NG'ANG'UTYET 14:14 - BUKUIT NE TILIL

¹⁴ Ak kiageer, ak ogeero, boldet ne leel; ak kitebe boldanato chito ne u weritab chi, kotinyei eng’ metinnyi narietab tahabu, ak kimi eunnyi chepkeswet ne ng’atib.

Bukuit Ne Tilil

¹⁴ Ki ageer, ak ogeero, pooldet ne leel; ak kitebee poldanooto chiito ne uu weeriitap chii, kotinyei eng' metinnyi naaryeetap thahabu, ak ki mi eunnyi chepkeswet ne ng'atip.

BUKUIT NE TILIIL Sireet ne Dutero Kanon

¹⁴ Ki ageer, ak ogeero, pooldet ne leel; ak kitebee poldanooto chiito ne uu weeriitap chii, kotinyei eng' metinnyi naaryeetap thahabu, ak ki mi eunnyi chepkeswet ne ng'atip.

NG'ANG'UTYET 14:14 ပူးပေါင်းရင်းမြစ်များ

TIENWOGIKAL 21:3

Amu isib igochini kaberuroikab mieindo: Igerjine metit narietab tahabu ne kararan.

TIENWOGIKAL 97:2

Yiemei inendet bolik ak mesundeito: Ole tebe ng’echerennyi ne bo bounatet ko imanda ak kiruoget.

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

MATAYO 13:30

Ingobityo tugul agoi kesisiet; ak eng’ betutab kesisiet amwachi kesik, alenji, Oyum korok chemulbainik, ak orat ratutik si obeel: ak oyumji chogennyu bek.

MATAYO 17:5

Kingota kong’alali, ogeero, kouur ichek boldet ne iluu: ak ogeero, kimong’une kutit boldet, kole, Ni ko Werinnyu, chamanennyu, abaibai mising’ eng’ inendet; ogas okwek inendet.

MARIKO 4:29

Ago ye kagorurio bek, eng’ yoto anyun koib chepkeswet, amu kait kesisiet.

LUKA 21:27

Ak eng’ betunoto kogeer anyun Weritab chi konyonei eng’ boldet koboto kimnatet ak lilindo ne o.

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.

NG'ANG'UTYET 1:13

ak eng’ kwenutab kelyechoto bo taisiek, ageer chito ne kergei ak weritab chi, kolaachi ngoriet ne itei kelyek, ak koratategei birenetab tahabu eng’ teget.

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

NG'ANG'UTYET 10:1

Ak kiageer malaikaiyat age ne kim kochorugei eng’ kipsengwet, kolaachi boldet; ak kimi chemng’isiriet metinnyi, ak ki u togennyi asista, ak ki u kelyekyik tolochikab mat;

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 19:12

Ak ki u konyekyik liblibenetab mat, ak kimi metinnyi nariosiek che chang’; ak kotinyei kainet ne kigisir, ne mami chi ne ingen kobate inendet inegei.

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 6:2

Ak kiageer, ogeero, mbartanyit ne leel, ak kitinyei kwanget inendet ne kitebe; ak kigigochi inendet kutwet: ak kiwa eng’ katerteret, ak koterteris.