NG'ANG'UTYET 14:2 - BUKUIT NE TILIL

² Ak kiagas kutit kobun kipsengwet, ne u cheetab beek che chang’, ak ko u cheetab tulet ne o: ak cheonoto kigagas ko ki u ne bo butik che butei ketubosiekwak:

Bukuit Ne Tilil

² Ak ki agas kutit kobun kipsengwet, ne uu cheetap peek che chaang', ak ko uu cheetap tuleet ne oo: ak cheonooto kigagas ko ki uu ne po putiik che putei ketubosyekwak:

BUKUIT NE TILIIL Sireet ne Dutero Kanon

² Ak ki agas kutit kobun kipsengwet, ne uu cheetap peek che chaang', ak ko uu cheetap tuleet ne oo: ak cheonooto kigagas ko ki uu ne po putiik che putei ketubosyekwak:

NG'ANG'UTYET 14:2 ပူးပေါင်းရင်းမြစ်များ

2 SAMUEL 6:5

Ak kibut Daudi ak got tugul ne bo Israel eng’ taitab Jehovah, kibugandisiek che kigiyae ketikab biribiriet, koboto ketubosiek, ak kibugandinik, ak eng’ sugutisiek che mengechen, ak eng’ ndurerusiek, ak eng’ sanisiek che cheeitos.

2 ATEPTAP PEETUUSYEK 20:28

Ak kibwa Jerusalem kobutonu kibugandinik ak ketubosiek, ak koguutonu iriagok kot koit gotab Jehovah.

TIENWOGIKAL 147:7

Otienji Jehovah koboto kagoitoetab kongoi: Otienji Kamuktaindennyo kalosunoik eng’ ketubet:

TIENWOGIKAL 149:3

Ingolos kainennyi ye urerendos: Ingotienji inendet kalosunoik eng’ sugutit ne ming’in ak ketubet.

TIENWOGIKAL 33:2

Oweekyi Jehovah kongoi eng’ ketubet: Otienji kalosunoik eng’ kibugandet ne tinyei inoik taman.

TIENWOGIKAL 43:4

Si awa anyun kaptisisietab Kamuktaindet, Ole mi Kamuktaindet ne boiboiyennyu ne siirtoot: Alosun eng’ ketubet, ee Kamuktaindet, Kamuktaindennyu.

TIENWOGIKAL 57:8

Ng’eet, torornatennyu; ng’eet, kibugandet ak ketubet: Ang’eete ko kairir emet.

TIENWOGIKAL 92:3

Eng’ kibugandet ne tinyei inoik taman, ak kibugandet age; Koboto ketubet ne cheei mising’.

TIENWOGIKAL 93:4

Kim Jehovah eng’ barak, Kosiir tuletab beek che chang’, Kosiir mildaetab ge ne kim ne bo nyanjet.

TIENWOGIKAL 98:5

Otienji Jehovah kalosunoik eng’ ketubet; Eng’ ketubet, ak eng’ kutitab kalosunet.

KOMONG'U 19:16

Ak eng’ betutab somok, ko kaeech, kobiit tulosiek ak kalyelosiek, ak kiilaach boldet ne tuui tulwet, ak kimi cheetab iriaget ne cheei kot; ak kobotanso bik tugul che kimi nganaset.

KOMONG'U 20:18

Ak ye kingogeer bik tugul kalyelosiek ak tulwet ne iyeni, ak kogas tuletab ilotik ak cheetab iriaget, kobotanso, ak kotononso eng’ ole loo.

ISAIAH 17:13

Ruaei bororiosiek ko u ruaetab beek che chang’: ago kerei kong’ inendet ichek: ak komwei kolooegitu, ak keon ko u metetek che ibei usonet eng’ tulonok, ak ko u ye arureni temburiek eng’ kipchurjuriet.

EZEKIEL 43:2

ogeero, kimong’une oretab kong’asis lilindab Kamuktaindetab Israel: ak ki u twegunennyi cheetab beek che chang’: ak kiiluu ng’ony eng’ lilindanyi.

SEKARIA 9:14

Ak kotook Jehovah eng’ baragunywa, ak kwo ne kipchabennyi ko u kalyelet: ak koguut Kiptaiyat Jehovah iriaget, ak kwo koboto kipchurjurinik che bo murot ne bo tai.

1 KORINTOEK 13:1

Agot ndang’alale kutuswekab bik ak che bo malaikaisiek, amatinye chamnyet, ko kaegu sugunwet ne cheei, anan sanitab sugunwet ne bolei.

NG'ANG'UTYET 1:10

Kiami eng’ Tamirmiriet eng’ betutab Kiptaiyat, ak kiagas kutit ne o eng’ batennyu, ko u ne bo iriaget

NG'ANG'UTYET 1:15

ak ki u kelyekyik sugunwet ne sitat mising’, ko u ne kigitilil eng’ mat; ak ki u tugennyi cheetab beek che chang’.

NG'ANG'UTYET 11:12

Ak kigas kutit ne o ne bunu kipsengwet kolenji ichek, Otogosu oli. Ak kitogosta koba kipsengwet eng’ boldet; ak kogeerot ichek bunikwak.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 15:2

Ak kiageer kit ne u nyanjetab glasit ne burugot ak mat; ak icheget che kigoterter tionyoto ak kanamwennyi, ak koitetab kainennyi, kotonondos eng’ ye negite nyanjetab glasit, che tinyei ketubosiekab Jehovah.

NG'ANG'UTYET 18:22

Ama kegasei kogeny eng’ inye butikab ketubosiek ak che tiendos ak butikab ndurerusiek ak che kuutei iriagok; ama kenyoru musogindet ne bo musoknatet age tugul eng’ inye kogeny agoi; ama kegasei cheetab koitab bai eng’ inye kogeny agoi;

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.

NG'ANG'UTYET 6:1

Ak kiageer ye kingoyat Aruet age eng’ ng’oksosiechoto tisab, ak kiagas age eng’ tiong’ichoto ang’wan soptos komwaei eng’ cheet ne u tulet, kole, Nyo.

NG'ANG'UTYET 8:7

Ak kiguut malaikaiyat ne bo tai, ak kibiit koikab ropta ak mat, che burugotin ak korotik, ak kigiwirji ng’ony: ak kilal kebeberta agenge eng’ somok ne bo ng’ony, ak kilal kebeberta agenge eng’ somok ne bo ketik, ak kilalyo suswek tugul che tuonen.