak kiibutyi kebeberta agenge eng’ somok ne bo ainosiek, ak kondametusiekab beek;

1 SAMUEL 6:5

Noto anyun, oyai itonwekab kabwanutikwok, ak itonwekab murekwok che ng’emei emet; si kobiit otoror Kamuktaindetab Israel; tamangab ko nyamnyum eunnyi eng’ okwek, ak eng’ kanamonikwok, ak eng’ emeng’wong’.